أغير الأسطوانة و لا في حاجة تانية

**mood_8210** · 17-02-2009 02:41 AM

ana kan 3ndy nfs el-moshkla f el-504 bta3ty brdo w de mlhash d3wa b el-estwana wla el-desk de 7aga esmha el-dbryag byry7 de 3ayza t2m kawtsh master dbryag da t2rebn b 5 gneeh hato w rkbo w ed3ely w et2aked brdo mn zeet el-bakem w lw 3ayz mekaneky tmam fe wa7d esmo 3m 7san 3bd el-razik da f el-mndra tmam w msh 3'aly w m3lish 3la el-tre2a elly bkteb beha 3shan m3ndeesh 3rby f el-zrayer

**mood_8210** · 17-02-2009 02:44 AM

nseet a2olak ow3a tro7 lmekanekya f dmanhour mbyfhmosh 7aga ro7t lwa7ed kan 3ayz yd5alny f 3mret motor w 6l3 el-3eeb f el-25er mn cable el-mobena

**MAHA2MAHA2000** · 17-02-2009 06:11 AM

أحب أشكر كل الأخوة اللي أهتموا و ردوا عليا و عبروني
بالنسبة للميكانيكي أسمه عبد الحميد و شغال بيجو و مرسيدس بس و عيبه انه غالي شويتين و معرفش العنوان أنا أعرف الوصفة
و في واحد مجربه و قالي ان العربية قعدت بالسنة محدش مد إيده فيها غير عشان أغير زيت
فقلت يا واد جرب مش حتخسر حاجة
أنا الميكانيكية في إسكندرية دلوقتي بقوا باشاوات مش عايزين يشتغلوا يلقط أي حاجة عشان العربية تشتغل و يلهف منك القرشين و يستناك لما تجيلوا تاني معندهمش ضمير
طيب ده أنا مرة واحد صاحبي كابل البنزين بتاعه إتقطع ( معاه فولكس ميني باص )و كان رايح لخميس كاربيراتير في كوم الدكة و الميكانيكي بتاعه في سيدي بشر نعمل ايه نعمل ايه بعد م اتصل بالميكانيكي قالوا عالي الموتور و تعالي بالراحة
الراجل قال لسة حروح فخميس مشكورا قاله روح لواحد في برج الثغر تخصص فولكس ( مش فاكر أسمه ايه )
علي الرغم من أن صبي الميكانيكي بتاعه ركب الكابل في 10 دقائق إلا أن التاني ده قاله محدش فاضي دلوقتي ومش حينفع - و صاحبي يقولوه يا عم يهديك يرضيك و ده أبدا - و فعلا راح سيدي بشر ع التاني - شوفتوا الميكانيكية اللي في البلد بيعملوا فينا ايه

**powerofhelll** · 17-02-2009 04:43 PM

انا الميكانيكي بتاعي الحج يسري في ميامي راجل تمام و مش مغلواني وفاهم

**MAHA2MAHA2000** · 19-02-2009 06:27 AM

طيب و عرفت من مين يا mood
طيب فين الحاج يسري ده يا عم powerofhell نروح نجربه
عشان إن شاء الله خلال يومين عايز أروح للميكانيكي عشان العربية بتاكل زيت

**nabaster** · 20-02-2009 09:20 PM

معلش يا باشا اسف لتاخير الرد بس بصراحه ماخدتش بالي من موضوعك خالص خالص خالص

مبدايا يا باشا ده مش عيب اسطوانه خالص وحضرتك كده دورة الفرامل فيها هوا مبدايا تروح لميكانيكي وياخدلك الهوا ده من الماستر الي تحت

تاني حاجه حضرتك هتمشي بالعربيه كده وبعدين لو حصل نفس العيب ده حضرتك كده لازم هتغير طقم جلد بتاع المساتر والاحسن من ده وده تغير طقم اصلاح كامل للمستر الي فوق والي تحت علشان متوجعش دماغك من الحوار ده خالص

ويارب ياباشا اكون افادتك وسلامي لكل الاعضاء الي وااااااااااااااحشني موت

**MAHA2MAHA2000** · 23-02-2009 06:50 AM

أحب أضم صوتي لصوت mood 8210 و أنصح كل واحد أنه ميروحش لميكانيكي في دمنهور و خلينا مع الباشاوات اللي هنا أحسن عشان مضيعش وقتك و فلوسك ع الفاضي
الراجل حل الكربيراتير و غير فيه شوية حاجات مقدرش أنكر أن العربية اتحسنت و غير ماسورة البوجيه كان بيجيب زيت ع البوجيه علي طول بس المشكلة أن الموتور عالي جدا مظبطش الهواء و أقوله صوت الهواء عالي يا عم الحاج يقولي لا مفيش حاجة
وصلت لدرجة أن العربية بقت عاملة زي عربية المرور تشيل رجل من ع الدبرياش العربية تتحرك
أقوله الشهر اللي فات مزود اتنين كيلو زيت كيلو في كيلو يقولي متمشيش أكتر من 100 أصل الزيت اللي انت بتحطه تقيل في الشتا
و سألته ليه البوجيهات مهببة - أنا كنت أعرف ان البوجيهات تهبب لما يكون البنزيز اللي بينزل من الكاربيراتير كتير و مش بيتحرق كله - قالي لأ مفيهاش مشكلة حط بنزين 80 بدل 92 و حتظبط البوجيهات
أحب أقول لكل شاب و كل فتاة أنه ميحاولش يعمل الحركة اللي عملتها أنا و يمشي ورا كلام الناس و يروح لميكانيكي في دمنهور

**nabaster** · 23-02-2009 07:21 PM

المشاركة الأصلية كتبت بواسطة nabaster

معلش يا باشا اسف لتاخير الرد بس بصراحه ماخدتش بالي من موضوعك خالص خالص خالص

مبدايا يا باشا ده مش عيب اسطوانه خالص وحضرتك كده دورة الفرامل فيها هوا مبدايا تروح لميكانيكي وياخدلك الهوا ده من الماستر الي تحت

تاني حاجه حضرتك هتمشي بالعربيه كده وبعدين لو حصل نفس العيب ده حضرتك كده لازم هتغير طقم جلد بتاع المساتر والاحسن من ده وده تغير طقم اصلاح كامل للمستر الي فوق والي تحت علشان متوجعش دماغك من الحوار ده خالص

ويارب ياباشا اكون افادتك وسلامي لكل الاعضاء الي وااااااااااااااحشني موت

يا شباب انا اسف هيا في غلطه هنا هوا الهوا في دورة الدبرياش مش الفرامل واسف علي الغلطه الغير مقصوده دي

الموضوع: أغير الأسطوانة و لا في حاجة تانية

LinkBack

أدوات الموضوع

عرض

-

-

-

-

المواضيع المتشابهه

ضبط زوايا ولا حاجة تانية

هبونداي فيرنا مع جنط 15 ... حاجة تانية!

عربية شاهين ولا حاجة تانية

اللى يبيع ماتش .. يبيع اى حاجة تانية وده لو كان ف حاجة تانية اصلا .

عيز أغير الأسطوانة و الدسك للBYD f3-r

الكلمات الدلالية لهذا الموضوع

المفضلات

المفضلات

ضوابط المشاركة