اسهل طريقة لغسيل العربية (وتنفع للبنات..طبعا هما عارفين انا اقصد اية )

**demos70** · 22-10-2009 03:00 PM

موضوع مفيد جدا. أحب اضيف له ان لو العربيه عليها تراب كتير يفضل نفخها بالهوا و لو مفيش كمبريسور يبقى مسحها الاول بفوطه مبلوله مش ناشفه و تخلي ايدك حنينه يعني متدعكش جامد لأن الهدف هو انك تلقط أكبر كميه من التراب بدون تجريح البويه أو الورنيش لانه التراب + الفوطه الناشفه أكنك بتصنفرالعربيه بصنفره ناعمه 2500 و ده مش حلو مع الوقت بيسيب خطوط وده اللي بيحصل لعربيتنا لما بتقف في اشاره و يجلك حد يدعك العربيه بالفوطه انا بديهم جنيه قبل ميقرب من العربيه و بقوله الجنيه ده عشان متلمسش العربيه بالفوطه بتاعتك و نهارك قشطه بابتسامه عشان مجرحش عربيتي ولا أجرح أحاسيسه. بالنسبه لكارهي استعمال الخل فانا مجرب فوطه ناعمه و بخة wd40 بتاع الصدأ بيشيل أعنف الاوساخ و عمره ما يغير أو يمسح الطباعه السلك سكرين الموجوده على الزرارير لكن لازم تمسح أي اثار له لانك لو تركتها مبلوله بيلم تراب. و السلام

**the-hero** · 22-10-2009 05:03 PM

يعنى هنحمى العربية مش هنغسلها اه كدا فهمت
ههههههههههههه

**Eng_Mostafa_89** · 23-10-2009 01:01 AM

حلو جدا الموضوع دة

**agwaa** · 25-10-2009 02:37 PM

شكرا جزيلاً يا مان
موضوع هايل ومفيد جداً
بس إلا موضوع خل التفاح دة ..
تقول له خل أبيض عادي ب 3 صاغ يقول لك ينفع خل تفاح ؟ هي ناقصة عقد ههههههههههه
ولا يمكن هو عنده كمية من خل التفاح وموش عارف يخلص منها ههههههههههههههههههه

**midomizo** · 05-05-2010 06:04 PM

مفيش صور معاها للتوضيح

**amgada7555** · 06-05-2010 01:57 AM

جزاك الله خيرا

**hema_hn** · 06-05-2010 05:45 AM

طيب فيه حد يعرف حاجه عند الفوطة الزفرة وهل ليها ضرر
الفوطة الزفرة دى فوطة عليها شوية سولار بسيطة وبتسبها تنشف فى الشمس وبتمسح بيها العربية حتى لو عليها اى نوع من انواع الاوساخ (لموأخذه على اللفظ) بيشلها وبتلمع العربية كويس قوى وفيه واحد قلى انى اجيب الفوطة دى واحطها فى كيسة وامسك الفوطة بالكيسة وامسح بيها العربية وبعدين انفضها واقلب الكيسة بالفوطة عشان متوسخش ايدك ويبقى ريحتها جاز
الى عنده اى معلومات خاصة بالفوطة الزفرة من نحية الضرر يقول