الموضوع: فتيس ودركسيون 516

السؤال للأستاذ محمد صديق الحاجات اللي انت عملتها عند المهندس أحمد مهران في العفشة والدركسيون والحاجات دي كلها أخد منك كام فلوس
عندي 113 أ وشكراً .

المشاركة الأصلية كتبت بواسطة mohamed sedek

السادة الزملاء

آسف جداااااااااا علي التأخير و لكن الظروف ، المهـــــــــــــــــــــ ــــــــم
الحمد لله تم الضبط و عملية التظبيط بنجاح منقطع النظير و اليكم التفاصيل

اولاً : انا روحت امبارح للراجل المهندس و ابدا العمل في السيارة و اخد حوالي ساعتين شغل الاول رفع العربية من الامام من الناحيتين ثم نزل تحتهم و فضل يشتغل فيهم شوية و يربط و يزبط ثم قام و دخل يشتغل في الصالون تحت الدوسات و قعد يزبط و يربط لحد ما خلص و بعدين خلص و نزل العربية و بدأ في العمل من ورا في طلمبة البنزين و هو شال الكنبة الخلفية و بعدين بدأ في انتشال طلمبية البنزين و العوامة و خرجهم بره ثم اخذ في تنظيف الطلمبة و العوامة و قعد يعمل حاجات في الطلمبة و قعد يزبط و يربط و يفك فيها بس بصراحة انا ما كنتش شيفه كويس و هو كمان ماكنشي عاوز يورني هو بيعمل ايه المهم بعد ما خلص ركب الطلمبة و العوامة و بدأ في تربيط العفشة الخلفية و فرامل اليد و بعدين خلص و طلعنا نجرب بعد كده و كانت المفاجاة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!
النتيجة هايلللللللللللللللللللللل للللللللللللللللة و لم اصدق ما يحدث ، اخيراااااااااااا تم حل جميع المشاكل الموجودة في العربية و اصبحت السيارة رائعة و الحمد لله
و كانت للراجل بعض الملاحظات احب ان اخبركم بها و هي ، ان طلمبة البنزين و العوامة كويسين جداااااااااااااا و هما هما بتوع Bmw 316 و اكد مرة اخري أكد ان عفشة السيارة رائعة جدااااااااااا و لكن قال ان مساعدين السيارة خفيف الامامي و الخلفي و هما دول اهم سبب في مشاكل العفشة
و الشكاوي اللي كانت عندي و هي :
1- التخبيط المعتاد في علبة الدريكسيون اثناء المشي علي المطبات او علي الطوب الدهشوم بسرعة قليلة
2- الخبط و الترزيع في كل العفشة و الدريكسيون اثناء المطبات
3- صوت طلمبة البنزين الذي يظهر و يخفي لوحده و بدون سبب
4- التنتيش في السيارة اول ما افول السيارة و انما لو حطت 10 او 20 او 30 لتر ميحصلشي شئ
و النتيجة : كل المشاكل ده اتحلت و الحمد لله نهائياً و الي الابد

ثانياً : انا سألت الراجل علي مشاكل ال113 و اكد انه يمكن حلها و انه في استعداد للحل

ثالثاً : انا قلت يا جماعة ان زيت الفتيس عندي كان كيلو واحد فقط و زيت عامل زي الميه و الله و الله و الله هو ده اللي حصل ده ممكن يكون في جميع السيارات علي مختلف الموديلات 2006و 2007و 2008 و 2009 و ممكن لا و لكن كل اللي انا اكدت عليه ان كل واحد لابد و ان يكشف علي زيت الفتيس و لو وحش يا ريت يغيره فوراً

رابعاً : رقم تليفون الراجل 0101562774 و اسمه م/احمد مهران و عنوانه مصر القديمة و انا ححاول و اوصف لكم و انت جي من الكورنيش من المعادي و متجه الي شارع القصر العيني و بعد النزول من كوبري الملك الصالح مباشراً هتجد علي اليمين بنزينة موبيل ثم شركة مرسيدس فادخل في الشارع اللي قبل مرسيدس مباشرتاً (اللي هو علي ناصية الشركة) و نفضل ماشيين لغاية نهاية الشارع و الشارع نهايته سور مترو الانفاق ثم اكسر شمال هتلاقي حوالي خمس ورش او اكتر جنب بعض هو الورشة مش عارف مكتوب عليه ايه و لكن اسأل هنا اي حد عن احمد مهران هيدلوك

منقول للافاده

hi ya mohhhamed sedeek basha sorry ana mab3rafsh akteb 3araby el 7agat ely enta 3amaltah fe el 3arabeya deh momken tet3amal fe ay 7eta tanya 3'eeer 3nd ahmed mahran
3ashan ana asly men alexandria we 3awez a3mel el 7agat ely enta 2olataha deh daraoooru bs mesh h3raf asafer cairo 3ashan a3melha
momken atassal beek aw bel mohandes ahmed mahran we a3araf eh bel zabt ely enta 3amalto we awasalo le el mohandes ely ana hat3amel m3ah aw a7'aleeh yetasal ya reeet ya seddeek basha terod 3alya
we 3ala fekra ana 2areet kol el mawadeee3 ely enta katebha we begad etbasat awy men el mwdoo3 dhwe nefsy el mashakel el so3'ayara ely fe el 3arabeya beta3ty tet7al :10D5C8~1107:

غيرت زيت الباور فى التوكيل حطيت زيت موبيل الكيلو ب24ج العربية اخدت كيلو واحد المهندس قاللى عايز تغيره ليه قلتله ان الزيت اللى فيها وحش جدا ماردش عليا وغيره المهم النتيجة هايله الباور ناعم وكان فيه صوت احتكاك فى الدركسيون لما العربية بتسخن دلوقتى مفيش الصوت ده ولسه حاغير زيت الفتيس وحاقوللكم على النتيجة عللطول

غيرت زيت الفتيس والنتيجة ممتازة الفتيس ناعم ومفيش عضة ولااحتكاك ولكن المصيبة جاية كشفت على زيت الموتور انا كنت حاطط زيت موبيل1 10000ك فى التوكيل لما كشفت كنت ماشى عليه 4000ك والكارثة الزيت اسود وخفيف جدا زى مايكون ماشى عليه 50000ك
الراجل فاللى ده مش موبيل خالص الزيت ده لو موبيل 3000 كانت حالتة انضف من كده بكتير
دلوقتى ايه الحل ؟؟ التوكيل بيضحك على الناس ولا ايه ؟؟ مع العلم انى دافع تمن الزيت فى الصيانة 245جنيه يعنى تمن موبيل1 10000ك ؟

ده تهريج يا جدعااااااااااااااااان عليككوااا وعلى حماية المستهلك على طوووووووووووووول

المشاركة الأصلية كتبت بواسطة mero2008

السؤال للأستاذ محمد صديق الحاجات اللي انت عملتها عند المهندس أحمد مهران في العفشة والدركسيون والحاجات دي كلها أخد منك كام فلوس
عندي 113 أ وشكراً .

بردو حضرتك مردتش علينا

أنا كمان غيرت زيت الفتيس بتاع الـ 113 الراجل اللي غيرلي الزيت وراني فعلاً الزيت اللي محطوط فيها عامل زي الميه وحطلي زيت 90 بعد كده حسيت ان مفيش فرق قوي بردو الفتيس بيعض شويه بس أخويه ساق العربيه بيقول ان الفتيس اتغير عن الأول قلت جايز هو اللي حس بالتغيير علشان مش بيسوقها كتير
بالمناسبه انا حطيت زيت شل 90 لو مش كويس قولولي انا حاطط اللتر بـ12ج
ولو سمحت يا أستاذ محمد صديق رد عليا أخد منك كام المهندس في الحاجات اللي هو عملها في العربيه زي العفشه والدركسيون والحاجات دي كلها وشكراً