كيفية المحافظه على الموتسيكل

**peter321** · 18-02-2009 09:46 PM

اولا بشكر كل اعضاء المنتدى وبلاخص cbr على مجهودة الرائع وربنا يذيدك بس لى سوال يرات اليى يعرف اى معلومة حتى لو بسيطة يقلى معايا مكنة 250ريس بس كتير حزرنى من اعطالها عايز اعرف ازاى احافظ عليها حتى فى مشيها واحسن طريقة للحرق عشان مبحبش وقفت المكانيكى

**peter321** · 18-02-2009 09:48 PM

يرات تسعدونى
شكراااااااااااااااااااااا اااااااااااااااا

**CBR** · 18-02-2009 10:17 PM

انت اشتريت موتوسيكل صح؟ الف مبروك

بس ها طلع كام باكم؟؟

بس مظونش باكم هو حتلاقيه سلك

على العموم

عشان تحافظ على الموتوسيكل

اول حاجه لما تستلمه حتغيرله زيت وفلتر زيت وبنزين

وبوجيهات حتى لو الي ب ّ10 جنيه شغال وانت ومقدرتك

شوف الفرامل

طبعا اول ما تشغل الموتوسيمل وقبل ما تطلع بيه الي معاك كربيراتير

مش انجكشن يبقى لازم تسخنه بالميت تو منتس

وابقى شيك على الزيت والمياه الخضراء قبل ما تمشي

ولما تتحرك خلي الار بي ام واط متعليهوش اوي لغاية ما تلاقي صوت

الموتوسيكل بقى عادي

حابب تحرق احرق بس متعملهاش كتير اوي في اليوم الواحد

تمشي بسرعه عادي لو حتجيب السرعات براحه وحتى لو بسرعه عادي

بردوا عن تجربه بس مع الوقت حتلاقي القطع بتستهلك اكتر

وطبعا في كذا نوع زيت انا بحط موبيل 1 في الموتوسيكل

ممكن تحط كالتيكس حيبقى مناسب ليك جدا لانه مش حيتحرق بسرعه جدا

واخيرا قبل ما تركب سمي بسم الله وتوكل على الله

سلام

**acer4000** · 18-02-2009 11:42 PM

اهم حاجة تحافظ على نضافة الكاربراتير
و متغيرش علبة الشكمان بعلبة اكبر علشات تعللي صوته لأنه هيأثر على اداؤه
و روحه في تغيير الزيت و عدم القرص في السلانسيه
و بقدر الامكان تجنب المشي في المية علشان الchip بتاعته متبوظش و اذا اضطريت يبقى امشي على اقل من مهلك
و دايما راقب الحرارة خاصة في وضع الوقوف
و اوعىىىىىىى من عيون القطط لأنها السبب رقم واحد في حوادثه بعيد عنك
و بقدر الامكان متركنوش في الشمس علشان عوامل التعرية و علشان يحتفظ بحالته
اذا كنت لسة جايبه غير البطارية مهما كانت حالتها لأنها غالبا بتبقى متخزنة
و السي بي ار 250 اخر عداده على ما اتذكر 180 لكن آخر ثباته على 130 في شوارع بلدك
و دايما خلليك فاكر انها برضه خفيفة و على قدها نوعا ما فبراحة عليها

و بالنسة ليك دايما لازم نضارة او الخوذة علشان عينيك تلتهبش و البس جاكيت جلد (مش ترويش) علشان تحافظ على حرارة جسمك خاصة في الشتاء

و مبروك فكرتني بالذي مضى

الله يرحمك يا نينجا

**peter321** · 19-02-2009 01:00 AM

شكرا والف شكر على الرد الجميل على فكرة انا جيبة استراد عمل 14500 حالتة حلوة جدا وباكم قدام بس فردة وحدة ممكن اركب فردة تانى ؟؟؟؟؟؟؟؟؟ هل ينفع ؟؟؟؟؟؟؟؟؟؟؟