احذروا عقوبة الكلاكس

**mrghost** · 18-02-2009 10:58 AM

حاجه ملهاش علاقه بالموضوع
انا كنت معدى فى طريق اسماعيلية الزراعى وكان فيه لجنه (كانت خلاص خلصت وبتلم العده علشان تروح !!!) المهم الظابط ماسك فى ايديه رزمة فلوس والله انا عينى كانت هتطلع عليهم وقعدت ادعى يارب تقع منه وانا الاقيهم وده يبدل على كمية الاموال اللى داخله للبلد من المخالفات اليومية

**ابوهاشم** · 18-02-2009 11:28 AM

كويس انك نبهتنا
التهارده ان شاء الله هروح للكهربائى علشان يلغيلى الكلاكس خالص

**karimone** · 18-02-2009 01:43 PM

المشاركة الأصلية كتبت بواسطة hashem1999

كويس انك نبهتنا
التهارده ان شاء الله هروح للكهربائى علشان يلغيلى الكلاكس خالص

ممكن يدوك مخالفه علشان ماشي من غير كلاكس...

**zeyad1810** · 18-02-2009 01:46 PM

الكلام دة اتطبق فعلا ؟
لو كدة يبقى الواحد مايقدرش يقول غير تيييييييييييييييييييييييي ييييييييييت
تيييييييييييييييييييييييي يييت
تييييييييييييييييت

**sh23** · 18-02-2009 01:52 PM

المشاركة الأصلية كتبت بواسطة migomax

قررت وزارة الداخلية العزيزة تطبيق عقوبة استعمال الكلاكس لتكون التحويل الى النيابة حيث ان العقوبة تتراوح بين 100 و1000 جنيه مصري وده الحمد لله انه مش بالدولار ولا اليورو .. إحمدوا ربنا على النعمة.................

*******
إستعمال ؟؟؟ يعني نلغية أحسن
أعتقد المقصود إساءة إستعمال
* يعني مثلاً البية اللي مستني مراتة لما تخلص مكياج ( أو عاوز صاحبة يبص لة من البلاكونة ) ما يفضلش حاطط إيدة علي الكلاكس عمال علي بطال
* أو سواق التاكس أو الميكروباص اللي ماشي يقسم ويلحن بالكلاكس ؛ مش لازم يرحمونا شوية برضة

**sh23** · 18-02-2009 01:54 PM

المشاركة الأصلية كتبت بواسطة Terrible_DaRsH

لو محدش بيعمل حاجة غلط مش هيحتاج انه يلوم الحكومة ...
هما صح فى حاجة .
انهم بيرفعوا العقوبات علشان محدش يستهبل كل شوية ويقول انا اسف ..
3/4 الشعب اتمسك مخالفة حزام علشان كده مفيش حد دلوقتى ماشي من غير حزام ..
امشي فى السليم وكله هيبقى تمام ..

****
هوة دة الكلام

**sh23** · 18-02-2009 01:56 PM

المشاركة الأصلية كتبت بواسطة ehabradwan

يعني لو هاخبط واحد بلاش ادي كلاكس .... أموته أحسن !!!!

****
كلكس بسيط ( ضغطة واحدة سريعة ) كفاية
ما هو أنت لما تزمر له جامد ممكن يتلخم ... مش كدة ولا إية

**bido** · 18-02-2009 02:10 PM

شيء جميل بس لما يطبق على الكل وبعدين فية أولويات الأول . يعنى تلاقى فية غرامة على الوقوف فى الممنوع مثلا ومفيش مكان تركن فية أصلا فى المنطقة دى دة مثال بسيط وقيس علية الباقى

**أشرف فتحى** · 18-02-2009 05:45 PM

المشاركة الأصلية كتبت بواسطة sleepyhammer

هوه كل حاجة بقت نيابة وحبس
والله العظيم دى بقت مهزلة فى البلد دى

ربنا على الظالم والمفترى وحسبي الله ونعم الوكيل

على فكره ده المفروض يحصل عشان نقرب من مستوى المرور فى اوربا والدول المتقدمه لاننا بصراحه لو مفيش مخالفه ولا حبس ولا غرامه هانمشى عكس وبدون رخص ولا فوانيس ولا مرايات وندوس على الناس فى الشوارع واسال بتوع الميكروباص

**karimone** · 18-02-2009 05:51 PM

هو اللي ناقص بعد كده... مخالفة تشغيل السيارة...

القانون اللي جاي: اللي هيقوم بتشغيل العربيه بتعته قبل الساعه 12 بليل ياخد مخالفه لاتقل عن 2000 جنيه و لا تزيد عن 9000 جنيه او الحبس مده لا تقل عن ثلاثة اشهر او العقوبتين معاً