بسم الله الرحمن الرحيم
انا فعلا اتاكد ان اسعار شفروليه و هيونداى كمان نزلت
حوالى 2000 جنيه
وده ممكن تتاكده منه على الرابط ده
www.contactcars.com
وتبحث عن اسعار السيارات الجديدة
باريت بقى بالمناسبة الجميلة دى عز العرب
ينزل السعر كمان 2000 علشان السعر يفضل منافس
شكرا اخوكم أسامة
كلنا نتمنى ذلك
لكن ... ده اعتقد مش حيحصل
ماينفاعش نقارن بروتون بباقى الموديلات الى حضرتك ذكرتها . لاسباب :-
1- كل عربيات بروتون بتتباع بنفس سعرها من ساعت مانزلت مصر سنه 2005 لحد انهارده
و ده بالنسبه للواجا و الجين 2 " و حتى الويرا " قبل ما يوقفو انتاجها .
و ده بالرغم من ادخال تحسينات او اضافات على الموديلات القديمه زى ال abs & airbags فى الواجا , او تعديل الموتور و عمل فيس ليفت للجين 2 .
" انهى ماركه فى مصر الى اسعار عربياتها فضلت بنفس تمنها من ساعت مانزلت السوق من 4 سنين " ؟
2- اساسا سعر جميع سيارات بروتون فى مصر " قعلا منافس جدا جدا " يعنى تقريبا بنشترى العربيه من غير جمارك ....... لو شوفنا سعرها فى ماليزيا او فى باقى البلدان الى حولينا و قارناها باسعارها فى مصر .
لو اتكلمنا على شيفورليه و هيونداى و تويوتا ..... و تقريبا كل الماركات الى فى مصر " حتى الصينى زى الاسبرانزا "
شوف اسعار عربياتهم وقت طرحهم فى السوق كانت كام .... و دلوقتى بعد التخفيض بقت كام ؟
الشيفورليه اوبترا كانت ب 85 الف , و فى وقت وصلت 82 الف
الافيو كانت كورى و بتبدأ من 69 الف !!!
الالنترا كانت بكام و دلوقتى بكام
النيو اكسنت
حتى الاسبرانزا كانت ب 59 الف جنيه وقت الحجز و دلوقتى وصلت ل 70 الف جنيه ؟؟؟
فماينفعاش اننا نقارن بروتون من حيث الاسعار بباقى الماركات .
بس عموما ده " مش معناه نـــــهائــــــى " ان عز العرب كريم معانا او انه مش بيكسب و منزل بروتون هديه للمصرين اكراما لاحفاد الفراعنه . طبعا لا
انتا فعلا بتشترى العربيه بسعر ممتاز جدا جدا فى مقابل قيمتها و بكماليات مش موجوده فى عربيات سعرها معدى ال100 الف , لكن بياخد اكتر من حقه 10 اضعاف فى قطع الغيار .
بمعنى الى بيوفرهولك كمشترى فى سعر الزيرو بياخدو اضعاف المرات فى الصيانه و قطع الغيار .
اظن ان الاسعار فى بروتون هتقل على الاقل 2000 جنيه برده
لان المعارض بره التوكيل بتعرض العربية بخصم لغاية 2000 جنيه وممكن الاعضاء فى المنتدى ياكده كلامى
وشكرا يا استاذ محمد على المشاركة وطبعا هى عربية متميزة ماشاء الله
يوجد احد المعارض فى مدينه نصر تقريبا اسمه رضا حمزه كان عامل اعلان فى الجرايد وكان منزل الجين2 مانيوال ب 82000 جنيه والله اعلم صادق ولا الموضوع فيه حاجه
الاسعار دلوقتى فى التوكيل و بره التوكيل اقل حوالى 3000 من السعر الرسمى
ولسه واحد صديقى منفذ فى واحدة كاملة اوتو بـ 88000 جـم
لسة مش كفاية ((((((لاااااازم تنزل)))))))
مع احترامي لكم أجمعين، ألفين جنيه أيه يا حضرات اللي بتتكلموا فيها؟!!! يا جماعة الأسعار المفروض تنزل أكتر من كدة كتير احنا المفروض لما نيجي نتكلم عن نزول اسعار يبقى لازم نتكلم عن نسبة تخفيض مئوية و موش عن شوية جنيهات لا راحت و لا جت.
إحنا المفروض نتكلم عن 30 او 40 % تنزيل في السعر و ده عادل جدا وموش هيضر الوكيل او الموزع بتاع العربية في أي حاجة، إلا إذا كان الوكيل بيعتبر ان هامش الربح الخيالي اللي بيقرب من 100% او يمكن يعديها هو أقل ربح علشان ما يخسرش؟!!!
العملية كلها يا سادة عملية طمع و جشع من الوكلاء و الموزعين. لا أكثر و لا أقل و انهم لاقيين زباين ممكن يحتالوا عليهم بسهولة مطلقة.
علشان كدة بنقول : خلوها تصدي.
+11111111111111كلام مظبوطاقتباس:
المشاركة الأصلية كتبت بواسطة saidbakr
صعب الجين تو تنزل عشان فعلا هى مناسبة فى فائتها
+10000000000000 :U_thin1[1]:اقتباس:
المشاركة الأصلية كتبت بواسطة Hussein_Ramdan
ربنا يوفق
حضرتك عاوز الأسعار تنزل 40% ازاى ده على اساس ان الجمارك دى مكسب للوكيل؟اقتباس:
المشاركة الأصلية كتبت بواسطة saidbakr
هقول لحضرتك على اساس ايه:-اقتباس:
المشاركة الأصلية كتبت بواسطة madooo
عربية زي جين2 مثلاً تمنها (أقصد كامل تكلفتها على عز العرب من أول ما جت له من ماليزيا مرورا بالجمارك لغاية ما وقفت عنده علشان تنباع) بأي حال من الأحوال ما يعديش 45 الف جنيه.
خليك معايا شوية، هنفرض ان عز العرب هيبيع العربية دي لله موش هيكسب و لا مليم واحد، و في ظل الفرضية دي نقدر نجيب اصل تمنها عليه بمعرفة ان الجمارك عليها تقريبا بتكون 61%، يعني
قيمة الجمرك = 90 × 61/100
قيمة الجمرك = 54.9 الف جنيه
يعني العربية واقفة عليه ب 91-54.9 = 36.1 الف جنيه
يعني لو رجعنا للواقع و انه لازم يكسب، ده هيعني ان كل قرش مكسب هياخده لازم هيقلل من 36.1 الف جنيه دول و بالتالي من قيمة الجمرك اللي كنا حسبناها قبل كدة.
يا عزيزي فيه أقاويل بتقول ان عربية زي جين2 بتبقى واقفة على عز العرب من غير جمارك بحاجة و عشرين الف جنيه.
و اعتقد ان فيه معانا ناس على علاقة بالتوكيل او ناس شغالين فيه، يقدروا يعرضوا لينا وثائق الشراء بتاعت عز العرب او حتى مندوب عن الوكيل يقدر يكدب كلامي ويأكد عكسه بمستندات رسمية من التوكيل علشان كله يبقى على نور.
مساء الفل....ليا رأى متواضع
لو الجمرك فعلا 61% من تمن العربية يبقى الحسبة كالاتى
بفرض سعر بيع العربية 90000
وثمن العربية الاصلى =p
90000=p+(p*61/100
لان الجمرك يحتسب على السعر الاصلى وليس على الاجمالى
يبقى الثمن الاصلى
P=55900
وده طبعا بدوت احتساب نسبة الربح
يعنى لو بنتكلم فى هامش من 10 الى 15 الف
يبقى سعر العربية استاذ سعيد هايكون فى رينج 40 الى 45 الف
يعنى نزول 2000 الى 5000 جنيه ده هايبقى انجاز الا اذا الاسعار نزلت جامد من بروتون نفسها
أما موضوع نزول 30 او 40 % فده ممكن يبقى فى أى حتة فى العالم ماعدا بلدنا لانى عمرى ماشفت حاجة رخصت بالنسبة دى ابدا
يا باشا الجمرك بيتحسب على أجمالي (أصل تمن المصنع + الشحن+ التأمين)اقتباس:
المشاركة الأصلية كتبت بواسطة مصطفى_صديق
يعني لو افترضنا زي ما قولت انه ما كسبشي حاجة خالص من الـ90 الف جنيه، يبقى هتشيل منهم الـ61% جمارك و الباقي يبقى أصل التمن عليه، و على فكرة هو 61% علشان العربية في فئة الأقل من 1600 سي سي
ازى اقل من 1600 وهى 1600 فعلااقتباس:
المشاركة الأصلية كتبت بواسطة saidbakr
الجمارك بتحسب على تمن العربيه الأصلى فقط و التوكيل بيضيف عليهم مصاريف الشحن و هامش ربحه
لو عاوز تعرف تمن العربيه كام بالتقريب ممكن تشوف سعرها بره كام فى بلد مفيش فيها جمارك
ياجماعه مفيش حاجه اسمها 30 % و 40 %
الكلام ده عمره ما هيحصل
وعموما بروتون بالذات لو رخصت مش هترخص كتير
لانها العربيه الوحيده فى السوق اللى سعرها مناسب لامكانياتها
وسعرها شبه ثابت من يوم ما نزلت
يعنى كل المطلوب مننا دلوقتى الاستمرار فى الحملة لمدة اربع او خمس شهور ومفيش عربية بعد كدا سعرها مش هينزل سواء جين 2 او غيرهااقتباس:
المشاركة الأصلية كتبت بواسطة amek
بالنسبة للجمارك سهل جدا الناس الجامدة اصحاب التوكيلات تضغط على الحكومة وسعتها الجمارك هتنزل اكيد 100 100
لان اساسا كدا دلوقتى الحكومة جاى عليها بالضرار لما تكون فى اول 2008 مثلا بتعمل جمارك على 3000 عربية فى الشهر بالنسبة بتعتها 60 %
وتيجى دلوقتى تعمل على اول 2009 جمارك على 800 فى الشهر بنفس النسبة يبقا كمان الحكومة بتخسر لان عداد السيارات الى بتيجى من الخارج بقا قليل لان الكمية فى الداخل بتقل بنسبة بسيطة وده بسبب الحملة
ساعتها الحكومة هتنزل النسبة الى 40% او 30% عشان يتدخل عربيات اكتر وبتالى تاخد جمارك اكتر
يعنى يا جماعة والله العظيم الموضوع مجرد وقت مش اكتر واصرار مننا ومش هنرضا باى تخفضيات قليلة
لان نرضا باقل من 30 %
والسلام ختام
يا جماعة مع أحترامي للجميع و لآراء الجميع
سيارات بروتون من السيارات الغير مبالغ في سعرها و الدليل لم تزيد مليم واحد منذ أن دخلت السوق المصري إلى الآن .
ممكن تنزل حاجة بسيطة زي ألف ألفين أو ثلاثة
و مفيش عربية في مصر هاتنزل 40 % و 30 % ( و أنا مع الحملة و ليس ضدها و لكني واقعي و الشعب المصري لو معاه فلوس هايروح يشتري برضه و لا حملة و لا يحزنون هاتخلي حد يوقف الشراء !! للآسف الشديد )
و معلش حاجة تانية غايبة عن الناس
الحملة بتاعة خليها تصدي ممكن يكون ليها تأثير و لكنه تأثير معنوي أكثر منه تأثير حقيقي
التأثير الحقيقي أن سوق السيارات المصري أغلبه مدعوم من البنوك عن طريق التقسيط و نسبة الناس اللي بتشتري نقدا قليلة جدا بالمقارنة بنسبة عدد العربيات المباعة في السوق .
و طبعا بما أن فيه أزمة مالية .... فده بيخلي البنوك تفكر مليون مرة قبل ما تخرج أي قروض ( مش سيارات بس )
لما نيجي نتكلم عن أسعار سيارات مبالغ فيها و يجب نزول أٍسعارها
هانلاقي أن أحنا بنتكلم أساسا على توكيلات الياباني زي تويوتا و ميتسوبيشي بالذات
التوكيلين دول بيكسبوا مكاسب رهيبة في عربياتهم
و دول اللي لازم ينزلوا الأسعار و دل اللي يجب مقاطعتهم حتى نحصل على سيارة منهم بسعر مناسب .
يعني الياريس بتتباع برة مصر و 1500 سي سي ب 70 ألف جنيه ( السوق الأمريكي )
و ييجي توكيل تويوتا يبيع 1300 الكاملة فوق 100 ألف ؟؟؟؟ ليه ؟؟؟؟
اللانسر الشارك الجديدة بتتباع في أمريكا بحوالي 95 ألف مصري و ده موتور 2000 سي سي !!!! و البهوات بيبيعوها في مصر ب 150 ألف ؟؟؟ مش حرام ؟؟؟؟ و كمان موتور 1500 فقط
إنما أسعار بروتون في العالم كله متقاربة مع السعر المصري و على فكرة أسعار بروتون منزلتش في أي سوق خارجي و لسة بتتباع بثمنها في أنجلترا مع ان السوق نايم
( سوق الخليج العربي ليس مقياس لمصر علشان هما معندهومش ضرائب بتاتا ) فمحدش ييجي يقولي السعودية العربيات بتتباع فيها بسعر قليل و يقارنه بمصر لأن الظروف مختلفة تماما من حيث عدد السيارات و الدخل الحكومي و رخض اسعار البنزين لتوفره الشديد و قلة عدد السكان .
لما نقارن ......... نقارن بدول متقاربة في الظروف و الأقتصاد ( الشكل للأقتصاد و طريقة العمل )
الحملة لها تأثير بسيط بأن جعلت من يملك النقد الكافي لشراء سيارة .... يؤجل قرار شراؤها بناءا على نزول معدل البيع في السوق و عدم أستقراره ليس أكثر .
اقتباس:
المشاركة الأصلية كتبت بواسطة eslamwega
أولا هي أقل من 1600 لأن محركها سعته الف و خمسمية و موش عارف كام، يعني في فئة اللي اقل من 1600، بمعنى تاني ما هياش 1800 مثلا او 2000.اقتباس:
المشاركة الأصلية كتبت بواسطة madooo
ثانيا معروف ان الجمرك بيتحسب على مجموع سعر المصنع و تكلفة الشحن.
ثالثا ما فيش فيكي يا مصر عربية بتنباع بسعر معقول خالص، و ارجو ما حديش يقولي السبب في ده الجمارك، الجمارك موش عفريت و لا هي امنا الغولة. السبب الرئيسي طمع الموزعيين و الوكلاء في هامش ارباح خيالي.
رابعا زي ما قلت قبل كدة، و اعمالا لمبدأ الشفافية، يقدر وكيل بروتون او غيرها في عرض مستندات الشراء بتاعته على العلن و تبقى كل حاجة واضحة و بعيدة عن التكهنات، و لكن ابسط دليل على صحة كلامي، إن ده لا يمكن هيحصل. جايز لو حصل، هتكون بصورة مشكوك فيها و جايز تكون مضروبة لأن الشركة ساعتها هتقول انها مستندات مهربة و مضروبة و الخ الخ.
الكلام اللي حضرتك بتقوله ده يا أستاذ سعيد لا يمكن تعمله شركة في العالم كلهاقتباس:
المشاركة الأصلية كتبت بواسطة saidbakr
محدش بيقول هو بيكسب كام و من رابع المستحيلات أن شركة تطلع حد على مستنداتها
ليه ما بيحصلشي، موش برضو الشركات المساهمة بتعلن حاجات زي كدة عن القوائم المالية و الأرباح و حاجات زي كدة، ده معناه ان المبدأ موجود.اقتباس:
المشاركة الأصلية كتبت بواسطة tutankhamoun
دايما في الأزمات لازم بتبقى فيه إجراءات استثنائية، و أصل الأزمة الحالية و المقاطعة و موضوع خلوها تصدي، هو إن شريحة كبيرة من الزباين تعتقد إن الوكلاء و الموزعين بيستقطعوا الزبون و بيكسبوا هوامش ربح خيالية، يبقى مباشرة الحل البديهي و المنطقي هو مبدأ المكاشفة، و بالبلدي، يبقى كله على عينك يا تاجر.
إضافة إلى كدة، إن موضوع المكسب ده ما هواش سر، لأن بالتأكيد الضرايب و الجمارك بتحاسبهم و أكيد الحساب ده بيكون على قاعدة اساسية هو اشترى بكام و باع بكام بالاضافة الى المصروفات الأخرى. تبقى مصيبة أكبر كمان لو بيتهربوا من الضرايب و بيقرطسوا الجمارك!!!