الموضوع: عايز اقول كل اللى فى قلبى من السيريون والتوكيل و كلام الأعضاء فى الموقع عنها

استاذي الكريم
مصنعية التركيب دي لها تفصيل
يعني كل توكيل وكل صنايعي له طريقة او اسلوب في تركيبه

يعني اللزق بتاع تركيب الزجاج ده اسعاره متفاوته جدا يعني في الرخيص وفيه الغالي جدا
انت لما بتركب بره عند اي صنايعي هيشتريلك الرخيص او المتوسط لأن مش هتفرق معاه قوي يعني
بمعنى اصح هيقولك اهه لزق وخلاص مش بيلزق
اماممكن توكيل معين يكون له مواصفات في طريقة شغله لأنه بيضمن الشء ده وبيتحمل اي تكلفة تابعة للخطأ بتاعه مش زي الصنايعي بره

فانا معاك عاوز تقول او تعرف المصنعية غاليه ولا لأ
شوف الخامات اللي بيشتغل بها في التوكيل وشوف بتتباع بره بكام واحسبها وانت هتعرف انهي افضل

ممكن تكون انت مش هتفرق معاك اللزق او غيره
ولكن هناك اخرين يرون ان الثقة في التوكيل وان التوكيل ضامن لكل شئ
وانه لما بيعملها في التوكيل بمبلغ اكتر من اي صنايعي مش هتفرق معاه طالما ده الشئ المظبوط او الصح يبقى خلاص

صدقني هناك فرق في طريقة التركيب وخامات اللزق

وانا لا ادافع عن احد
ولكن أحب الكلام يبقى موزون
يعني مش غالي وخلاص
ماهو معلشي بتوع التوكيل دول مش هبل مع احترامي لهم يعني
انهم يحطوا مصنعية بالمبلغ ده كده وهما عارفين بره بيتركب بكام الزاجاج
ما هما مصريين وراكبين عربيات برده من قبل ما يشتغلوا في التوكيل
وفي نفس الوقت عاوزين يشتغلوا ويكسبوا

يعني بالعقل ده يعقل يعني

أستاذ Rag2005 ....بجانب توضيح أخونا أبو عبدالله .....لو حضرتك متابع المنتدى بدقة وتفصيل هاتلاقي إن تقريباً كل الأعضاء إشتكوا من موضوع أسعار العمالة المبالغ فيها جداً وليس قطع الغيار لمساوتها مع أسعار ماركات أخرى كثيرة
وسيدي الفاضل....من قال لك أن قطع غيار السيريون تُباع في التوفيقية أو في الحرفيين؟؟؟؟؟؟؟؟؟؟

تأكد تماماً إن حضرتك لو حسيت إنك أخذت القرار الخاطىء في شراء سيريون أو دايهاتسو عامة فالخطأ راجع ليك إنك لم تتحر الدقة في مواضيع السيريون أو الدايهاتسو في المنتدى أو خارج المنتدى وليس شغل دعاية وتسويق منا :k26:

اسمحولي بسؤال صغير يا جماعه...

اكيد الاعضاء موضحين ان قطع الغيار مش رخيصه.

ولكن هل تم فعلا توضيح ان قطع الغيار مش متوفرة ؟؟؟؟؟؟

انا فعلا معرفش ... بس لو ان فعلا تم توضيح النقطة دي .. يبقي مفيش اي لوم من قريب او بعيد علي المنتدي او الاعضاء.

المشاركة الأصلية كتبت بواسطة momo10000

اسمحولي بسؤال صغير يا جماعه...

اكيد الاعضاء موضحين ان قطع الغيار مش رخيصه.

ولكن هل تم فعلا توضيح ان قطع الغيار مش متوفرة ؟؟؟؟؟؟

انا فعلا معرفش ... بس لو ان فعلا تم توضيح النقطة دي .. يبقي مفيش اي لوم من قريب او بعيد علي المنتدي او الاعضاء.

ايمن باشا

الاعضاء ميقدروش يقولوا قطع الغيار متوفرة و لا لأ

كل اللى واحد يقدر عليه انه لو حصل معاه موقف و كانت الحاجة مش متوفرة انه يذكره و بس... غير كده محدش مننا شغال فى التوكيل علشان يقول دى موجودة و دى مش موجودة و هتتوافر فى اليوم الفلانى!!

انا بالنسبة ليا الموقف اللى كريم (cryptonx) ذكره عربيتى فضلت هناك اكتر من 30 يوم علشان حاجة صغيرة جدا و نادرة انها تتطلب, و هى خراطيم تبريد الفتيس الاتوماتيك .... التفاصيل بالظبط هكتبها فى موضوع منفصل, لكن الفاتورة اللى كانت فيها كل التفاصيل مش لاقيها, فلما اروح هناك هطلب منهم واحدة تانية علشان اكتب كل التفاصيل للناس هنا, بكل الملابسات للموضوع

المشاركة الأصلية كتبت بواسطة CryptonX

انا مش بقول الموقف علشان اثبت ان السيارة وحشة او التوكيل وحش او اي حاجة .. انا قصدي .. ان الي انت قلته باظلبط وان كل واحد بيقول تجربته الشخصية الي حصلته .

يا كيمو ... انا عارف انت قصدك ايه

انا بس حبيت اوضح ايه الموقف اللى حصل, علشان انا لسه مكتبتش عنه