الموضوع: Mitsubishi Colt 2007: Now 82500 LE

السلام عليكم
أولا تحية لجميع أعضاء المنتدي الكرام

أنا لسة مكلمني التوكيل دلوقتي حالا وقالولي ان الميتسوبيشي كولت موديل 2007 اللي لسة فاضلة عندهم بفت دلوقتي 82500

انا كنت بفكر جديا في العربية دي وخاصة اني عارفة ميتسوبيشي يعني ايه كويس أوي من عربيتي الحالية اللي بالرغم من قدمها الا انها بجد زي الفل واستحملت احتمال متستحملوش اي عربية تانية دلوقتي وعارفة انه اسمها لوحده كفاية، ده غير الكماليات الهايلة في الـ Colt لكن فعلا موضوع ركود العربية دي بالذات بالشكل ده واللي يخلي الوكيل ينزل كل شوية من سعرها علشان يخلص منها يخلي الواحد بجد يقلق أوي طبعا من قطع الغيار اللي هتبقي أكيد بالطلب لو العربية حصلها حاجة وكمان بالشيئ الفلاني! وأنا مش هقدر أعيد نفس التجربة مرة تانية مع عربية نادرة ومفيش منها كتير في البلد ودوخ بقي ولف الدنيا والآخرة علشان تلاقي قطع غيار
(عربيتي الحالية ميتسوبيشي جالنت سبور باب واحد بس موديل قديم حبتين تلاتة)

كان فيه موضوع هنا لأستاذ يملك سيارة ميتسوبيشي برده نادرة شوية (مش فاكرة نوعها ايه للأسف ومش قادرة اطلع لينك للموضوع تاني اعذروني) وسأل المهندس طارق زويل عن مدي توافر قطع غيارها لانه مش لاقيها خالص، وتفضل بالفعل المهندس طارق بافادته باسعار قطع الغيار لكن كانت هتيجي بالطلب مخصوص من المخازن في الامارات ولو مكانتش هتبقي موجودة هتيجي من اليابان ودي ممكن تاخد شهر أو شهر ونص علبال ما توصل!!! افتكر كان من ضمن قطع الغيار المطلوبة طلمبة البنزين. طب دلوقتي ماهو لو حصل حاجة في طلمبة البنزين ما هي العربية كده مش هتدور خالص لحد ما تتغير (علي حد علمي البسيط اوي يعني انا مش خبيرة في الميكانيكا)، يبقي افضل قاعدة المدة دي من غير عربية! هو ده الشيئ اللي مضايقني جدا بالنسة للموضوع ده لكن غير كده العربية عجباني وكمان سعرها مناسب ليا اوي.

عموما أنا حبيت اقوللكم السعر الجديد والمهندس الكريم أ. طارق زويل ممكن يأكدلنا مدي صحة المعلومة وكمان مدي صحة تخوفي وقلقي ده واذا كان في محله ولا فيه حلول أنا معرفهاش. وادعولي ربنا يوفقني في عملية الاختيار لسيارة جديدة. ويا لها من مهمة صعبة !!!

آسفة علي الاطالة وسلامي للجميع :k10:

Nour

المشاركة الأصلية كتبت بواسطة nour3alanour

م. طارق
أنا بجد شاكرة ليك جدا سرعة استجابتك وسعة صدرك لتحمل أسئلتي الكتيرة ولمعلوماتك المفيدة والوافية

وأطمع في كرم حضرتك اذا كان ممكن بالفعل كما قلت الاتصال بأستاذ أحمد لسؤاله بخصوص موضوع وظائف الكمبيوتر اذا لم يكن فيها اي احراج او ازعاج طبعا

ولي سؤالين أخيرين اذا كان ممكن ومش هتقل علي حضرتك تاني، الأول بخصوص تخزين السيارة لمدة عامين منذ 2007، هل فيه أي خطورة في شراء سيارة بقالها سنتين وأكتر مشتغلتش خالص وهي لسة جديدة؟ وأضمن منين ان طريقة تخزينها من جانب الوكيل كانت هي الطريقة الصحيحة للحفاظ عليها بحالة الزيرو مهما مر من وقت عليها وعلشان متعملش مع المشتري أي مشاكل بعد شرائها بفترة قصيرة نتيجة تخزينها دون استعمال؟ حضرتك عارف صعب أوي ان الواحد يغامر في عربية جديدة زيرو وبعد ما يشتريها يكتشف انه بسبب الركنة زمن طويل بقي فيها مشاكل

السؤال الثاني بخصوص أسعار قطع غيار الكولت. ملقتش أي حاجة عنها هنا في المنتدي ولكن لقيت اللينك ده اللي حضرتك وضحت فيه أسعار قطع غيار لانسر شارك. هل هي هي هتكون نفس الأسعار للكولت علي اعتبار ان الموتور واحد؟

http://www.nilemotors.net/Nile/showthread.php?t=26263

ولك خالص الشكر والامتنان :k10:

مساء الخير،

على فكرة بعد مكالمة م/طارق أنا رديت على رسالتك على الخاص حيث لم أكن رأيتها قبل ذلك، و بالمناسبة السعر ده تحفه، فكرى جيدا و اشتريها.
و بمناسبة قطع الغيار أحب أطمنك انه حتى قطع الغيار الغير معتاده (مثل باكتة السقف مثلا) موجوده عندهم.

طيب، نخلى الشكل على جنب دلوقتى، سواقتك نوعها إيه؟ بمعنى أصح، فارق الاداء بين السيارتين سيكون كبير لصالح الكولت، أولا اللانسر موتور 1.3 و هو طبعا الجيل القديم، أما الكولت فبها محرك 1.5 109 حصان و هو نفس محرك الEX أى أحدث جيل فى محركات ميتسوبيشى. أضيفى إلى ذلك بعض الإختلافات الأخرى فيصبح الفارق كبير.

طبعا والدتك لن تتفهم هذا و لكن النقطة هنا هل يفرق معك الجرى و السحب و ما إلى ذلك؟ أرى أن سيارتك Galant Sport فهل ستكونى سعيدة بلانسر 1.3؟؟؟

بالمناسبة، لى صديق عزيز يملك لانسر 1.6 و أركبها معه كثيرا و أنا أرى أن الكولت أحسن.

أرى أيضا أنك قرأت كل شىء عن السيارة هنا، فعلا هذا أحد الأسباب لنصيحتى (بالنسبة لرمسيس).

على فكرة، فارق الطول بين الطرازين مفيد جدا فى موضوع الركنة و الكولت واسعة من الداخل فى جميع الأحوال.

شكرا على الموضوع الرائع ..