الموضوع: سؤال عن الFord Taurus

هو السؤال مش صعب.
خد عندك يا سيدي :
فورد تورس الاخت الشقيقه لميركوري سايبل لكن ميركوري هي الفرع الفخم لشركه فورد(مثال تويوتا و لكزس )
موتور 6 سلندر علي شكل حرف 3000V سي سي 24 صباب :| بقوه 200 حصان(يعني مزرعه خيول مش اسطبل كمان :) )
السياره جر امااااااااااااااامي مش خلفي
عربيه تصنف ضمن السيارات الكبيره امثال البي ام الفئه الخامسه و المرسيدس فئه E
ظهرت عام 1985 و تم تعديلها عام 95
ما انصحكش علشان زي ما بيقولو حتقوم من نقره تقع في دحديره .قطع غيارها نادره و ان وجدت حتلاقيها غاليه نار (ما تنساش انها امريكي مش اوربي) و كمان الفولفو ممكن تلاقي حد بيفهم فيها دي ليها صنايعيه محدودين و طبعا اسعارهم نار

و ليه عاوز تنزل برضه من فولفو تجيب فولفو تاني!!!!!!!!!
ممكن تركب عربيه في نفس المستوي و برضه كبيره و تستحمل و حتلاقي قطع غيارها علي طول جديد و استعمال.؟
عارف هيا ايه؟؟؟
مرسيدس التمساحه مثلا موديل من 77 لحد 84 عربيه جميله جدا و ركوبها روعه و اسعارها حتلاقيها معقوله و كفايه بس انك راكب جواها و مرتاح و نجمه مرسيدي باينه في وسط الكابود :lol: احساس وهمي بصراحه.
ولو معاك فلوس ازيد هاتلك زلموكه و برضه حتعيش في عربيه كبيره زي ما انت عاوز.

لا كارو ولا حاجه انا مش قصدي طبعا اوعي تكون زعلت.
الفولفو عربيه محترمه اوي لكن مش منتشره و تغلبك في التصليح و قطع الغيار.
اسعار المرسيدس و الفيات و البيجو غاليه علشان ليها سوق و قطع غيارها متوفره و فيه ناس بيفهمو في تصليحها و دا سر اللي مخليها غاليه.
يعني هيا معادله:
تركب عربيه جميله و رخيصه لكن تدوخك في قطع الغيار و التصليح و باسعار وهميه
ولا تركب عربيه نفس الفئه جميله و غاليه برضه لكن قطع غيارها موجوده و اسعارها مناسبه و اي حد يصلحهالك و تبقي زي الفل؟؟؟؟؟؟