بشرى اخيرا علاج صوت تصفير الدركسيون

**waleedrahmy** · 18-02-2009 06:51 PM

المشاركة الأصلية كتبت بواسطة samirayad

طلمبة الباور هى من الطلمبات الموجبه(ذاتية التحضير)....ويطلق عليها positive displacement vane type pump...........وهى تتكون من غلاف داخلى casing اللى الصنايعى بيقول عليه الشميز

-والقلب الدوار هو الplate

او الvane ...أو الطبق ويمكن يكون بيسموه الرغيف ولا حاجه(لزوم الشميز)

-الطبق ده بيبقى مركب عليه عمود الطلمبه وبيسمى القلب الدوار(وعلى فكره بيكون لا محورى من داخل الشميز لعمل مناطق السحب...ومنطقة الطرد بينه وبين الشميز من الداخل(خلوص على الداير الداخلى غير متساوى على المحيط الداخلى)........

-يلاحظ تواجد بلوف السحب والطرد(بلوف عدم رجوع) من أول الشميز حتى الخروج من الطلمبه.......

- بكده نعرف أن كلام الصنايعى صح ....وأن الخلوص بين الشميز والقلب االدوار الداخلى زاد عن الأول....مما يضعف آداء الطلمبه......وبالتالى تغيير الشميز لو متاح حيحسن الآداء.....وحيرفع ضغط الزيت الخارج الى الأسكترا.......وبالتالى كفاءة دورة الباور حتزيد.....

يارب أكون قدرت أاقدم أفاده فى الموضوع..........تحياتى للجميع[/RIGHT]

أيه الخبرة الجبارة دي يا سمير باشا : .........

عمار يا قسم الدايو برجالك الخبراء

**samirayad** · 19-02-2009 02:34 PM

المشاركة الأصلية كتبت بواسطة Thaer

يا راجل، كلام كبير كبير قوي مش فاهم حاجة منه و ذلك لإختلاف اللهجات، بس برضه حيبقى كبير
:k8:

لو فيه حاجه مش واضحه ...حقولك برضه زى ما أخونا محمد ممدوح قالك قبل كده ....علم على اللى مش واضح وأنا أشرحه تانى بالE

المشاركة الأصلية كتبت بواسطة wezo122

شكرا جدا ليك يا بشمهندس سمير والميكانيكى يا خونا فى الحى العاشر ورا سوق السيارات اسمه أيمن وانشالله هجبلكم رقم تليفونه قريب جدا وتحياتى لكم

ربنا يكرم الجميع.....ويهيىء الخير من عنده..00000

المشاركة الأصلية كتبت بواسطة wezo122

يعنى يا بشمهندس سمير لو اتغيرالشيميز الدركسيون لو تقيل حيخف شوية

شوف يا أخى ...هم بيغيروا الشميز ...علشان يقلل الخلوص بين الشميز والقلب الدوار للطلمبه....علشان يرفع ضغط الطلمبه ويظبطه وبالتالى ضغط الزيت حيزيد....وكفاءة التوجيه حتزيد.....لأن الشميز لما بيبقى متاكل بيحصل تفويت داخل الطلميه وضغط الزيت بيضعف....

المشاركة الأصلية كتبت بواسطة waleedrahmy

أيه الخبرة الجبارة دي يا سمير باشا : .........

عمار يا قسم الدايو برجالك الخبراء

الله يخليك ياوليد باشا.....كلنا أخوات وبنكمل بعض والمفروض كل واحد يقول اللى يعرفه ونتناقش فيه علشان كلنا نستفيد ونعرف الحياه ماشيه أزاى.............وحتى لو اللى بيقول فكره بتكون خطا....فده عادى والمناقشه فى الآخر ....أكيد حتوصلنا جميعا للصح............