هل تثق بجودة واعتمادية العربيات الصينية

**MMamdouh** · 10-06-2009 02:08 PM

المشاركة الأصلية كتبت بواسطة akram2010

حرام فيها الفلوس
الصين جديدة العهد فى مثل هذة الصناعه ودة سر صناعه فى الخامات من اصغر قطعه الى اكبرها .. فكل شيىء له معايير جودة وصناعه .. فالصين ليس لديها هذة الخبرة الطويله التى استفاد منها الاخريين مع الوقت الى ان وصلنا لجودة عاليه مثل سيارات الامريكيه. والاروبى والكورى ... انا اتسآل لماذا نحن سوق مفتوح لسلع تحت التجربه ومن دول سيئه السمعه فى جودة صناعاتها... فليس كل شيىء صينى حلو وهنا اوضح نقطه هناك منتجات باسماء عالميه تنتج بالصين ويكتب عليها صناعه صينيه وهذا قانون بلدهم ومش ضرورى هم الصانعيين للمنتج هذا ولا جودة منتجاتهم ولا سر صناعتهم .. فعلى سبيل المثال ونقترض خلاط فيلبس صناعه صينيه الموضوع وما فيه ان شركه فيلبس هنا اختارت السوق الصينى كهدف للمنتجات لانه سوق محلى ودولى واسع جدآ فالذى يحدث ان الشركه تعمل مصنع هناك بمهندسيها وبخامتهم وسر المعرفه ويبقى الموضوع كله عمال صينيين باجر بخس فقط ويطلع المنتج تحت اسمهم لآنه بجوده فيلبس واسمهم ولكن يكتب صناعه صينيه لانه قانون بلد فهنا اوضح ان هذا ليس معناها لما نجد فيلبس صينى يبقى اى حاجه صينى بنفس الجودة الموضوع مختلف تماما

خللوا بالكم يا جماعة الراجل دة شغال فى توكيل هيونداى و مبيعملش اى حاجة فى المنتدى غير انة يقول على اى عربية زبالة و ان الهيونداى احسن منها و يمجد فى توكيل هيونداى

MMamdouh

خللوا بالكم يا جماعة الراجل دة شغال فى توكيل هيونداى و مبيعملش اى حاجة فى المنتدى غير انة يقول على اى عربية زبالة و ان الهيونداى احسن منها و يمجد فى توكيل هيونداى

MMamdouh

**sv065** · 11-06-2009 11:43 AM

السلام عليكم

يا جماعة الموضوع مش مستاهل كتر الكلام والجدال بدون داعي

المسألة ببساطة إن إحنا عاوزين نقارن بين الجودة من الصيني للياباني

وده طبعا خطأ ومش منطقي لأن النتيجة معروفة مسبقا

إحنا المفروض نقيم العربية من حيث الأداء طبقا للمقاييس العالمية المعروفة عند أهل الخبرة بهذا المجال

ومش عيب إنها تحصل علي درجة أقل من الياباني لأن ده المنطقي المهم هل هي أقل في حدود الجيد ولا وصلت لسيء

فكم من منتجات صينية المنشأ وتعمل بمنتهي الكفاءة

وفي النهاية المنتج الصيني من أذكي المنتجات بمعني إنه يستطيع إعطاء الجودة حسب طلب الجهة الطالبة للسلعة

يعني ممكن ينافس الياباني إذا أراد ولكن كله بثمنه

مشكورين وأعتذر للإطالة

**sindbad2day29** · 15-06-2009 09:06 PM

المشاركة الأصلية كتبت بواسطة KHALED AYMAN

لا اتق فيها نهائيا ...
ممكن حد يقولى ازاى عربيه فيها dvd و ايرباج و جنوط و فتحه سقف و سى دى و فرش جلد و كراسى كهرباء و حساسات و كماليات كتييييييييييييييييييييييي يييييييييير بسعر منخفض جداااااااااااااااااااا
مستحيل تكون جوده العربيه و متانتها مظبوطه !!
و اعتقد ان غالبيه العربيات اثبتت فشلها فى حته المتانه و الجوده ..
ممكن اثبتت نفسها فى المبيعات ..
الاوبشنز..
الشكل..
انما حته التحمل و كده فهى فاشله تماما ..
انا مجربتش اى عربيه صينى بس اتفرجت عليها كتيييييييييير و من احقر عربيه صينى لحد افخم عربيه صينى ..

أي نعم فيها كل الكماليات ولكن هي كده مش رخيصه دي العربيات التانيه هي اللي غاليه

**aYaBooY** · 21-06-2009 04:18 PM

طيب انا مش هاتكلم و اقول ان العربيات الصيني مفيش منهم عربية يتيمو عدت اختبارات الجودة الاوروبية لا امن و متانة و لا اي اختبار في اي بلد محترم
ولا هاؤول ان سمعت الصين ولا انها حديثة العهد علشان فعلا فيه حاجات صيني محترمة بس قليل اوي من المحترم الصيني ممكن يجيلنا مصر
انا هاتكلم من وجهة نظر تانية
من حوالي عشرين سنة اخين اشتروا كاسيت لكل واحد
واحد اشترى ياباني و دفع كتير و التاني اشترى صيني فيه ضعف الاوبشنز و بربع التمن
بعد خمس سنين الصيني عطل و طبعا تصليحة اتكلف وقت و فلوس و الياباني شغال
بعد عشر سنين الصيني عطل خالص و مبقاش نافع فيه تصليح و الياباني ابتدي يضعف و احتاج صيانة بسيطة
و طبعا اصدي اعتقد انه واضح العربيات الصيني لو بنفس النتطق يبقي فعلا الشعب المصري اخد قلم مخبرين محترم على قفاه

**faron525** · 28-06-2009 02:25 PM

انا بعد لما شوفت اختبارات التصادم لبعض السيارات الصينية
اترعبت منها ولذلك لا اثق فيها نهائيا

**attiahf** · 28-06-2009 02:49 PM

بالمناسبة اى عربيى سواء كورى او صينى لو خبطت فى اى عربية حتطبق وربنا يسترها؟؟؟؟؟؟؟؟؟ معلش كلة فى الحوادث حيدمر بغض النظر عن حزام الامان وجسم السيارة............الخ

**aYaBooY** · 28-06-2009 03:23 PM

افكرة مش انه كله هايطبق مهو طبعا الحوادث بتطبق الصاج و العربية بس طبعا تطبيقة عن تطبيقة تفرق
يعني العربيات الي بيتقال عليها نسبة امان عالية الصاج بيروح و يطبق بس بطريقة تسمح للمسعف انه يعرف ينتشل البني ادام الي جوا بسهولة
و برده نسبة تاثر الانسان الي جوا بتكون اقل شوية و حاجات من هذا القبيل لكن طبعا في مصر المحروسة مش مهم الي جوا بس المهم ان الصاج ميحصلهوش حاجة