الموضوع: مشكلة فى تليين السيارة بعد العمرة

السلام عليكم،،،
أهم حاجة في التليين أن العربية تحرق وهي واقفة بدون حركة صفيحة أو صفيحة ونص فعلاً وممكن في الأيام الحر تدور العربية بالليل وتجيب مروحة أستاند أمام الردياتير لجودة التبريد، وأنا بسمع أن البنزين 80 أحسن من 90 في التليين علي السلانسية والله أعلم وكمان هيكون أوفر، ثاني حاجة لما تمشي بالعربية متحملش عليها كتير يعني أوزان أو جري وهكذا لفترة صغيرة وبعد ذلك ممكن تبدء في المشي الطبيعي بس بأسلوب قيادة هادي وممكن تبدء تزود الأوزان المحملة علي العربية واحدة واحدة، وبانسبة للزيوت الشل كويس جداً ومن الأحسن أنك تغير زيت كتير علشان الموتور بيكون فيه رايش وبواقي من الخراط والميكانيكي والغبار من الجو وخلافه هات أي نوع رخيص نوعاً ما ولما يبدء تمشي بالعربية حط الشل الأصفر.
وربنا يكفيك شرها والله الموفق...

متنساش تغير الفلتر بتاع الزيت بعد بعد حرق الصفيحتين مباشرة اللى هوة بعد التليين على الواقف لان الرايش كلة بيكون فى الفلتر
خلى بالك
و ميفرقش نوع المياة بس فقط تاكد من منسوب المياة فى الريداتير و خلى التليين يكون مساءا بعد 10م مثلا و فى حتة مفتوحة لان اخطر حاجة فى فترة التليين على الواقف ارتفاع حرارة الموتور من الاخر خلى عينك دايما على مؤشر الحرارة و ربنا يسترها معاك

جزاكم الله خيراً

انا عن نفسى كنت عامل زيك كده محتار هخلص فين 1000 ك بتوع التلين لما عملت عمرة فى عربيتى بالذات فى الجو الزحمة الى احنا فية وانت لازم تكون ماشى على مهلك يعنى 40 50 60 ك مش اكتر

عليك وعلى طريق العين السخنة .. انا كنت بروح لغاية البوابات والف تانى يعنى من الساعة عشرة لغاية الساعة 2 بليل حوالى 3 لفات وبعمل حوالى 100 ك على ما اظن فى الفترة دية واروح
بس نصيحة خلى حد معاك وانت بتلين علشان متظهقش وربنا معاك

ربنا يقويك انا جربت الشعور ده مرتين هات كاسيت حلو و الشرايط الجديده و عيش انا كنت بتسلي علي البحر اصل انا من اسكندريه