مع احترامي لكم أجمعين، ألفين جنيه أيه يا حضرات اللي بتتكلموا فيها؟!!! يا جماعة الأسعار المفروض تنزل أكتر من كدة كتير احنا المفروض لما نيجي نتكلم عن نزول اسعار يبقى لازم نتكلم عن نسبة تخفيض مئوية و موش عن شوية جنيهات لا راحت و لا جت.
إحنا المفروض نتكلم عن 30 او 40 % تنزيل في السعر و ده عادل جدا وموش هيضر الوكيل او الموزع بتاع العربية في أي حاجة، إلا إذا كان الوكيل بيعتبر ان هامش الربح الخيالي اللي بيقرب من 100% او يمكن يعديها هو أقل ربح علشان ما يخسرش؟!!!
العملية كلها يا سادة عملية طمع و جشع من الوكلاء و الموزعين. لا أكثر و لا أقل و انهم لاقيين زباين ممكن يحتالوا عليهم بسهولة مطلقة.
علشان كدة بنقول : خلوها تصدي.
المفضلات