لسه شاري عربية تمبرا جديده وعايز أظبطها

**ZALABANY** · 14-02-2009 12:36 PM

السلام عليكم
الأخوه الأفاضل أنا لسه شاري عربيه تمبرا جديده هي العربية حلوه الحمد لله لكن طبعا فيها شوية تظبيطات اللي بتتعمل اول ما تجيب عربية مستعمله
أرجو من الإخوه يقولولي بأ اعمل ايه
عندي سير الكاتينه عايز يتغير
طقم بوجيهات اجيب نوع ايه احسن حاجه موجوده
سير الدينمو بيصفر
في صوت ونه في الغيار الأول والتاني بس
في رجرجة بسيطه في العربية في الطلعة والدبرياج تقيل هما دول في الغالب اسطوانه وديسك
ياريت تقولولي ابدأ بإيه اعمله وايه احسن الحاجات اللي اجيبها وياترا لو غيرت الإسطوانة والدسك الدبرياج هايبقى اخف ولا هو دبرياج التمبرا اصلا تقيل كده
برده لو حد يعرف مركز خدمه اويس او ميكانيكي كويس بيشتغل في التمبرا ياريت تقولولي عشان انا مش مرتاح للميكانيكي بتاع الفيات اللي كنت بوديله ال 28 وشكرا

**ZALABANY** · 14-02-2009 12:43 PM

نسيت حاجه يا جماعه عداد الحرارة بيطلع فوق ال 90 بشرطه ويثبت على كده أظن كده يبقى على 100 هل ده طبيعي ولا ايه ياريت تعرفوني ولو مش طبيعي اكشف على ايه هو صاحب العربية قالي هي كده من يوم ما اشتريتها وقالي لو حصلت الشرطة اللي بعد كده يبقى هو ده الخطر

**nabaster** · 14-02-2009 07:36 PM

المشاركة الأصلية كتبت بواسطة zalabany2007

السلام عليكم
الأخوه الأفاضل أنا لسه شاري عربيه تمبرا جديده هي العربية حلوه الحمد لله لكن طبعا فيها شوية تظبيطات اللي بتتعمل اول ما تجيب عربية مستعمله
أرجو من الإخوه يقولولي بأ اعمل ايه
عندي سير الكاتينه عايز يتغير
طقم بوجيهات اجيب نوع ايه احسن حاجه موجوده
سير الدينمو بيصفر
في صوت ونه في الغيار الأول والتاني بس
في رجرجة بسيطه في العربية في الطلعة والدبرياج تقيل هما دول في الغالب اسطوانه وديسك
ياريت تقولولي ابدأ بإيه اعمله وايه احسن الحاجات اللي اجيبها وياترا لو غيرت الإسطوانة والدسك الدبرياج هايبقى اخف ولا هو دبرياج التمبرا اصلا تقيل كده
برده لو حد يعرف مركز خدمه اويس او ميكانيكي كويس بيشتغل في التمبرا ياريت تقولولي عشان انا مش مرتاح للميكانيكي بتاع الفيات اللي كنت بوديله ال 28 وشكرا

واحده واحده ياباشا هردلك علي كل استفساراتك

1-لازم تغير سير الكاتينه في اقرب وقت
2- البويجهات الي انصحك بيها نوع اسمو الاوكيم فرنساوي وده بيتباع كل بوجيه لواحده وهوا في علبه زرقه وعليها رسمه بالاصفر

3- تغيير سير الدينمو

ولحد كده كل ده ساهل مش هياخد معاك ساعه مع الميكانيكي ماعدا سير الكاتينه عايز واحد بيفهم علشان يظبطه صح

اخر حاجه انتا كده هترع الموتور علشان تغيير الاسطوانه والديسك

والتقل الي في الدواسه ده سهل انك تغيير السوسته بتاعة الدبرياج بسوسته اخف وهيفرق معاك لاكن مش هيفرق اما تغيير الاسطوانه والديسك

مشكلة الحراره بقي وده الاهم انا عايز اعرف خامة الريداتير بتاعك لانه كده غالبا ممكن يكون حديد ولازم تغيره بواحد نحاس ويفضل اربعه ماسوره

يارب اكون افادتك وتحت امرك في اي استفسار

**ahmed_su** · 14-02-2009 08:16 PM

مبروك يامحمد باشا العربية

اولا هقولك من واقع خبرتى فى التمبرا

اولا تغير سير الكاتينة الاصلى الايطالى

بيرلى ذو العلبة الحمراء تغير البيوجيهات دانسو اليابان

الخاصة بالاشعال الالكترونى والمميزة بحرف R وتلاقى الاصلية

عند محل فى اول شارع زكى فى التوفقية اصمه صليب

ثانيا تغير زيت موتور وفلتر علشان تبدتدى صفحة جديدة مع

العربية - فلتر بنزين - فلتر هواء

هتروح للورشة اللى قلتلك عليها قبل كده وهو هيقولك على موضوع

الدبرياج محتاج ايه سواء كان سلك الدبرياج او اسطوانة ودسك

بخصوص الونة انصحك تكشف على زيت الفتيس ويفضل انك

تغيره لزيت 140 - اكشف على تيل الفرامل امامى وخلفى وغيره

اذا لزم الامر

بخصوص الحرارة التمبرا ذات دورة تبريد مغلقة يعنى لازم

تستنزف منها الهواء وجود اى فقعة هواء فى دورة التبريد بيؤدى

لارتفاع حرارتها اكشف على مصدر تسريب واتأكد من ففايز

الخراطيم وغير مايلزم وياريت تغسل دورة التبريد وتضيف مياه

خضراء او زرقاء من شركة معروفة واستنزف الهواء

راجع مروحة التبريد وانها بتعمل بكفاءة ومفيهاش اى بوش او

بتركن ... ده كل اللى فاكره لو عوزت اى حاجة انا تحت امرك