الموضوع: مراكز الزوايا ماعندهمش البيرسونا

المشاركة الأصلية كتبت بواسطة hadota_masreya

سلام عليكم
انا عارف انى قارف أعضاء المنتدى بالموضوع بتاعى بس بجد هو عاملى قلق قوى
انا بناء على اقتراح الاستاذ مؤمن حمدى نزلت على بريدجستون اللى فى لوران و بعدين قولتلهم عايز اظبط زوايا للعربية - المهم واحد قابلنى و قالى و الله احنا مانزلناش التحديث بتاع العربية بتاعتك (البيرسونا) و مش موجوده ابعادها على الكمبيوتر اللى عندنا ممكن تيجى كمان عشر ايام قولتله طيب مش هي هي الجين تو قالى لا.
أخدت كلامه و انا محبط و رحت ماشى - تانى يوم اتصلت بمهندس محمد صلاح فى التوكيل مالقتهوش - لقيته بيجرب عربية و اتصلت بيه تانى بعدها بنص ساعه كده تقريبا و واحد رد عليا مش عارف اسمه الصراحه و سألته اذا كان ينفع ان العربية تتظبط على نفس أبعاد الجين تو - قالى ينفع قولتله قشطة - رحت رايح تانى على بريدجستون لوران و قولتلهم انا كلمت التوكيل و قالى ظبطها على الجين تو عادى المهم قالى طيب و رحت رايح داخل على الورشة و بعدين لقيته بعد ماركب الجهاز فى الكاوتش قالى بيقولى تعالى يا استاذ و قعدنى قدام جهاز الكمبيوتر الخاص بالجهاز و قالى بقى تحب اظبطهالك على الواجا !!!! قولتله يا فندم قالولى فى التوكيل ظبها على الجين تو و انا ببص فى القائمة بتاعة العربيات مش لاقى اساسا جين تو - لقيت واجا و ويرا و كذا نوع تانى قولتله بقى شوف انت بتعمل ايه مع الجين و اعمله .
المهم بضرب بعينى لقيت البيرسونا موجوده من ضمن القائمة بس المشكلة انها موديل 97 (غريبه قوى دى) المهم قولتله انا عربيتى نفس الموديل ده بس 2009 - قالى مش هاتفرق خالص !!
قولتله انت ادرى
المهم لما كشف قالى ان فى عجلة فاتحه و عجلة مأخرة و مش عارف ايه و هاتتعمل زرجينه - قولتله اعمل اللى انت عايزه بس العربية تتظبط و ماتعومش.
المهم خلص و مشيت من عنده - بعد ما اخدتها و انا فى طريقى للعجمى - لقيت العربية بتعوم ازيد من الاول و الدريكسيون مش مظبوط على النص و بتحدف زي ماهي شمال.
بصراحه اتعكننت و قولت اروح اتغدى و ارجعله.
المهم كنت متاخر و كانوا قفلوا و صحيح نسيت اقول ان اللى رد عليا فى التوكيل كان رشحلى بنزينة موبيل اللى فى سموحه. المهم رحت موبيل سموحه اتفاجات انهم برصه معندهمش تحديث البيرسونا على الجهاز - قولتله جين تو - قالى ماعنديش غير الويرا - سالته يعنى انتم مش بتعملوا ظبط لاي جين2 قالى لا خالص !!!!!
مش فاهم بقى هو بيفتى ولا التوكيل هو اللى بيفتى - مش عارف.
المهم انا نزلت القاهرة دلوقت و قاعد هنا لغاية السبت بالليل ان شاء الله.
ياريت حد من اللى معاه جين 2 و بيرسونا يدلنى على مكان عمل فيه ظبط زوايا و جربه فى القاهرة و العربية اتظبطت معاه.
يا جماعه انا مابقتش حاسس بالثبات اللى كنت حاسه ولا اسمع عنه عن الجين تو و البيرسونا
أفيدونا أفادكم الله

استاذي العزيز حدوته مصرية
طبعاً انا عارف احساسك عامل ازاي الوقتي خصوصاً ان العربية لسه جديده
بالنسبة للموضوع الي حضرتك اتكلمت فيه
اولاً عايز اعرف من حضرتك انت خد المطب الجامد علي انهوا جنب
ثانياً انت حسيت بالتعويم بعد رزعة المطب دا ولا بعد فتره
ثالثاً انا شايف ان حالياً الموضوع خرج بره انوا يكون زوايا فقط الوقتي الي انا شيفه من كلامك ان في عيب في العفشة ناتج عن الرزعه دي
في عجله مأخره دي ليها كذا حاجة و من اهمها ان يكون في مقص فتح او المساعد رجع لورا نتيجه الرزعه علشان كدا انا عايز اعرف انت خد المطب علي انهي جنب ونقدر نفكر مع بعض ايه الخطوات الي حتعملها الفتره الجايه و خلي بالك بدل في جنب حصل فيه مشكله طبيعي التاني مش حيكون متظبط فاهمني لانه مبقاش متوافق مع الجنب الي فيه الرزعه
ارجو ان تكون وصلت لحضرتك وجه نظري

جحا اولى بلحم طوره

التوكيل ...التوكيل ....التوكيل

العربيه جدييييييييييييده يبقى عليك والتوكيل
متخليش حد مبيفهمش ي.....يفتكسلك فيها

زي ما جميع الزملاء قالوا الافضل انك تروح التوكيل ما دام العربية في الضمان وهما يحلو المشكله