احذروا عقوبة الكلاكس

**dr_timo** · 19-02-2009 02:41 PM

المشاركة الأصلية كتبت بواسطة karimone

حضرتك قولت

انا كان تعليقي علي النقطه ديه...

معظم ظباط الشرطه (إلا من رحم ربي طبعاً) لا ينطبق عليهم النقطه الاولي و مش بيخافوا من القانون... و ديه طبعاً مش محتاجه إثبات...

موضوع الاقسام ده كان في ناس كتير زي حضرتك فاكره انهم مادام مش بيعملوا حاجه غلط يبقي مش هايحصلهم مشكله... طب تقول ايه علي واحد راكب ميكروباص علي الطريق السريع يعدي علي كمين يروحوا منزلينوا من الميكروباص واخدينه علي القسم و هناك يشوف الويل و يلبس قضيه محترمه ياخد فيها كذا سنه في السجن... الأمثله كتيره و تقطع القلب والله...

نقطه اخيره... مش معني ان في واحد متهم في قضيه ان ده يكون سبب انه يضرب في القسم حتي لو كان قاتل مش حرامي...

لا انا ماقولتش يتضرب انا قلت دة مبرر بيلاقوه لنفسهم مش معني كدة اني اؤيدهم في الضرب يعني

**A.Elsheikh.01** · 19-02-2009 03:11 PM

قريب هيطبقو قانون منع شرب السجاير خلاص
هانت :))

**karimone** · 19-02-2009 03:20 PM

المشاركة الأصلية كتبت بواسطة A.Elsheikh.01

قريب هيطبقو قانون منع شرب السجاير خلاص
هانت :))

طب هل في نوع معين من السجاير مسموح بيه ولا ده علي كل انواع السجاير...؟؟

**KHALED AYMAN** · 19-02-2009 08:16 PM

المشاركة الأصلية كتبت بواسطة karimone

طب هل في نوع معين من السجاير مسموح بيه ولا ده علي كل انواع السجاير...؟؟

هيمنعو السجاير المفلفوفه اثناء القياده انما السجاير العاديه عادى ههههههه

**bondokk** · 19-02-2009 09:36 PM

المهم ميسحبوش الكلاكس

**yts17** · 19-02-2009 09:49 PM

المشاركة الأصلية كتبت بواسطة venus-doom

احب اقولكو ان مدينه المحله الكبرى لم يتم تطبيق اى من نصوص قانون المرور الجديد فيها ههههههههه يعنى من الاخر كل الى بيتقال ده انا عارف انه مش هيطبق هنا .......
مع ان المحله مش اراضى زراعيه و اكواخ و الطرق بقى تراب و مفيش اسفلت و بنتحرك بالجمال و المواشى هههههه زى ما الناس فاكره لا دى مليانه مصانع و فيها مصانع من اكبر مصانع الوبريات فى العالم وبلد عادى زى اى بلد بس باين كده نسو ان فيها عربيات ماشيه و لازم يبقى ليها مرور .

المحلة عارفها البلد دى مش المحلة الكبيرة بردوا :) !
ياباشا انت فى بلد اللى يعدى بوز العربيا هوا اللى يمشى وربنا يستر علينا فالحين بس يحطوا يافطة اد كدا ان السير عكس الاتجاه بقى وحش اوى الايام دى ومصر كلها ماشية عكس الاتجاه والحياة فل

**KHALED AYMAN** · 20-02-2009 12:25 AM

المشاركة الأصلية كتبت بواسطة yts17

المحلة عارفها البلد دى مش المحلة الكبيرة بردوا :) !
ياباشا انت فى بلد اللى يعدى بوز العربيا هوا اللى يمشى وربنا يستر علينا فالحين بس يحطوا يافطة اد كدا ان السير عكس الاتجاه بقى وحش اوى الايام دى ومصر كلها ماشية عكس الاتجاه والحياة فل

تمام يا باشا المحله الكبرى قلعه الصناعه المصريه .
فعلا عندنا لو بتعرف تسوق يبقى بتعرف ترمى بوز عربيتك و الى بيعدى هو الى شجاع اكتر من التانى ..........
عندنا مفيش حاجه اسمها اقف فى اشاره ...
مفيش حاجه اسمها اركن فى جمب .......
مفيش حاجه اسمها امشى بسرعه معقوله لا ادامك حاجه من اتنين يا تطير يا تمشى زى النمل .......
و مع ذلك انا لسه عايش هنا و بفضل ارجع المحله لما بعد فى اليكس كتير .....

**powerofhelll** · 24-02-2009 04:04 PM

احسن حاجه ان العربيات الي جايه مصر يتشال منها الكلاكس و الي يجيب عربيه بالكلاكس يتمسك تهريب و يتحاكم زي بتوع المخدرات
بالزمه في حاجه اسمها كده دي اسمها اله تنبيه يعني لو واحد مش واخد باله منك بتنبهوا ان انت موجود واحد هيخبطك واحد هتخبطوا بني ادم مش شايفك اساسا اطلع من الشباك و ازعق يعني

**sh23** · 24-02-2009 04:51 PM

المشاركة الأصلية كتبت بواسطة powerofhelll

احسن حاجه ان العربيات الي جايه مصر يتشال منها الكلاكس و الي يجيب عربيه بالكلاكس يتمسك تهريب و يتحاكم زي بتوع المخدرات
بالزمه في حاجه اسمها كده دي اسمها اله تنبيه يعني لو واحد مش واخد باله منك بتنبهوا ان انت موجود واحد هيخبطك واحد هتخبطوا بني ادم مش شايفك اساسا اطلع من الشباك و ازعق يعني

****
رأيك سليم إسمها أله تنبية
طيب رأيك إيه في السواقين اللي حولوها إلي ألة إزعاج
* مثلاً سواقين الميكروباص اللي بيلحنوا الكلاكس في صورة شتيمة
* سواقين النقل اللي مركبين سارينة قطر
* سواقين التاكسيات اللي بيزمروا كل نص دقيقة حتي لو الطريق فاضي ( يمكن بيونس نفسة )
* الشباب اللي بيقفوا تحت عمارة أصحابهم اللي ساكنين في الدور السادس وينادوا عليهم بالكلاكس
* البهوات اللي منتظرين الإشارة تفتح وما بيشلوش إيديهم من علي الكلاكس
* زفة العروسة اللي مروحه بيتها الفجر وتصحي حي كامل