:b4_007:تم بحمد الله ميلاد رابطة *****(( رابطة الاسطورة فيات 131 ))*****:b4_007::b4_564::b4_564:
عرض للطباعة
:b4_007:تم بحمد الله ميلاد رابطة *****(( رابطة الاسطورة فيات 131 ))*****:b4_007::b4_564::b4_564:
عزيزى المهندس حسام كمال
هل من الممكن اصلاح الكرونة فى الفيات 125
وما المقصود بكرونة تستبدل فى 125 بطقم كرونة تركى واين اجده وكم يبلغ سعره
هل هو جديد أم مستعمل
هل الحاج حمدى بيشتغل فى كرونه ال 125 وهل ممكن يوفر لى الطقم التركى
ارجوا الآفادة مع الشكر
[frame="9 10"]
بعون الله ممكن اصلاح كارونة 125
تحديد العطل و طريقة الاصلاح ممكن تستفيد اكتر بمكالمة او زيارة الى الحج حمدى
هوة راجل متخصص فقط فى الكارونة و الفتيس
اتصل بية وبلغة انك من طرفى عن طريق النت
هوة عارف انى منزلة فى موضوع على النت كمان هوة شارك فى معلومات الموضوع دة
بالتوفيق بعون اللة
[/frame]
السلام عليكم ورحمه الله
انا عاوز اعرف لو فى اسوأ الظروف عاوز اغير كارونة للعربية البولونيز تتكلف فى حدود كام وممكن ساعتها اى حد يشتغل فيها ولا اروح لمتخصص
[frame="9 10"]
السلام عليكم و رحمه الله و بركاتة
مفيش حاجة اسمها اسؤأ الظروف
الكارونة سليمة او بايظة
مفيهاش و سط
التكلفة بتكون حسب نوع التصليح
بمعنى انك ممكن تعدل الكارونة و تركب كارونة يبانى مستعمل طبعا بتكون كورسيدا او داتسون و التكلفة بالتعديل فى حدود اقل من 1000جنية
بس عبها انها بتبوظ تسارع العربية لانها بتكون مصممة لسرعة مختلفة عن سرعة الموتور
يعنى تسارع موتور الكورسيدا مختلفة عن تسارع موتور البولنيز
علشان كدة بيكون لكل واحدة كارونة مظبوطة على تسارع موتورها
فلما نعدل كارونة بولنيز بكارونة كورسيدا
بيحصل اختلاف فى تسارع العربية
والاصح هوة اصلاح الكارونة او احضار كارونة اخرى بولنيز
انصحك بالاتصال بالحج حمدى و بلغة انك من طرفى عن طريق النت و بامارة 131 البيضاء ملك مهندس/حسام
هوة راجل محترم و امين و حيعمل الواجب و زيادة
:Y_hi_3[1]:
[/frame]
متشكرين جدا يا حسام
انا من زمان كان نفسي اشوف الكرونة من جوه
تامر
انا عارف ان الموضوع قديم من اكتر من سنة بس انا لسة قارى الموضوع دلوقتى كلة ال67 مشاركة وكنت عايز اسأل على حاجة
هو ينفع احط مانع الونة على الفتيس ولا مش حايجيب نتيجة وانا بصراحة عمرى ماغيرت زيت الكرونا من اكتر من 10 سنين بس بعد ما شوفت موضوعك قررت اغيرة بس كنت عايز نوع مضمون 100 فى 100 ويكون متبرشم مش سايب ممكن حد يفيدنى فى الموضوعين دول
وشكرا على الموضوع
انا كمان سمعت عن ترصيص عمود الكردان دة بيتم ازاى هل فى جهاز ترصيص ولا مجرد انة بيحطة على المخرطة وخلاص اية اعراضة
واهم حاجة الموضوع دة بيتعمل عند مين
وشكرا
[frame="9 10"]
الف شكر للمداخلة
فعلا الموضوع من اكتر من سنة و يمكن اول موضوع اشترك بية فى نايل موتورز
واتمنى انة يكون افادك و عجبك
بالنسبة لترصيص عمود الكردان
انا كنت عملتة اكتر من مرة
وهوة مهم جدا خصوصا فى شوارعنا و المطبات الى فيها
فممكن عمود الكردان يتخبط و دة بيعمل زى رجة جوة صالون العربية تحس بية لما تحط ايدك ورا على الارض فوق البروز بين الكنبتين
وهوة عبارة عن مخرطة عادية جدا بيلف عامود الكردان بسرعة جدا و بيبان ان كان فية لوحة من حركتة
يبتدى يفير مكان الترصيص القديم و يظبط الهزة
وكمان هوة الى بيغير الصلايب
وبصراحة و عن تجربة احسن من الميكانيكى مع ان الميكانيكى الى معايا ممتاز
للاسف انا مشمعايا العنوان بالتفصيل لانة موجود فى مصر و انا دلوقت فى السعودية
بس انا فاكر انة كان فى غمرة بعد هندسة عين شمس و انتا رايح على العتبة
حتلاقى جامع قديم على ايدك الشمال
لف معاة كانك رايح لباب الجامع
يعنى الضلع بتاعك و التانى و التالت
او كانك راجع تانى بس من الاتجاة التانى
الورشة فى النصف فى اول الشارع امام الباب الرائيسى فى
اسئل هناك على ورشة عمود الكردان و الكارونة هوة معروف جدا جدا هناك
انا اسف ان كان وصفى صعب شوية :120146b
بس لو فية اى حد من السادة الاعضاء فهم و عارف الورشة
برجاء التكرم و اعادة الوصف و العنوان
[/frame]