أيه رأيكوا في الجيب شيروكي موديل 94؟

**fahd_628** · 04-09-2007 11:32 PM

أستاذ أحمد حضرتك تقصد الشيروكي الليبرتي؟

ايوة يا باشا ال 3700 سى سى و موديل 2003 دية ليبرتى

**ahmed1981** · 04-09-2007 11:41 PM

المشاركة الأصلية كتبت بواسطة FASTER

أستاذ أحمد حضرتك تقصد الشيروكي الليبرتي؟

بالضبط (الشيروكي الليبرتي؟) اللي بفوانيس مدورة من قدام

**FASTER** · 06-09-2007 02:33 PM

اذا كانت الليبرتي فيها العيوب دي كلها أمال العادية موديل 94 هاتبقي عاملة أزاي
شكراااااااااااااا للجميع

**Adham** · 08-09-2007 02:02 PM

سلام عليكم

الشيروكي ال 94 لو 4 سلندر سعرها حوالي 50 الف اقل او اكثر شوية حسب الحالة ولو 6 سلندر سعرها بيبقى ازيد شوية يعني بين ال 55 و ال60 الف
عيوبها ناشفة جدا وكنبتها ضيقه و صالونها متواضع تماما و غير فخم و المشكلة الكبيرة انها ثباتها سيء للغاية تحديدا في الملفات عالسرعات العالية
التكييف بتاعها سيء جدا جدا و مشاكلة و اعطالة كثيرة جدا و للعلم ان شنطتها ضعيفة جدا لان باب الشنطة فبر و ارضية الشنطة ضعيفة جدا معمولة من صاج رقيق و سمعت كذا حد بيشتكوا من مشاكل بسبب دة
وانت وبختك بالنسبة لحالتها بس خللي بالك ان العربيات دي بقالها 13 سنة ماشية يعني معظمها هالك و بالاخص ال4 سلندر لان الموتور ضعيف على وزن السيارة لكن ال 6سلندر بيستحمل و يعيش وان كان بياكل بنزين

**Adham** · 08-09-2007 02:06 PM

على فكرة انت بتقول ان معروض عليك شيروكي 4 سلندر اوتوماتيك
ودة مش صحيح لان الاوتوماتيك كلة بينزل 6 سلندر و ال4 سلندر كلة مانيوال
فراجع رقم الموتور و اتأكد انة بنفس رقم الشاسية لانة كدة غالبا مغير موتورها ال6 سلندر بموتور 4 سلندر استيراد و ساب الفتيس الاوتوماتيك او العكس

يعني ال 4 سلندر كلة مانيوال انما ال6 سلندر بيبقى اوتوماتيك ومنة بعض الاحيان النادرة مانيوال

تحياتي

**FASTER** · 09-09-2007 03:31 AM

هو بصراحة اللي قاللي عالموضوع ده صديق مقرب ليا وهو أللي قاللي أنها 4 سلندر أوتوماتيك وبيني وبينك أنا معلوماتي ضعيفة أوي عن الشيروكي بس اللي شجعني أني أفكر أنه قاللي أنها نظيفة أوي وعاملة حوالي 80000كيلو بس بعد العيوب اللي ذكرتها ألأعضاء أنا أفضل الاحتفاظ بسيارتي السيدان
وشكرا لردود كل الأعضاء المفيدة

**Adham** · 09-09-2007 01:43 PM

مطلوب فيها كام ؟؟؟

لو سعرها مغري حاقولك خدها بس اكشف عليها كويس

**FASTER** · 10-09-2007 12:53 PM

63000وممكن تخلص ب60000 أيه رأيك؟ وعلي فكرة العربية فابريكة دواخل وخوارج

**Adham** · 10-09-2007 01:27 PM

كتييييييررررررررررر جدااااااااااااااا

انا اعرف واحد عندة شيروكي موديل 95 لونها زيتي 4 سلندر فابريقة دواخل وموتورها كويس عاوز 53 الف فيها بس تكييفها عطلان عاوز اصلاح لحام خرم بيسرب في السربنتينة و يتشحن و عفشتها تعبانة شوية بس مانصحكش تاخدها

و اعرف واحد معاه عربية كنت حاشتريها من شهرين موديل 1996 6 سلندر مانيوال رالي او سفاري فابريقة برة و جوة راشة بس بابين و فرشها جلد اصلي بس عيبها لونها أبيض وعاوز فيها 65

اللي انت بتتكلم عليها دي كبيرها ال 58000 دة لو فعلا فابريقة الكامل مش كلام و حالتها تمام عفشة و تكييف و موتور و كلة بس زي ماقلت لك الاربعه سلندر في الشيروكي مش كويس لان الموتور ضعيف عالعربية وزي ما بيقولوا الشيروكي مايتركبش غير 6 سلندر علشان تبقى عربية عفٌية

انا رايي تاخد الستة سلندر اللي باقولك عليها حاتعجبك قوي لو اللون الابيض يمشي معاك لأن انا مش باطيقه في العربيات

بس خللي بالك الشيروكي بياكل بنزين قوي و قطع غيارة مش رخيصة