الموضوع: Mitsubishi Colt 2007: Now 82500 LE

المشاركة الأصلية كتبت بواسطة OldVic

طيب، نخلى الشكل على جنب دلوقتى، سواقتك نوعها إيه؟ بمعنى أصح، فارق الاداء بين السيارتين سيكون كبير لصالح الكولت، أولا اللانسر موتور 1.3 و هو طبعا الجيل القديم، أما الكولت فبها محرك 1.5 109 حصان و هو نفس محرك الEX أى أحدث جيل فى محركات ميتسوبيشى. أضيفى إلى ذلك بعض الإختلافات الأخرى فيصبح الفارق كبير.

طبعا والدتك لن تتفهم هذا و لكن النقطة هنا هل يفرق معك الجرى و السحب و ما إلى ذلك؟ أرى أن سيارتك Galant Sport فهل ستكونى سعيدة بلانسر 1.3؟؟؟

بالمناسبة، لى صديق عزيز يملك لانسر 1.6 و أركبها معه كثيرا و أنا أرى أن الكولت أحسن.

أرى أيضا أنك قرأت كل شىء عن السيارة هنا، فعلا هذا أحد الأسباب لنصيحتى (بالنسبة لرمسيس).

على فكرة، فارق الطول بين الطرازين مفيد جدا فى موضوع الركنة و الكولت واسعة من الداخل فى جميع الأحوال.

شوف يا أ. أحمد
أنا طريقي أساسا قليل أوي أوي يا دوب... أنا ساكنة في طلعت حرب (ميدان التحرير) وشغلي في الزمالك.. يعني في اليوم الواحد بعمل أقل من 10 كيلومتر ده كمان بالبحث عن ركنة. وطبعا لك أن تتخيل السواقة عاملة ازاي في الأماكن دي سواء وسط البلد أو الزمالك! لو قدرت أوصل لسرعة 80 ك بقول يااااه ده الدنيا فاضية أوي النهارده!! وقليل اوي لما بخرج بعد الشغل في حتة الا لو كان فيه ضرورة.
في الاجازات كل مشاويري تنصب في الاماكن التالية (غير وسط البلد والزمالك): المنيل والروضة والمعادي وقليل ساعات يبقي مصر الجديدة او مدينة نصر (بس ده بيبقي نادر اوي الحقيقة)

علي فكرة، أنا ممكن لما اشتري العربية إن شاء الله علبال ما أوصل للأف الأولي وييجي ميعاد الصيانة بتاعتها يكون فات شهور وشهور

انا عربيتي فعلا Mitsubishi Galant Sport 1600 cc بس الحقيقة مضحكش عليك العربية قديمة اوي موديل 1977 بس هي شكلها تحفة وموروثة عن والدي الله يرحمه لذلك محتفظة بيها لحد دلوقتي (بعتبرها اختي الكبيرة)، بس مش قادرة احافظ عليها للأسف بسبب الميكانيكية والقرف بتاعهم. أنا عمري ما سقت 1300 بس الخوف كله من كلام الناس عن مدي تأثر الموتور بالتكييف!! وخايفة كمان من حاجة ان انا طرقي كلها مليانة مطالع كتيرة (كباري كمان كتير) وبالتالي برده خايفة من حتة السحب هل هيتأثر أوي كده فعلا بموتور 1300 ومع تشغيل تكييف عالي في الصيف؟ انا ممكن اشد واحب اجري أوي فعلا بس زي ما وضحت مبقدرش علي كده خالص بسبب مكان سكني وشغلي (كل طرقي في المدينة ولو فيه سفر بيبقي مرة في السنة مش اكتر)

حضرتك ياتري تنصح بايه؟

وآسفة علي الاطالة

المشاركة الأصلية كتبت بواسطة مصراوي جدا

بخصوص الألوان بكره ممكن اشوف المتاح ايه في الشركة حاليا وابلغك (اعتقد فيه فضي وفيراني كمان) الوان العربية اساسا خمسة : اسود وكحلي وفيراني وفضي واحمر بس يمكن الاسود خلص مش متأكد

بخصوص الاستلام من قليوب بسيطة ممكن تخلصي الاجراءات في رمسيس وتبلغيهم برغبتك في الاستلام من قليوب (ده طبعا في حالة الاستقرار على شراء الكولت.

بجد يبقي ميرسي لحضرتك جدا م. طارق، أنا عربيتي الحالية فضي ميتاليك وبالتالي هيكون صعب تكرار نفس اللون ولو انه حلو وانا بحبه جدا. ربنا يوفق لما فيه الخير إن شاء الله واقنع والدتي قبل ما العدد يخلص.

تقبلوا خالص تحياتي

أشكرك م. طارق علي ردك وأعتذر عن تأخري في الرد لانشغالي. إن شاء الله يكون فيه اخبار جديدة قريب أول ما آخد القرار باذن الله يا رب

كل التقدير والاحترام لمجهودك ومساعدتك واخلاقك الكريمة م. طارق.

تقبل خالص تحياتي