توقيعك ليه؟؟

**msobhy** · 16-02-2009 09:28 AM

المشاركة الأصلية كتبت بواسطة نور القمر

ربنا يخلي مروان ويبارك فيه ويحفظه من كل شر

ربنا يخليك يا نور
فعلا انتى من الشخصيات المميزة المحترمة معانا فى المنتدى

**tutankhamoun** · 16-02-2009 09:58 AM

أنا عملت 3 توقيعات منذ انضمامي لنايل موتورز
التوقيع الأول كان عن حالة الفوضى في شوارعنا و مقارنته مع الناس اللي بتحترم القانون و النظام ودي كانت الصورة

و طبعا باين قوي الفرق في طريقة التفكير ما بين الشعوب من طريقة القيادة و الالتزام بالنظام

التوقيع الثاني كان عن السيارة الجين 2 لاني معجب قوي بيها

التوقيع الثالث و الاخير و هو الحالي يُعبر عن ما بداخلي منُذ أن وعيت على الدنيا و بدأت أسأل من هؤلاء القوم الذين يعيون على حدودنا الشرقية و كل شوية في خناقات معاهم !!!!!!! و أنا بكرهم جدا جدا جدا جدا جدا جدا و أتمنى زوالهم اليوم قبل غدا .

على فكرة مواضيعك مميزة قوي في الاجتماعي يا نور القمر ... ربنا يباركلك

**نور القمر** · 16-02-2009 10:01 AM

المشاركة الأصلية كتبت بواسطة tutankhamoun

على فكرة مواضيعك مميزة قوي في الاجتماعي يا نور القمر ... ربنا يباركلك

دي شهادة اعتز بيها اوي من شخص مميز ومحبوب في المنتدى يا استاذ توت

**abdalla45** · 01-03-2009 02:24 PM

كلمتين عجبونى ودخلو قلبى مش اكتر وصوره بتعبر عن الحب

**EZABY** · 01-03-2009 05:06 PM

توقيعك لفت نظري بصراحة
مع اني مفهمش حاجة في الكرة بس اعتقد موضوع اللاعبين كلهم عليهم نفس الرقم من عادي
ياترى ايه حكايته؟؟

الصوره دي ياأستاذه نور كانت في ماتش نهائي كأس مصر 2008 وكان حازم امام اعلن قبلها انه هيعتزل وان المتش ده هيكون اخر ماتش ليه
فلاعيبة الزمالك كلهم نزلوا التسخين قبل الماتش بالتيشرت ده اللي عليه رقم حازم في الضهر وعلى الصدر صورة حازم ومكتوب تحتها لا للأعتزال
وده طبعا من حب اللاعيبه في حازم وهو طبعا اتاثر وعيط لكن للأسف برضو اعتزل
هي دي الحكايه وسوررري على التاخير

**أبو إياد** · 01-03-2009 05:32 PM

بحبك يا مصر (البلد مش ...........)

وشكرا ع الموضوع

**youssefmustang** · 02-03-2009 01:56 AM

انا طبعا عشان بحب الفرس الامريكى الفورد موستانج السيارة ذات محرك جبار الذى يخرج منه قوة حصانية تقدر بـ 500 حصان والعربية دى غيرت حياتى قلبا على عقب ما بقتش شايف غيرها فى الدنيا ومش هستغنى عنها مهما ربنا رزقنى فيما بعد لدرجة شوفتها قبل كده وانا ماشى فى الشارع فى المهندسين جسمى قشعر واتنفض وقعد ساعة وربع اتفرج عليها لحد ما لاقيت صاحبها ومسكت فيه بأديا سنانى وقعد اسأله عنها
لدرجة ان صحابى فى المعهد مسمينى (موستانج)
عندى ليها فيديوهات وصور بمساحة 6 جيجا غير اى فيلم اجنبى موجودة فيه .
من الاخر :
((سيارة لها تاريخ عظيم ومشرف سيارة تستحق الاحترام بكل معانيه )
اخوكم يوسف