هل صيانه الفتيس الاوتوماتيك فى الالنترا صعبه لأنى بصراحه خايف من الاتوماتيك

**semsem8100** · 18-02-2009 10:53 PM

ياريت يا جماعه اللى يعرف معلومات أكيده عن الفتيس الأوتوماتيك بتاع الالنترا يفدنا هل صيانته مكلفه وهل لاقدر الله حصلت مشكله ولزم تغييره هيكون سعره كام فى التوكيل أو بره التوكيل .. يعنى معلومات من هذا القبيل لأن الأتوماتيك خيار أساسى لى لأنى كنت بفكر فى الصنى الأتوماتيك ال Ex وجزاكم الله خيرا

**HamadaMOMO** · 18-02-2009 11:52 PM

محدش لسة اشتكا من الفتيس الاتوماتيك

**kliken** · 19-02-2009 12:52 AM

المشاركة الأصلية كتبت بواسطة HamadaMOMO

محدش لسة اشتكا من الفتيس الاتوماتيك

كلام مظبوط يا باشا

**Abdo_Eldesokey** · 19-02-2009 03:19 AM

فتيس الالنترا الأتوماتيك ممتاز من حيث الأداء ... المجهول فقط حتى الآن هو اعتمادية الفتيس من حيث العمر الافتراضي ...

وإن كنت أظن أنه لن يقل عن الياباني لأن الصناعة الكورية تطورت وبشدة في السنين الأخيرة

وبالتوفيق في قرار الشراء

**Kareem Khattab** · 19-02-2009 07:01 PM

الالانترا فعلا محدش اشتكي منها خالص انا شايف انها احسن من الصني

**mokhtar** · 20-02-2009 12:07 AM

الاللنترا من افضل واروع سيارات هيونداى والسيارات الكوريه على الاطلاق ومبيعاتها فى الولايات المتحده مرتفعه وده بيأكد انها غير كل الكورى القديم وفتيسها من غير مشاكل ولحد دلوقتى مافيش مشاكل ظهرت فيه زى النوبيرا والاكسنت القديمه مثلا
الفتيس الاتوماتيك بالاستعمال الهادىء يعيش معاك السواقه من غير حرق وشدوكيك داون كتير يعنىالكيك داون يبقى لوقته بس مش على الفاضى والمليان + الاهتمام بمنسوب زيت الفتيس وتغييره فى مواعيده باستمرار والصيانه الدوريه للعربيه عامه هتعيش معاك لاطول وقت ممكن