| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 3 من 6 الأولىالأولى 1 2 3 4 5 6 الأخيرةالأخيرة
النتائج 21 إلى 30 من 52

الموضوع: فضفضة ( متجدد )

  1. #21

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    hasad">

    [quote=Nourelomar;657315]والسؤال هنا هو ...... إزاي نقدر نعيش على طبيعتنا وفطرتنا الطيبة مع ناس مينفعش معاهم كدة ؟
    وهل الحل إننا نتوحش ... طب حنعلم ولادنا إيه .... الطيبة الحقيقية إللي جوانا ... واللا الوش إللي لازم يتعاملوا بيه مع الناس ؟؟؟؟؟
    quote]

    اقتباس المشاركة الأصلية كتبت بواسطة fiatto مشاهدة المشاركة
    أبوس ايد اللى يجاوبنى على السؤال العقدة ده !!!!
    انا حقولكم وجهه نظري في الموضوع ده عن تجارب لاستخدام كل انواع التعامل مع البشر
    احنا نعتبر ان كل الناس محترمه وطيبه وحنتعامل معاهم من خلال المبدا ده بس بحدود طبعا والا حيتنصب علينا من كل واحد نعرفه
    انا عن نفسي لما بتعامل مع حد ببدا احدد اسلوب التعامل بتاعه هو الاول
    لو كويس بعامله كويس
    لو وحش بعامله كويس لمده 5 دقايق وبعد كده هو بيحدد اسلوب التعامل معاه
    المشكله اننا زي ما بنقول فلان وحش واحنا لسه متعاملناش معاه
    ففلان برضه بيقول ان انا وحش يبقي لازم يكون فيه نقطه تلاقي وانك تبدا تعامله بالحسني الاول في التعامل المباشر بينك وبينه لانه لو شافك بتعامل حد وحش حيقول ان ده اسلوبك
    يبقي احنا حنتعامل مع الناس كلها انهم كويسين وحلوين وزي العسل
    لحد ما يثبت العكس
    انا حصل معايا موقفين عكس بعض والاتنين انا بعتبرهم مثال لموضوع التعامل مع الناس
    الموقف الاول من حوالي 5 سنين جالي راجل محترم صاحب سنترال كبير في المنطقه ومعاه واحد صاحبه عاوزين يشتروا تليفون مستعمل
    وكان التليفون سامسونج كوري c100 المهم بكل احترام وموده الراجل اخد التليفون ودفع فيه مبلغ محترم والجهاز يعتبر جديد (خدوا بالكم ان كل الشخصيات محترمه جدا-لحد دلوقتي)
    المهم رجعلي بعدها بكام يوم وقالي البطاريه مش بتقعد غير نص يوم (بتقعد 4ايام عن تجربتي الشخصيه)
    انا فهمت طبعا ان حد نفخ في دانه وقاله انه غالي وروح رجعه
    فقولتله يا استاذ سيبهولي اجربه وعلي الشحن اللي سابه بيه قعد معايا الجهاز يومين شغال زي الفل
    واعتبارا للراجل اللي هو جه معاه فروحتله سالته فقالي انا لقيت ان المعامله معاه وحشه فالي انت شايفه اعمله
    فجالي الراجل وحاولت افهمه بالهدوء انه ممكن يكون بيقعد يلعب في الجهاز كتير او يتكلم فالبطاريه بتخلص
    لحد ما اثبت انه بيتلكك
    فقولتله طيب طالما عاوز ترجعه تخسر فيه 50 جنيه
    فقالي انا بقي ليا اسلوب حعرف اتعامل بيه معاك
    كل اللي حصل ده وانا صوتي واطي وهادي جدا
    وكان ردي باعلي صوت بص يا عم
    عندك 4 حلول للموضوع ده
    يا تخسر 50 جنيه يا تروح القسم تشتكيني يا تاخد الجهاز وتمشي يا تاخد بالجزمه ومليكش عندي حاجه
    والراجل مشكورا اقتنع وخسر ال 50 جنيه
    تاني موقف كان العكس
    حصلت مشكله مع واحد وبعتلي 2 قرايبه كل واحد فيهم يسد عين الشمس
    وداخلين عليا يقولو ا مين اللي زعل فلان
    قولتلهم انا
    قالولي وليه تزعلوا
    فقولتلهم انتم جايين تتخانقوا ؟؟؟؟؟؟؟؟؟؟؟؟؟؟؟؟؟؟
    عموما اقعدوا خدوا واجبكم (وروحت طالب شاي ) وبعد كده ندغدغ بعض
    لقيتهم بيقولوا يا عم الواجب ده علينا واحنا منعرفش انك كويس كده وافتكرناك مش محترم واحنا اسفين بس الواد جه فور دمنا عليك
    والناس دي لحد النهارده يشوفوني في الشارع لازم ينزلوني من العربيه واقعد معاهم شويه

    اللي عاوز اوضحه ان اللي قدامك هو اللي بيفرض عليك اسلوب التعامل معاه
    بس انت لازم تاخد خبره في تحديد نوعيه الناس علشان تقدر تعرف حتتعامل معاهم ازاي
    ولازم تكتسب جميع انواع واساليب التعامل مع الناس ودي حاجه بتيجي بالخبره وكتير التعامل
    بووووووووووووووس يا فياتو :10D5C8~1107:


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  2. #22

    الصورة الرمزية sendrella

    رقم العضوية : 26719

    تاريخ التسجيل : 03Dec2008

    المشاركات : 281

    الحالة : sendrella غير متواجد حالياً

    افتراضي -

    اقتباس المشاركة الأصلية كتبت بواسطة Nourelomar مشاهدة المشاركة
    والسؤال هنا هو ...... إزاي نقدر نعيش على طبيعتنا وفطرتنا الطيبة مع ناس مينفعش معاهم كدة ؟
    وهل الحل إننا نتوحش ... طب حنعلم ولادنا إيه .... الطيبة الحقيقية إللي جوانا ... واللا الوش إللي لازم يتعاملوا بيه مع الناس ؟؟؟؟؟
    هنعلم ولادنا فطرتنا الطيبة يا نور بس مع الناس الطيبة بس
    و هعلمهم كمان ما يأمنوش لمخلوووووق
    و هنعلمهم الوش التانى كمان اللي لازم يتعاملوا بيه مع الناس التانيه
    هنعلمهم ازاى يكونوا طيبين مع الاخيار
    و ازاي يكونوا اشرار مع الاشرار
    و هعلمهم " اذا لم تتذأب تأكلك الذئاب "

    اقتباس المشاركة الأصلية كتبت بواسطة fiatto مشاهدة المشاركة
    أبوس ايد اللى يجاوبنى على السؤال العقدة ده !!!!
    بيتهيء لي هو ده الجواب الامثل يا فياتو
    بس لو حد عنده رأي تانى ياريت يفيدنا

    قُلْ مَتَاعُ الدَّنْيَا قَلِيلٌ وَالآخِرَةُ خَيْرٌ لِّمَنِ اتَّقَى وَلاَ تُظْلَمُونَ فَتِيلاً
    ــ يارب انصرنا على الظالمين
    حسبي الله و نعم الوكيييييييييل


  3. #23

    الصورة الرمزية نور العمر

    رقم العضوية : 11215

    تاريخ التسجيل : 21May2008

    المشاركات : 1,853

    الاقامة : nasr city

    الحالة : نور العمر غير متواجد حالياً

    افتراضي -

    [QUOTE=shnory;657523]

    اقتباس المشاركة الأصلية كتبت بواسطة Nourelomar مشاهدة المشاركة
    وكان ردي باعلي صوت بص يا عم
    عندك 4 حلول للموضوع ده
    يا تخسر 50 جنيه يا تروح القسم تشتكيني يا تاخد الجهاز وتمشي يا تاخد بالجزمه ومليكش عندي حاجه
    والراجل مشكورا اقتنع وخسر ال 50 جنيه
    10D5C8~1107:
    بجد موقف دمه خفيف ... وهي دي النهاية المناسبة مع النوع ده من البشر .... بس للأسف .... الناس مبتجيش إلا بكدة ( إدي فوق الدماغ ) ( وعلي صوتك ) ( وهدد ) عشان تعرف تاخذ أو تحافظ على حقك

    أنا مبسوطة جداً يا شنوري رجوعك لنا .... بمشاركة جميلة كدة
    وكمان .... محتاجين نتكلم في التعامل مع البشر وأنماطها عشان نتعلم كلنا من خبرات بعض ...

    أما يا سندريلا ... مينفعش أطفال أعلمهم بالشكل ده ...
    الحل ... أربيهم على الأصول الطيبة ... وأول ما أتأكد من إن أخلاقياتهم تمام .... نبدأ نشرح كيفية التعامل مع انماط البشر ... مع إقناعهم إنهم هم الصح مهما واجهوا أمامهم ... لأنهم بيتبعو منهج الله ورسوله... والله المستعان على الدنيا وما فيها


    كم أحبك يا الله


  4. #24

    الصورة الرمزية sendrella

    رقم العضوية : 26719

    تاريخ التسجيل : 03Dec2008

    المشاركات : 281

    الحالة : sendrella غير متواجد حالياً

    افتراضي -

    [quote=shnory;657523]

    اقتباس المشاركة الأصلية كتبت بواسطة Nourelomar مشاهدة المشاركة
    وكان ردي باعلي صوت بص يا عم
    عندك 4 حلول للموضوع ده
    يا تخسر 50 جنيه يا تروح القسم تشتكيني يا تاخد الجهاز وتمشي يا تاخد بالجزمه ومليكش عندي حاجه
    والراجل مشكورا اقتنع وخسر ال 50 جنيه
    ههههههههههههههههههههههههه ههههههههههه
    تحففففففففففففة والله
    بجد ارووووووع 4 حلول

    انت فعلا معاك حق في كلمة قلتها يا شنوري
    الناس بقت وحشة اوى مش عارفة ليه
    طبيعتهم اتغيرت ولا الواحد كبر و بدأ يواجه الدنيا صح
    و كل اللى مرينا بيه قبل كدة ده كان قشور

    و كله كوم و الاخوة الزاهدين اللي عايزينكم تسيبوا حقكم دول
    انا الفترة دي اتعاملت مع ناس زيهم برده بحكم تشابه الظروف
    و اسمع منهم احلى الكلام :

    هو الكفن له جيوب
    هم اللي قبلينا خدوا ايه
    الواحد مننا اخره تربة متر في مترين
    ربنا بيبارك في القليل
    يا بخت من بات مظلوم ولا بات ظالم ....... الخ
    و ليه اصلا يكون في ظالم و مظلوم ليه مش كل واحد ياخد حقه

    بس هنقول ايه
    المنتقم الجبار موجود
    قادر على كل شيء

    و حسبنا الله و نعم الوكيل

    قُلْ مَتَاعُ الدَّنْيَا قَلِيلٌ وَالآخِرَةُ خَيْرٌ لِّمَنِ اتَّقَى وَلاَ تُظْلَمُونَ فَتِيلاً
    ــ يارب انصرنا على الظالمين
    حسبي الله و نعم الوكيييييييييل


  5. #25

    الصورة الرمزية fiatto

    رقم العضوية : 11234

    تاريخ التسجيل : 22May2008

    المشاركات : 208

    النوع : ذكر

    الاقامة : cairo

    السيارة: ???

    السيارة[2]: suzuki

    الحالة : fiatto غير متواجد حالياً

    افتراضي -

    استاذ شنورى المشاكس
    كل تقديرى لخبرتك ورؤيتك فى الحياة اللى حصلت عليها من خبرات كتير ، بس مش ده اللى قصدته بالسؤال العقدة !!
    حسب كلامك ان فلان مبيفهمش غير موسيقى روك ، أروح مطلع اسطوانة الروك واسمعهاله ، والتانى مبيفهمش غير الخبط والرزع بتاع الميتال ، أروح مشغله اسطوانة الميتال ، والآخر مبيفهمش غير الشعبى المبتذل ، أروح مشغله أسطوانة الشعبى المبتذل مع توصية بتعلية الصوت عالآخر !!!!
    رغم انها طريقة فعالة عن تجاربك المختلفة ، الا انى شايف ان هويتك الحقيقية بتندثر شيئاً فشيئاً وتتلاشى لتتكون مكانها ما يسمى بالشخصية العامة ذات المفهوم الجمعى ، اللى زيها زى مليون حد زيها وتشوفها فى كل حتة وعلى كل مستوى .
    بعامل الناس بشخصيتى وما اتكلت على الله فى اختياره ، وزى ماتكون ، ساعات بخسر وساعات ربنا بيوفقنى ويجيب لى حقى .
    موقف ياشنورى مفيهوش أى حاجة من اللى انت قلت عليها تماما ويتسم بالغباء الاجتماعى الشديد قمت بيه من كام سنة مع 6 دكاترة بالعميد بتاعهم ، لم اتنازل عما رأيته حق وكرامة وعاملتهم بحزم وشدة ووضعت فصلى من العمل فى كفة وحقى وكرامتى فى كفة ، ولولا دعم ربنا لموقفى مكنش عدى على خير والحمد لله جالى حقى من غير ما أغير نفسى ولا اركب اسطوانة رئيسك فى العمل بيتعامل ازاى .
    السؤال هو ازاى الناس اللى مش عوزة تكلم كل واحد بطريقته وتتعامل بطبيعتها ، ازاى تفضل على ما هى عليه وفى نفس الوقت تنال ماتريد ؟ ازاى نخلى ولادنا ليهم شخصية ويعاملوا الناس من غير مايتلونوا فى اليوم بميت لون.
    يمكن فى المجتمعات الغربية فيه نظام ومنطق بيحكم الأمور الحياتية المعتادة وهو غالباً بيكون الحكم بين الناس فى أمورهم العامة ، لكن حينما يتلاشى هذا النظام والمنطق المشترك ، كل واحد بيخلق لنفسه نظام ومنطق خاص واللى عاجبه بقه ، وفى المقابل بتعم الفوضى.



    My Jet Fiat


  6. #26

    الصورة الرمزية sendrella

    رقم العضوية : 26719

    تاريخ التسجيل : 03Dec2008

    المشاركات : 281

    الحالة : sendrella غير متواجد حالياً

    افتراضي -

    [quote=Nourelomar;657578]

    اقتباس المشاركة الأصلية كتبت بواسطة shnory مشاهدة المشاركة


    أما يا سندريلا ... مينفعش أطفال أعلمهم بالشكل ده ...
    الحل ... أربيهم على الأصول الطيبة ... وأول ما أتأكد من إن أخلاقياتهم تمام .... نبدأ نشرح كيفية التعامل مع انماط البشر ... مع إقناعهم إنهم هم الصح مهما واجهوا أمامهم ... لأنهم بيتبعو منهج الله ورسوله... والله المستعان على الدنيا وما فيها
    انتى عندك حق يا نور
    بس انا اللى الفترة دي موازيني فيها شيء من الخلل
    مش هعرف اقيم الامور صح بنسبة 100 % لاني اصلا شايفة
    الدنيا سوده
    و عندي كم كبير من الاحباط من البشر طبعا
    بس املي في ربنا كبير اوي

    { الَّذِينَ اسْتَجَابُوا لِلَّهِ وَالرَّسُولِ مِنْ بَعْدِ مَا أَصَابَهُمُ الْقَرْحُ لِلَّذِينَ أَحْسَنُوا مِنْهُمْ وَاتَّقَوْا أَجْرٌ عَظِيمٌ (172) الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ (173) فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ (174) إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ (175) }[آل عمران]

    قُلْ مَتَاعُ الدَّنْيَا قَلِيلٌ وَالآخِرَةُ خَيْرٌ لِّمَنِ اتَّقَى وَلاَ تُظْلَمُونَ فَتِيلاً
    ــ يارب انصرنا على الظالمين
    حسبي الله و نعم الوكيييييييييل


  7. #27

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    والله انا مبسوط اكتر لوجودي معاكم في موضوع واحد يا نور العمر
    بالنسبه للتعامل مع انواع البشر فعاوز اقولكم علي سر
    انا كنت واحد محل في مكان ما يعلم بيه الا ربنا فيه نسبه اجرام عاليه جدا
    بمعني تاني دخلت وسط غابه
    وكل الناس حذرتني من الوجود في الوسط ده
    بس انا من النوع اللي مش بيتعلم ان النار بتحرق غير لما يولعوا فيه
    المهم طبعا كان فيه ناس كتير محترمه فوق من ما تتخيلوا بس كلامنا مش علي التعامل معاهم
    كلامنا علي التعامل مع النوعيه المتوحشه
    تعالوا بقي نجيب واحد مسجل خطر جرايم نفس وفرض سيطره وسرقات
    دا حنتعامل معاه ازاي
    قعدت فكرت في نفسي كده شويه وقولت ان الشخص ده مبقاش كده غير لما الناس عملت فيه كده
    فجربت اعاملهم باحترام وكانت النتيجه مذهله لدرجه لا تتخيلوها
    بقم بيعاملوني كاني ملك من الملوك
    لو حد فيهم بيعمل حاجه غلط وانا وقف في الشارع يبطلها لحد ما ادخل المحل تاني
    لو الصوت عندي بقي عالي وحسوا ان فيه خناقه كان ممكن ييجوا يقتلوا اللي مزعلني (بس حيلبسوني مصيبه)
    انا سيبت المكان ده من سنتين ونص ولحد النهارده لما يشوفوني بيبقوا عاملين زي العيال الصغيره
    اخرها من كام يوم كانوا جايين يتخانقوا مع واحد من المنطقه ولما شافوني اخدوا بعضهم ومشيوا ولا كانهم جايين يعملوا حاجه
    بس خدوا بالكم ان كان فيه احترام بس كان فيه ردع ليهم في الاول


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  8. #28

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    اقتباس المشاركة الأصلية كتبت بواسطة fiatto مشاهدة المشاركة
    استاذ شنورى المشاكس
    كل تقديرى لخبرتك ورؤيتك فى الحياة اللى حصلت عليها من خبرات كتير ، بس مش ده اللى قصدته بالسؤال العقدة !!
    حسب كلامك ان فلان مبيفهمش غير موسيقى روك ، أروح مطلع اسطوانة الروك واسمعهاله ، والتانى مبيفهمش غير الخبط والرزع بتاع الميتال ، أروح مشغله اسطوانة الميتال ، والآخر مبيفهمش غير الشعبى المبتذل ، أروح مشغله أسطوانة الشعبى المبتذل مع توصية بتعلية الصوت عالآخر !!!!
    رغم انها طريقة فعالة عن تجاربك المختلفة ، الا انى شايف ان هويتك الحقيقية بتندثر شيئاً فشيئاً وتتلاشى لتتكون مكانها ما يسمى بالشخصية العامة ذات المفهوم الجمعى ، اللى زيها زى مليون حد زيها وتشوفها فى كل حتة وعلى كل مستوى .
    بعامل الناس بشخصيتى وما اتكلت على الله فى اختياره ، وزى ماتكون ، ساعات بخسر وساعات ربنا بيوفقنى ويجيب لى حقى .
    موقف ياشنورى مفيهوش أى حاجة من اللى انت قلت عليها تماما ويتسم بالغباء الاجتماعى الشديد قمت بيه من كام سنة مع 6 دكاترة بالعميد بتاعهم ، لم اتنازل عما رأيته حق وكرامة وعاملتهم بحزم وشدة ووضعت فصلى من العمل فى كفة وحقى وكرامتى فى كفة ، ولولا دعم ربنا لموقفى مكنش عدى على خير والحمد لله جالى حقى من غير ما أغير نفسى ولا اركب اسطوانة رئيسك فى العمل بيتعامل ازاى .
    السؤال هو ازاى الناس اللى مش عوزة تكلم كل واحد بطريقته وتتعامل بطبيعتها ، ازاى تفضل على ما هى عليه وفى نفس الوقت تنال ماتريد ؟ ازاى نخلى ولادنا ليهم شخصية ويعاملوا الناس من غير مايتلونوا فى اليوم بميت لون.
    يمكن فى المجتمعات الغربية فيه نظام ومنطق بيحكم الأمور الحياتية المعتادة وهو غالباً بيكون الحكم بين الناس فى أمورهم العامة ، لكن حينما يتلاشى هذا النظام والمنطق المشترك ، كل واحد بيخلق لنفسه نظام ومنطق خاص واللى عاجبه بقه ، وفى المقابل بتعم الفوضى.
    علي فكره يا فياتو
    كل كلامك ده كان السبب اني سيبت المحل التاني او جزء كبير من السبب
    انا كنت ناسي بس كلامك فكرني
    حسيت اني كل بني ادم بتعامل معاه لازم الف وادور لحد ما اوصل لشخصيته او زي ما الناس بتقول دلوقتي تعمله حوار
    ولقيت اني حبدا اتحول فعليا لشخص تاني شخص لازم يتلون بكذا لون
    ولونه الاساسي حيضيع وسط دول


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  9. #29

    الصورة الرمزية نور العمر

    رقم العضوية : 11215

    تاريخ التسجيل : 21May2008

    المشاركات : 1,853

    الاقامة : nasr city

    الحالة : نور العمر غير متواجد حالياً

    افتراضي -

    اقتباس المشاركة الأصلية كتبت بواسطة shnory مشاهدة المشاركة
    علي فكره يا فياتو
    كل كلامك ده كان السبب اني سيبت المحل التاني او جزء كبير من السبب
    انا كنت ناسي بس كلامك فكرني
    حسيت اني كل بني ادم بتعامل معاه لازم الف وادور لحد ما اوصل لشخصيته او زي ما الناس بتقول دلوقتي تعمله حوار
    ولقيت اني حبدا اتحول فعليا لشخص تاني شخص لازم يتلون بكذا لون
    ولونه الاساسي حيضيع وسط دول
    هو ده إللي بخاف منه يا شنوري ... أصل الإنسان .. لونه الحقيقي ... بتحاول تبقا مرن ... بتحاول تجاري الأمور بأقل الخسائر ... بس الخوف الواحد يخسر نفسه وهو بيعمل كدة ... وميعرفش يرجع لطبيعته تاني ....عن نفسي ... لما باضطر وبخاف ... بقلب التربيزة على الكل ... وزي ما تيجي تيجي


    كم أحبك يا الله


  10. #30

    الصورة الرمزية fiatto

    رقم العضوية : 11234

    تاريخ التسجيل : 22May2008

    المشاركات : 208

    النوع : ذكر

    الاقامة : cairo

    السيارة: ???

    السيارة[2]: suzuki

    الحالة : fiatto غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة Nourelomar مشاهدة المشاركة
    عن نفسي ... لما باضطر وبخاف ... بقلب التربيزة على الكل ... وزي ما تيجي تيجي
    وصدقينى يانور والله ربك بيسترها ويوفق الواحد



    My Jet Fiat



 
صفحة 3 من 6 الأولىالأولى 1 2 3 4 5 6 الأخيرةالأخيرة

المواضيع المتشابهه

  1. فضفضة في حب الوطن
    بواسطة a7madramadan في المنتدى المنتــــــدى الاجتمــاعى
    مشاركات: 0
    آخر مشاركة: 05-02-2011, 09:51 PM
  2. فضفضة .......نيسانيه
    بواسطة د.أحمد السعيد في المنتدى نيـــــــــسان
    مشاركات: 18
    آخر مشاركة: 04-04-2010, 12:32 AM
  3. فضفضة
    بواسطة Ahmed Samy في المنتدى المنتــــــدى الاجتمــاعى
    مشاركات: 43
    آخر مشاركة: 13-09-2008, 05:58 AM
  4. هو لية كدة ..فضفضة
    بواسطة SEATLOVER في المنتدى المنتــــــدى الاجتمــاعى
    مشاركات: 29
    آخر مشاركة: 03-04-2008, 11:31 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2