ايه رأيكم في فيكترا 2008 بعد ايقاف انتاجها-هل اخاطر و اشتريها ؟؟؟؟؟

**zinc** · 16-02-2009 03:32 PM

انا عاوز اجيب سياره في حدود 150 او 160 الف و بصراحه انا معجب جدا باوبل فيكترا 2008 الايزي ترونيك(سعرها الحالي 155 الف) بس مقلق من موضوع اخر خط انتاج . خايف ملقيش قطع غيار ليها بعد كده خاصه ان انا مش هغير الا بعد مده طويله انشاء الله. فهل ارضي بالهوندا المضمونه ام اخاطر و اشتري الفيكترا. ارجو المساعده

**the_first_knight** · 16-02-2009 10:07 PM

صدقني العربية بالسعر ده الواحد يفكر فيها بجد طبعا ( العربية رخصت حوالي 20000 جنيه )

وأعتقد إن حكاية موديل توقف إنتاجه غير مقلقة ( إنت هتشتري عربية من توكيل محترم ... فأكيد قطع الغيار هتكون متوافرة باستمرار سواء في التوكيل أو لدى أي موزع اخر .

طبعا السيفيك ملكة السيارات اليابانية بلا منازع ( أعشق هذه العربية بجد )

بس صدقني سعر الفكترا كده يبقي مغري مليون %

وطبعا الأعضاء يفيدونك أكثر وأكثر

وربنا يوفقك

**mahamedaraby** · 16-02-2009 10:11 PM

راى طبعا الفيكترا تكسب

دى عريبه تحفه والمانى كمان

بس معلش هو يعنى ايه اخر خط انتاج هما هيغيروا شكلها ولا ايه

**the_first_knight** · 16-02-2009 10:39 PM

المشاركة الأصلية كتبت بواسطة mahamedaraby

راى طبعا الفيكترا تكسب

دى عريبه تحفه والمانى كمان

بس معلش هو يعنى ايه اخر خط انتاج هما هيغيروا شكلها ولا ايه

الموديل الجديد من الفكترا ( إنسينيا ) الجديدة
.............
الموديل ده هيحل محل الفيكترا في الفئة المتوسطة ...
بس الصراحة الفيكترا دلوقتي هتبقى صفقة رابحة بكل المقاييس وخصوصا إن الإنسينيا أقل محرك فيها ( 1800 )
فكده مش هتنزل مصر دلوقتي ...
أكيد إن الموديل اللي هيحل محل الفيكترا هو ( كروزر ) ... والغريب إن سعره عالي قوي ...

**NaviGator_13** · 16-02-2009 11:53 PM

لو مش عجباك الفيكترا ومقلق منها خليك فى الجيتا !

**farahat** · 17-02-2009 12:15 AM

المشاركة الأصلية كتبت بواسطة zinc

انا عاوز اجيب سياره في حدود 150 او 160 الف و بصراحه انا معجب جدا باوبل فيكترا 2008 الايزي ترونيك(سعرها الحالي 155 الف) بس مقلق من موضوع اخر خط انتاج . خايف ملقيش قطع غيار ليها بعد كده خاصه ان انا مش هغير الا بعد مده طويله إن شاء الله. فهل ارضي بالهوندا المضمونه ام اخاطر و اشتري الفيكترا. ارجو المساعده

لو الفيكترا B- (الشكل السابق) ملهاش قطع غيار دلوقتي ، يبقى الفيكترا C مش هتلاقي ليها قطع غيار !!
دة لحد دلوقتي الفيكترا اى ليها قطع غيار أصلي و استراد و هي موقوف انتاجها بقاله أكتر من ١٤ سنة

**zinc** · 17-02-2009 02:09 AM

شكرا جدا لتعاونكم

**Rembrandt** · 17-02-2009 02:21 AM

قطع غيارها اكيد هاتولع

**asd7778** · 17-02-2009 11:39 AM

انا كنت فى نفس الحيره وتوكلت على الله وجبت الفيكترا
للاسباب التاليه :
-السعر كويس جدااا لانها اخر موديل وجنرال موتورز عاوزه تخلص من الشحنه الى عندها واعتقد انها بتتباع دلوقتى بهامش ربح بسيط جدا
-بالنسبة للموديل الجديد المعلومه الى عندى انها فى احسن الاحوال حتنزل منوال فى 2010 ب 200 الف على اقل تقدير ،اما الاتوماتك فحيكون بعدها بسنه ،نفس السيناريوا حصل مع الفيكترا الجديده انقطعت فتره وبعدين نزلت مانوال وبعدين نص اتوماتك (الايزى ترونيك)وهو نفس السيناريوا الى حيحصل مع العربية الجديده انسانينا (ممكن اسمها يكون فيكترا على فكره)
- قطع الغيار يا جماعة مستمرة لسبب بسيط معظم قطع الغيار هى حتكون موجوده فى السياره الجديده لان شركات السيارات بتصنع السيارات بقطع غيار متشابه وممكن قطع غيار الفيكترا تكون فى احد سيارات جنرال موتورز الاخرى شيفروليه ،..... فموضوع قطع الغيار مع جنرال موتور مش يقلق.
- السياره ممتازه فى رأيى

**M.Mokhtar** · 17-02-2009 03:19 PM

معلش انا هقول رأيى
انت بتتكلم عن توكيل مش صغير ومش جديد فى السوق
وزى ما عمل فى الفكترا B وفضل ينزلها تجميع مصرى لما نزل الشكل الجديد (الحالى vectra C) هيعمل كده مع الفكترا C
حتى لو ماخدتش خط الانتاج كالعاده وييجمعها محلى
اكيد قطع الغيار هتبقى متوفره ومش هيضحى باسمه فى السوق ولا مركزه (طبعا عارفين مين منصور)

احنا بنركب عربيات موديلات السبعينات ولسه بتلاقيلها قطع غيار

اعتقد فكره قطع الغيار مش هتبقى متوفره تشيلها من دماغك

الموضوع: ايه رأيكم في فيكترا 2008 بعد ايقاف انتاجها-هل اخاطر و اشتريها ؟؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

أنا قدامي فيكترا 2008 بـ115 ألف ايه رأيكم

إيه رأيكم في أوبل فيكترا 2008؟

رأيكم اجيب فيكترا 2008 ولا كورولا 2009 ؟؟

ايه رأيكم في فيكترا 2008 بعد ايقاف انتاجها-هل اخاطر و اشتريها ؟؟؟؟؟

انا عايز العربية اللى اشتريها موديل 2009 اشتريها امتى بالظبط ؟

الكلمات الدلالية لهذا الموضوع

المفضلات

المفضلات

ضوابط المشاركة