الله يبارك فيك يا باشا و شكرا جدا
عرض للطباعة
ممكن صور لل I10 الفول اوبشن من جوة وياريت سعرها كام ؟؟
المانيوال سعرها 61500 جنيه اما الاوتوماتيك معرفش بس هتكون حوالى 67000-68000.
ملحوظة: انا هرفعلك صور للكامله بس يفضل تشوفها على الحقيقة علشان الصور هيكون فيها اختلافات فى الاوبشن. ال cd اللى نازل معاها هو road star و فى الصور هتلاقى cd double din كبير, ده مش بينزل مصر. و المانيوال فول اوبشن بدون مرايات كهرباء لكن فرشها قماش بنقشة هتشوفها فى الصور و كمان فيها rpm و عداد السرعة خلفيته بيضاء و بينور بشكل مختلف.
الصور
http://www.postimage.org/PqxmZoi.jpg
http://www.postimage.org/aVwRL9r.jpg
http://www.postimage.org/aVwSt30.jpg
http://www.postimage.org/gx1zbDDJ.jpg
http://www.postimage.org/aVwT5Yi.jpg
http://www.postimage.org/aVwTnqi.jpg
http://www.postimage.org/gx1zc6zr.jpg
http://www.postimage.org/Pqxpw1r.jpg
http://www.postimage.org/aVwUEeS.jpg
http://www.postimage.org/Pqxqlpr.jpg
دى زى اللى هنا فيها cd single din بس اوتوماتيك.
http://www.postimage.org/aVwV_2J.jpg
http://www.postimage.org/PqxrYGi.jpg
http://www.postimage.org/aVwXimr.jpg
انا شوفت الهاف اوبشين النهاردة فى معرض بس كان عصاية الفتيس مش ضمن التابلوه
ياترا الفول هايبقا التابلوه والفتيس ضمنه زى الى فى الصور دة
وياترا فى الفول اوبشين فى شداد للشنطة من جوة ولا لاء ؟ وفيها فوج لايت ولا لاء ؟
وانا بردك محتار جداً ما بين أختيار البيكانتو والهيونداى ال I10
بصراحة شكل ال I10 رائع وواسعة من جوة واستيل
اما الكيا بيكانتو كويسة بردك بس الصالون ضيق شوية بس كل الناس بتشكر فيها من ناحية انها بتنزل من بلدها زى ما هيا تقفل كورى شامل
الفرق ما بين العربيتين 2500 جنية
فا محتار الصراحة
انا مش فاهم يعنى ايه ضمن التابلوه.. الهاف و الفول فيهم نفس الفتيس (الفتيس مش اوبشن) لكن اللون الفضى اللى حوالين الفتيس هو اللى ممكن نعتبره اوبشن.
الفول اوبشن فيها فوج لايت و مساحة خلفية و ستوب.. لكن معرفش مش متأكد من موضوع فتح الشنطة من الداخل.
و موضوع i10 او بيكانتو ده يرجعلك انا كاتب موضوع طويل عريض عن ال i10 لو قريته اصلا, و ممكن تشوف مواضيع عن الكيا بيكانتو.
ياباشا هو فيه حاجة أسمها فتيس فى الأوبشن ومش فى الأوبشين :36_1_1[1]:
انا بتكلم على مكان الفتيس ضمن استيل التابلوه زى الصورة دة
http://www.postimage.org/Pqxpw1r-50b...0044a0dd45.jpg
لاكن انا شوفت واحدة النهاردة هاف اوبشين لقيتها الفتيس فى تجويف لوحدة مش تبع استيل التابلوه
انا بالفعل قريت موضوعك إلى أكثر من رائع وبالفعل مقتنع 100 % بالعربية بس لحد دلوقتى معرضين سئلت فيهم الموظفين لو انت هاتركب عربية من الأتنين دول هاتركيب اية لقيتهم بيقولو
ان الهيونداى كلها مميزات بس بيفضلو الكيا بيكانتو لأنها كورى كلها
وسؤال بردك اية أخبار أسعار قطع الغيار ؟؟ الفوانيس أمامية وخلفية وغيره
معلش تعبك معايا
يا باشا صدقنى عربيتى هاف و فيها نفس الفتيس اللى فى الصورة تماما... و لو لفيت فى اى معرض هتلاقيه كده بس انت ركز أنا شاكك انك كنت تعبان شويتين و ركبت عربية غير ال i10 :C_laugh[1]: بس انزل شوفها و اتأكد.
اما بقى بالنسبة للبيكانتو فأنا بحبها جدا و كنت ناوى اجيبها قبل ال i10 بس فعلا كل التقارير بتقول ان ال i10 افضل من حيث road handling و الميل فى الملفات الحاده اقل من البيكانتو.
و انا مازلت بحب البيكانتو. و قبل لما اشترى ال i10 كنت محتار زيك.
لكن بجد بعد ما ركبتها انا مبسوط جدا منها و حاسس انى راكب عربيه محترمه جدا و مريحانى و متعه فى سواقتها, حتى لما ببقى فاضى كام يوم ببقى نفسى انزل اركبها و الف بيها.
انا بجد من حبى فيها لو هيدونى باسات بدلها هفضل دى عنها. بجد اكثر مما كنت اتوقع منها.
و على فكره و انا مقتنع بالبيكانتو و منتظرها واحد فى معرض قالى بص على ال i10 دى احلى من البيكانتو و اشيك و فيها cd بس مكنتش مقتنع, إلا لما غبور نزل سعرها و لقيت البيكانتو اغلى على الفاضى و فرق السعر ده مش هيدينى فرق, بل بالعكس العربيه دى محققه نجاح رهيب فى اوروبا و كل الاختبارات بتشكر فيها جدا.
و حاجه اخيره بقى بتوع المعارض دول ولا بيفهموا حاجه خالص و انا صدقنى لما كنت بتكلم مع اى واحد منهم كنت بقعد اصححله يمكن %75 من معلوماته الخاطئة عن اى عربية.
و بيقولوا اوبشن مش موجود فى العربية و ده اللى اكتشفته و كمان فى غبور نفسه مش بيبقوا عارفين مثلا ال i10 الفول فيها كاسيت ايه او الكاملة ايه؟؟؟؟ معلومه بس ليك دول بيبقوا ناس ملهومش فى اى حاجه.. و عرفت كمان و انا فى غبور علشان اعمل صيانة ان المعرض بيبقى ليه %5 خصم من تمن العربيه (اللى هما مكسبه) يبقى احسنله يبيع عربيه غاليه علشان مكسبه يزيد... و كمان محدش يقدر يقارن غير لما يركب كل واحده فتره و يشوف ايه الافضل و الاريح ليه و لو كان الاوبشن ده موجود مكنش الواحد يحتار كده.
و ان شاء الله ربنا يوفقك فى اختيارك.
السلام على احلى اعضاء..
انا عملت حتى الآن فوق ال 1800 كم بفضل الله.
و استهلاك البنزين اكتر من ممتاااااااااااااااااااااا ااز التفويلة الاخيره مشيت بيها كلها فى المدينة و الزحمة و مشوار رايح جاى لحد ابو رواش حوالى 4 ساعات فى الزحمة و النتيجة----------->
535 كم ب 30.81 لتر
يعنى 17.36 كم/لتر
او 347 كم فى الصفيحة (20 لتر)
سواقتى كلها هاديه الا مرتين قرصت على التانى بسيط و مره على الاول.
و المعدل اللى عملته ده احسن من اللى الشركة ذكرته و كل المواقع لانهم قالوا احسن استهلاك 16.125 كم/لتر بالنسبة للاستخدام داخل المدينة و فى الازدحام.