الموضوع: بعد نزول صني 2009 بتعديلاتها الجديدة : هل اصبحت الصني افضل من الالنترا

النيسان الجديده هنا فى الخليج- هى شكلها معقول بتفكرنى بالتيوتا 2004 وكمان فيها شويه من الاوكتفيا بالذات من الامام والخلف- - انا شفتها من الخارج بس - لو صحيح زودوا فيها الحجات دى فى مصر تبقى صفقه كويسه اكيد لو بالاسعار اللى منشوره فى المنتدى

الصنى سواء الجديدة او القديمة أفضل من الألنترا
كلة المكونات الهامة و الأساسية يابانى 100% ( الماتور - الشاسية - الصاج )
الأطارات ( Bridgestone )
و المكونات المحلية من افضل الشركات زى مثلآ :
فرش الكراسى من شركة ( MOBICA )
الزجاج من ( Dr. Greiche Glass )
بالأضافة الى تجهيزات الأمان 2 اير باج
فرامل ( ABS )
نظام ( EBD ) يعمل على توزيع قوة الفرامل على العجلات الاربع
نظام ( BA ) لمؤازرة الفرامل الفجائية عند الضغط عليها بشكل مفاجئ
كمبيوتر رحلات ( DETACHABLE CONTROL PANEL )
مدخل ( IPOD INTERFACE )
تعليق مطور للخدمة الشاقة فى كافة فئات السيارة و تعليق رياضى فى السوبر صالون
اعلى فئة فى الانترا على قد علمى من غبور مفيش فيها ايرباج
فلو قارنت المبلغ اللى بدفعة فى السيارة بالمميزات اللى بأخذها من السيارة فأعتقد ان الصنى هتكون أفضل اخنيار فى فئتها
لذلك ارشح صنى

انا قصدت من كلامي ان فعلا في اعضاء كتير لما بيقارنوا الصني بالالنترا بيرشحوا الالنترا وكل عضو له اسبابه بس بسبب التعديلات الجديدة دي انا شايف انها بقت افضل عشان كده انا بشوف هل حد مشاركني الراي ده ولا لا

بصراحه برضه الالنترا تتفوق عليها على الاقل فى الشكل ومن ناحية الاداء على ما اعتقد الالنترا تكسب برضه

مش عارف الناس بتكتب بخط كبير ليه حد قال اننا مش شايفين ((:
اللى اعرفه ان الصنى 40% منها مكون مصرى وانتو عارفين ده يعنى ايه وياريت الناس ماتربطش بين الالنترا وحشه علشان غبور وحش ؟
طب اللى جايبها خليجى بقت احسن؟ ياريت المقارنات تبقى على الفنيات بس
وموضوع اعاده البيع مااظنش ان فى حاجه فى مصر بتتباع زى الكورى
ياراجل ده الاكسل 95 ب 30 الف جنيه ((:
رأيى وياريت محدش يزعل الاانترا احسن (اركبو العربيتين وبعدين احكموا)

المشاركة الأصلية كتبت بواسطة outosend

مش عارف الناس بتكتب بخط كبير ليه حد قال اننا مش شايفين ((:
اللى اعرفه ان الصنى 40% منها مكون مصرى وانتو عارفين ده يعنى ايه وياريت الناس ماتربطش بين الالنترا وحشه علشان غبور وحش ؟
طب اللى جايبها خليجى بقت احسن؟ ياريت المقارنات تبقى على الفنيات بس
وموضوع اعاده البيع مااظنش ان فى حاجه فى مصر بتتباع زى الكورى
ياراجل ده الاكسل 95 ب 30 الف جنيه ((:
رأيى وياريت محدش يزعل الاانترا احسن (اركبو العربيتين وبعدين احكموا)

عشان كده احنا بنتحاور ياريت تقولنا انت شايف انها افضل ليه عشان نفيد بعض وشكرا