عرض للطباعة
عربيتي لانوس كامله المشكله ان كل شويه الفيوز بتاع الازاز الكهربه بيضرب(الي هوه راكب في علبه الفيوزات الي جنب الموتور)
مش لاقيه حل غيرته مرتين ومفيش فايده
ياريت لو حد واجهت المشكله ديه او يعرف سببها يقولي
علشان انا بسبب المشكله ديه فكرت ابيع العربيه والله
اقتباس:
المشاركة الأصلية كتبت بواسطة ramylanos
لو الفيوز بتغيره بسبب حدوث حرق على أرجله الراكبه فى علبة الفيوزات....حيكون بسبب حدوث شرر كهربى بين بيت الفيوز وأرجله داخل علبة الفيوزات.............أما لو كنت بتغيره بسبب قطع فيه وفصل تام بالفتيل ومتكرر زى مابتقول فده حيكون بسبب زيادة تيار كهربى(OVER CURRENT).......وعلاج الموضوع ده حيكون بسبب تلف مقاومه قبل تغزية الفيوز بالكهرباء.....ويلزم كهربائى كويس لأزالة الأسباب.............
خلى كهربائى يبصلك عليها
ممكن اقولك انك تلف سلكة على ارجل الفيوز ومش هيفصل تانى معاك بس ممكن لا قدر الله مشكلة اكبر تحصل
وان شاء الله تطلع بسيطة
ممكن اقولك على حل لو سيادتك عندك فكرة ولو بسيطة عن الكهرباء
وأذ لم يكن اي كهربائى هيحل الموضوع ببساطة
1- احتمال حدوث تلامس بين الفردة الارضى والفردة الموجب على
مفتاح صعود ونزول الزجاج
2-احتمل وجود شورت فى وحدة الرفع
3-احتمال وجود حمل على اى ماكينة من ماكينات الرفع يتم تجربة
كل ماكينة على حده
يلزم عمل تشيك على ال 3 نقط وان شاء الله تطلع بسيطة
الي بيتحرق دايما يا استاذ-سمير الفتيل الي حضرتك بتقول عليه وعلي فكره انا من اسماعيليه زيك يعني لو تعرف حد يفهم اكون شاكر ليك علشان مفتاح الي عند ابراهيم سلامه قلي هفكلك الضفيره وانا قلقان من الموضوع ده
استاذ كودك الكهربائي عملها زي ما حضرتك بتقول بس انا غيرته بعد كده بفيوز جديدعلشان لسلك يسيح والمشكله تكبر
استاذ هشام فعلن وحدتين الرفع اتحرقوا والكهربائي عملوا عليهم كوبري من جوه واشتغلوا تاني ومره تانيه الفيوز بتاع الوحده نفسه ضرب وغيرته
هوه العيب ده مرتبط بفيوز الازاز الي بتحرق؟؟
اقتباس:
المشاركة الأصلية كتبت بواسطة ramylanos
يامرحب بالأسماعلاويه.........وبص ياسيدى- وواضح كده أن عندك فعلا مقاومه محروقه وعلشان كده التيار كبير اللى رايح لوحدتين الرفع والفيوز(علشان الوحدتين أتحرقوا قبل كده بسبب التيار الزياده ومفتاح أفندى عمل الكوبرى اللى بتقول عليه علشان ميخليش تيار كبير يعدى على وحدتى الرفع......مش برضه كلامى مظبوط..........
ياريت المهندس سمير يوضح مامعنى يوجد مقاومة محروقة واين مكانهااقتباس:
- وواضح كده أن عندك فعلا مقاومه محروقه وعلشان كده التيار كبير اللى رايح لوحدتين الرفع والفيوز(علشان الوحدتين أتحرقوا قبل كده بسبب التيار الزياده ومفتاح أفندى عمل الكوبرى اللى بتقول عليه علشان ميخليش تيار كبير يعدى على وحدتى الرفع......مش برضه كلامى مظبوط..........
ووظيفة عملها فى الدائرة الكهرببة لكى لايكون الكلام عام وتعم الفائدة
للجميع
اقتباس:
المشاركة الأصلية كتبت بواسطة hashem taha
شوف يا أستاذ هاشم......أنا بأحلل من ناحية النظريه الكهربيه.......أزاى.......لاحظ أن الأستاذ/صاحب السؤال بيقول أن مواتير وحدتى الدفع أتعرضوا للحرق....بالأضافه الى الحرق المتكرر للفيوز......وده معناه من الناحيه الكهربيه أن فيه تيار كهربى كبير بيمر فى الدايره(اللى هى الفيوز ومواتير رفع الزجاج).........- وأكيد فيه حاجه بتقلل الجهد الكهربى اللى مطلوب للدايره........- يعنى ممكن يكون فيه مقاومه بتقلل الجهد اللى رايح من البطاريه أو الدينامو من 12 الى 8 فولت مثلا(والجهد ده هو اللى مطلوب فقط للمواتيرلا والفيوز)........-ومن وجهة نظرى المتواضعه ممكن يركب فيوز أكبر ويجرب .....على أساس أن المواتير دلوقتى شغاله بأمان بعد ماتم عمل كوبرى حمايه لها.........لأن المواتير دلوقتى شغاله كويس...والمشكله فى الفيوز..........- بس حقيقى أن مش عارف شكل الدايره الكهربيه ولا أحتكيت بالموضوع ده من قبل كده........وكل كلامى مجرد تحليل لنظريه عمل الدواير الكهربيه........أرجو أن تكون الصوره دلوقتى واضحه لحضرتك
شوف يا بشمهندس : لايوجد اختلاف ان كلنا نتمنى نفيد اي صاحب موضوع ولاكن بمعلومة اكيدة حتى لانعطى معلومة لصاحب الموضوع
ينقلها الى الصنايعى يعمل عليه شغل اكتر
هذة دائرة كهربائية مكونة من مفتاح وسلوك وقاطع(فيوز)ومتور ووحدة
رفع و12فولت من البطارية وليس من الدينمو لايوجد اي مقاومات فى الدائرة لاكن كلام حضرتك مظبوط فى الدوائر الالكترونية
بص يابشمهندس / هاشم.....اقتباس:
المشاركة الأصلية كتبت بواسطة hashem taha
- البطاريه بتقوم بأمداد الأجهزه الكهربيه للسياره وأنت فاتح كونتاكت (قبل سنة المارش)...........- بعد كده الدينامو هو اللى بيغذى الأجهزه الكهربيه بالكهرباء المطلوبه لها.....وبتطلع البطاريه بره الموضوع(والمكنه شغاله).....................- بالنسبه لموضوع المقاومه....أنت ملاحظ أن قولتلك أنا لم أحتك بالموضوع ده من قبل....ولكن حللت الموضوع من وجهة نظر الدواير الكهربيه..........على قدر ما أستطعت لأننى أساسا مهندس /ميكانيكا باور..- ولو أنت عندك أضافه وأرشاد أفضل لصاحب الموضوع.....طبعا حتشكر عليه
فيه كهربائى كويس يا أستاذ/رامى.......وبياناته كالآتى...........ورشه أسمها ...عالم المفاتيح....والكهربائى أسمه /خالد.....وده رقم الموبايل بتاعه0107101285 ...........المعلومات دى من زميل لىبعد تقاطع شارع المستشفى مع شارع البحرى وأنت فى طريقك لشارع الثلاثينى على اليمين.....كهربائى متخصص فى أصلاح أجهزة الأنذار....وماكينات رفع الزجاج
ده الي حصل بالضبطاقتباس:
المشاركة الأصلية كتبت بواسطة samirayad
طيب كمل قراءة الموضوع علشان أنا كاتب ليك عنوان كهربائى.....زميل لى قالى عليه.........وبرضه أبقى طمنا على الأحوالاقتباس:
المشاركة الأصلية كتبت بواسطة ramylanos
متشكر جدا يا بشمهندس-سميراقتباس:
المشاركة الأصلية كتبت بواسطة samirayad
انا لسه مغير الفيوز هجرب تاني لو ضرب هروحله عالطول
ربنا ييسر الحال......وأنا شايف طالما وحدتى الرفع مأمنين حاليا بعمل الكوبرى وعلى فكره هو عمل الكوبرى علشان يعمل مقاومه على التوازى مع خط أمداد الوحدتين بالكهرباء ويقلل قيمة أمبير التيار اللى رايح للمواتير.........وطالما شغاليتن تمام والتيار اللى بيمر فيهم مناسب والمشكله فى التيار اللى بيمر فى الفيوز....فى الحاله دى ممكن تستعمل فيوز أمبيره أكبر....لو ضرب الحالى.......علشان برضه منضمنش عك الصنايعيه...............ودعواتى لك بالتوفيقاقتباس:
المشاركة الأصلية كتبت بواسطة ramylanos
طيب مش ممكن لما استعمل فيوز امبيره اكبر تحصل مشكله تانيه وسلك يسيح ؟
ولا اجمد قلبي واتوكل علي الله
كبرحاجه بسيطه.....يعنى لو اللى راكب 15 أمبير......غير ل20أمبير........وتوكل على الله......طالما هو عامل كوبرى حمايه على مواتير وحدتى الرفع...........دى مجرد وجهة نظرى(علشان فعلا عاوز أبعدك عن عكهم )..........وممكن تستفسر عن الموضوع ده من أى حد آخرعندنا فى الأسماعيليه قبل متجرب ....أخذا بمبدا (وشاورهم فى الأمر)....وياريت تبقى تطمنا على أحوالك.....ولا أتمنى لك ألا الخيراقتباس:
المشاركة الأصلية كتبت بواسطة ramylanos
هو الفيوز كام أمبير يا أستاذ/ رامى...................وهل أنت أول مالك للعربيه
ربنا يخليك انا تعبت حضرتك معايا
الحمد الله حتي الان ما حصلش حاجه
الفيوز30 امبير وانا المالك الاول للسياره
على فكره ده فعلا المقاس بتاع أمبير فيوز ماكينات رفع الزجاج........اقتباس:
المشاركة الأصلية كتبت بواسطة ramylanos
وأدعو الله أن يطرح البركه فى هذا الفيوز ويطيل عمره.........تقبل تحياتى
اشكرك بشده بشمهندس-سميراقتباس:
المشاركة الأصلية كتبت بواسطة samirayad
أنا تحت أمرك أستاذ/رامى......ولك عليا حقان(حق زمالة المنتدى وحق الجوار).......ومساء الفل عليك.اقتباس:
المشاركة الأصلية كتبت بواسطة ramylanos
مساء العسل :satelite:اقتباس:
المشاركة الأصلية كتبت بواسطة samirayad
-على فكره فيه أخبار جديده وعاوز أتكلم معاك فيها.....................اقتباس:
المشاركة الأصلية كتبت بواسطة ramylanos
- هو أنت كان الأزاز عندك تقيل شويه قبل ماتغير المواتير اللى أنحرقت بتاع ماكينات الرفع......وياترى أيه أخبار تقل عملية رفع وخفض الأزاز دلوقتى .....وهل عملت الازم لتليين الأمور وبقت عملية رفع وخفض الأزاز دلوقتى كويسه وسهله ولا لسه الأازاز تقيل زى الأول..........لأن الموضوع ده مهمك جدا (علشان نأمن على موضوع الفيوز ده)...........- علشان أنت عارف أنا حاسس أنك حتقولى الأزاز كان أو لسه تقيل فى رفعه.....وده ليه دخل برضه فى الليله اللى كانت أو مازالت بتحصل بتاعة الفيوز......أنا فى أنتظار ردك للتعقيب.......ويارب يكون اللى فى بالى مظبوط............................:k38:
الله عليك يا بشمهندس بجد دماغك عاليه:Ta_clap[1]:
فعلن الازاز عندي تقيل (الي جنب السواق بس) حتي اخره مره والراجل بيعملي موضوع الكوبري علي وحده الرفع حطلي زيت علي المجره بتاعت الازاز
والازاز خف بس مش زي الاول طبعا
ياريت تحاول بقدر الأمكان تليين آداء عملية رفع وخفض الأزاز بقدر الأمكان.....لأن ده السبب فى تلف الموتورين القدام وتلف الفيوز المتكرر......وممكن يتلف الفيوز الحالى وتضيع المواتير(لاقدر الله)....لو الأزاز تقل تانى معاك......اقتباس:
المشاركة الأصلية كتبت بواسطة ramylanos
- لأن الموضوع ده بيعمل over load....على المواتير وبيخلى المواتير تسحب أمبير زياده (مرورا بالفيوز).....وده اللى بيشيع الفيوز (علشان مع ثقل الأزاز بيكون الأمبير المسحوب والازم فى الحاله دى للمواتير أكبر من 30 أمبير.....وعلشان كده بينهار الفيوز بأستمرار ....وممكن تضيع برضه مواتير وحدتى الرفع......................:10D5C8~1107:
تمام كده الصوره وضحتاقتباس:
المشاركة الأصلية كتبت بواسطة samirayad
انا هفضل متابع الازاز وربنا ييسر ولو هحصل اي حاجه هبلغك عالطول ان شاء الله:w6266d
أنت تأمر ياريس..................:S_thum1[1]:اقتباس:
المشاركة الأصلية كتبت بواسطة ramylanos
ربنا يخليك يا بشمهندس:S_thum1[1]:اقتباس:
المشاركة الأصلية كتبت بواسطة samirayad