الموضوع: ارجوا النصيحة يا جماعة

المشاركة الأصلية كتبت بواسطة Ahmed Anwer

سؤال يا جماعة ، اللادا بتنزل دلوقتي بتكييف و لا لسه

اللادا 2107بتنزل بتكييف حسب الطلب مع زيادة 3500 جنيه
لكن كفاءة التكييف مش كبيرة قوي لكن معقولة

طب إيـــــــــــــــــــــــ ــه رأيكـــــــــــــــــــــ ــــــــم في

أللادا كالينــــــــــــــــــــ ـــــــا 1600سي سي
تكييف - باورستيرنج - سنتر لوك

انا معاكم ان التوكيل سيى جدا للضغط الكبير علية ولقلة امكانياتة
ولكن اسعارة رخيصة جدا مقارنة باى توكيل اخر او حتى مقارنة بالميكانيكية بالخارج

التوكيل
علي فكره أسعار التوكيل ضعف أسعار برا التوكيل
ده عن تجربة مع عربيتين تبعهم
لادا 2107 و كيا سابا
ده زائد المعاملة اللي زي الزفت في المواعيد و التعامل
أنا قعدت في مركز الصيانه بتاعهم 7 ساعات علشان يتغير طقم بوجيهات
:x

انا يا استاذ احمد بتكلم عن اسعار المصنعيات وليس قطع الغيارلاننى لم اشترى قطع غيار من خارج التوكيل
فمثلاً صيانة العشرة اللاف تكلفتها 50 جنية فقط وتشمل
1- تربيط العفشة
2- تغير زيت المحرك
3- الكشف على زيوت الفرامل والدبرياج والكورونا والفتيس
4- تفريغ الهواء من الفرامل او تغير التيل فى حالة الحاجة
5 الكشف على الانوار وتغيير التالف
4 - الكشف على البطارية وقياس شحنها على الجهاز
5- ضبط المحرك بالكمبيوتر
6- تعلية الدبرياج
7- تغيير طقم كهرباء بوجيهات وابلاتين وكوندنسر
8- تشحيم الابواب
9- الكشف على دورة التبريد
10- تغيير فلتر هواء وبنزين وزيت
11- الكشف على ضغط الاطارات
فباللة عليك لو عملت كل دة برة هتدفع كام اكيد اضعاف ال50 جنية

وحتى قطع الغيار بالتوكيل اظن اسعارها رخيصة لان اللادا اساسا اسعار قطع غيارها رخيصة سواء بالتوكيل او خارج التوكيل
فمثلا اسعار التوكيل
فلتر البنزين ب5 جنية
والزيت 13 جنية
والهواء 13 جنية
والبوجيهات 25 جنية
والابلاتين والكوندنسر 20 جنية للاثنين
والتيل 30 جنية
والفانوس الامامى كامل 155 جنية
فهل هذة الاسعار ضعف الاسعار بالخارج
اكيد لا وقد يكون ذلك على السابا وليس على اللادا
انا معاك ان معاملة التوكيل زفت ولكن هل سالت نفسك لماذا يذهب الية الكثيرين بعد فترة الضمان وهم ليس مجبورين على ذلك
بالطبع لانخفاض اسعار قطع الغيار والمصنعيات
وعلى فكرة انا سمعت ان هناك مركز صيانة جديد جارى انشاءة على الطريق الدائرى على ناصية مدخل مدينة نصر
وشكرا لك
واهلا بمشاركاتك ونورت منتدى اللادا

علي فكره كل الحاجات دي المفروض تتعمل ببلاش لإن 10 الالاف كيلو تبقا انت أكيد في الضمان : :)
و بخصوص الأسعار:
في مركز الأسكندريه حاسبونسي علي سعر تيل الفرامل ب75 جنيه --بتاع لادا 2107

فعلاً مصنعيات الصيانة ببلاش لو فى فترة الضمان او خلال العشرة الاف كيلو
ولكن انا عملتها على حوالى 12.5 الف كيلو لذا كان بعد فترة الضمان