الله يبارك فيكى و لا شكر على واجب, شكرا
عرض للطباعة
ألف مبروك ..
أنا بصراحة معجب بالعربية دى وكنت بقارن بيها وبين البيكانتو أو انى أجيب مثلا لانوس أو فيرنا هاف .. بس هى أحلى كتير من اللانوس والفيرنا .. وتقييمك الجميل خلانى أقتنع بيها أكتر ..
الله يبارك فيك يا باشا و شكرا لذوقك و ان شاء الله تنضم لنا و بجد العربية تحفه و انا سوقت اللانوس سنه و هى عربيه كويسه و كمان الفيرنا بس مع احترامى ال i10 افضلها من حيث الاتساع كويسه جدا و الموتور معقول و موفر حدا فى البنزين..... لكنها انشف من اللانوس و بتحسسك بالحفر و النقر اللى فى الطريق شويه لكن فى المقابل ثباتها هايل و متحسش انها عربيه صغيره خالص
انا شكرتك ياباشا
للمجهود الرهيب اللى عملتة فى الموضوع الرائع دة
ألف مبروك وربنا يديك خيرها ويكفيك شرها
ربنا يباركلك فيها بجد تقرير ممتاز
طيب أنا عايز أجيبها بس محتار أجيبها هاف وأفر الخمس تلاف الفرق ولا أجيبها فول أوبشن .. خاصة انى حدفع جزء وأقسط الباقى فحتفرق شوية فى القسط ..
الفول أوبشن فيها كذا حاجة زيادة بس أغلبها مش حاجات مهمة زى مرايات فى الشماسات وتعديل المخادع والـrpm والإزاز الكهربا مش مهم أوى برضه .. بس الفوج لايت أعتقد مفيد وأهم حاجة أنا شايفها هى امكانية طى الكنبة تلت وتلتين (فى الهاف بتتنى كلها حتة واحدة) فأنا بقول ان دى حاجة مهمة عشان لو معاك حاجات وفى نفس الوقت معاك حد ممكن تقفل جزء من الكنبة تحط عليه الحاجات وفى نفس الوقت يبقى حد قاعد على الجزء التانى .. رأيكوا ايه ؟؟
انا عن نفسى حسيت الاوبشن الزياده دى مش فارقه اوى لانى عايز عربيه كويسه اهم حاجه يكون فيها تجهيزات الراحه الاساسيه زى التكييف و الباور و دول اساسيين بالاضافه لل radio CD لكن الفول اوبشن ميزتها الزجاج الكهربائى لكن مش فارق اوى لو كان فيها مرايات كهرباء و ABS و الاهم لو الكاوتش كان 14 او 15 كانت تستاهل الفرق لكن طى الكنبه 40:60 مش فارق اوى خصوصا ان العرض مش كبير اوى و دى موجوده فى الماتريكس لما تنيت التلتين لقيت الحاجه اللى كنت هحطها اكبر و كنت مضطر اتنيها ككل و اكتشفت انها مش عمليه اوى للدرجة لو الحاجه كبيره شويه و بالذات فى ال i10 عرضها اصغر و التنى هيبقى اصغر... اما بالنسبة للفوج ده سهل جدا تركبه و انا شوفت واحده هاف متركب لها فوجات و انت اولى بال 5 الآف مادمت ناوى تقسط.
السلام عليكم
ألف مبرووووووووووك عليك العربية يا باشا و ربنا يكفيك شرها يارب
تقريرك هاااايل و شامل فعلا ألف شكر .
بس كنت عايز أسألك لو كنت تعرف ياريت تفيدنا هل ألوان العربية ال 2009 فيها جديد و لا هي هي زي ال 2008 ؟؟