الجين 2 فىها اصوات عند كل الناس ولا لا

**ahmad alshaaer** · 16-02-2009 10:58 PM

انا ده كان احد مواضيعي
وانا فاهم ايه الاصوات دي بس للاسف دي حاجات مش تتعمل في التوكيل لاني قلتلهم عليها في كل الصيانات ماعد الاخيره لانه مالقتش حل الا انه بيقولي اظبط الابواب ومش بتروح وانا مش من هواة اللعب في العربيه طالما حاجات هايفه
الاصوات دي عباره عن تكتكه من البلستيك حوالين الكاسيت ومن الباب الشمال ومن جلدة القايم واحيانا مع صوت الكاسيت العالي مع الطبله
ولكنها اصوات خفيفه مش مزعجه
وممكن تلاقي ناس بيقوللك لا انا مافيش اصوات لانه مش معتبرها صوت
فتعاايش مع الوضع وكأنه غير موجود ده الحل

**Sout_Sout** · 17-02-2009 01:26 AM

عندك حق يا تويتى
بس إن شاء الله هاوصل لمصدر الصوت ده واعالجه إن شاء الله
وهبقى اقولكم عليه إن شاء الله

**husseinodeba** · 17-02-2009 07:31 AM

انا فعلا عندى صوت طقطقه بسيطه بتظهر فى التبلو وبعتبرها صوت علبه السى دى
وفعلا بنساه واحيانا مبسمعهوش لانى مش بركز معاه

**M.Nabil** · 19-02-2009 02:01 PM

في اصوات كتير ممكن تسمعها بس احيانا كتير ممكن توصل لحل ليها.
مثلا صوت التكتكة اللي بيطلع من حوالين الكاسيت ده غالبا بيكون من ضغط الهوا.
الصوت اللي بييجي من الكنبة اللي ورا والاخوة قالو الحل.
ممكن تسمع صوت خبط جاي من يمينك ده ساعات بيحصل لما تكون فاتح الزجاج اليمين والهوا عمال يخبط في حزام الامان.
وحاجات زي دي كتير.
المهم انها مش عيوب جوهرية, وحضرتك لو وصلت لمكان الصوت ممكن تقولنا فين بالظبط ونشوف ده سببه ايه.