للأسف الكليبس غير موجود الآن وسعره تقريبا 20 جنيه
من رقم الشاسيه يظهر ان العربية خليجي (ست أرقام تبدأ من الشمال بـ 7 أو 8)
هل فيها abs ده بيختلف حسب كماليات العربية وليس من رقم الشاسيه وعموما لما تفتح الكبوت تقدر تعرف فيها ABS ولا لأ (فيه موضوع في قسم اهم الموضوعات بيوضح مكان الوحدة بجوار المحرك)
فيها ايرباج ولا لأ مش هيظهر ده من رقم الشاسيه انما لو مكتوب على الدركسيون SRS يبقى فيها ايرباج ولومش مكتوب يبقى مفيش
ليس لها فلتر تكييف لأن موديلها قبل 2006
ليس هناك انذار اصلي في اي سيارة بومة
لازم يتم الكشف على العربية لتحديد هل السخونة دي طبيعية ام لا
بعرض السؤال على المهندس احمد عناني مدير الورشة بمركز الخدمة الرئيسي بقليوب قال لازم نعرف رقم الشاسيه بالكامل علشان نقدر نقول مجموعة التشوك تتكلف كام وموجودة ولا لأ أو قد يكون الحساس المطلوب هو جزء من وظائف الكمبيوتر في الموديلات الحديثة والاستيبر موتور
الهاف سبورت ليس له مواصفات قياسية وخاصة في الخليجي لأن الموضوع مجموعة كماليات (اقل من السبورت واكثر من الكلاسيك) يختارها الوكيل في الدولة الخليجية واطلق عليها التجار في مصر هاف سبورت لكنه ليس تعبير من الشركة الأم وبالتالي ممكن يكون فيها اي كماليات اكتر من الكلاسيك واي كماليات اقل من السبورت
للأسف لا يمكن بالكشف على السيارة تحديد عدد الكيلومترات المقطوعة ولكن من خبرة المهندسين والفنيين يستطيعوا ان يقولوا اذا ما كان الرقم المسجل بالعداد صحيح ام ملعوب فيه واذا كان ملعوب فيه فحالة السيارة وقطع الغيار بها تناسب كيلومتر كام تقريبا (مثلا 80 ألف - 100 ألف)