الموضوع: مشكله في الدواره صباحاً

المشاركة الأصلية كتبت بواسطة Ahmed A.Maksoud

بصوا يا شباب....أنا للأسف فى الكهرباء و ما يخصها مش بفهم قوى بس اللى أعرفه أنه بيعرف يقيس شحن البطارية.............وهل هو كويس ولا لأ و بناءً عليه بيقول كويسة ولا لأ.
م المقصود بالكشف أنه يبص على مياه البطارية و يزودها.....لأ يقيس الشحن.....هذا والله أعلم

الف شكر ليك يا استاذ احمد
بس انا كنت عايز اعرف هل البطارية الجافه ممكن تتعرف اذا كانت بتتقاس زي العادية و لا لا ؟؟؟
ياريت لو في اي حد من الاخوه الاعضاء عنده فكره ياريت يوضحا
ولكم جزيل الشكر

السلام عليكم ......

اول حاجه لازم اشكلا الوحوش بجد انتوا مهما وصفت لكم المعزه اللي املكها لكل واحد منكم والله مش مجامله كفايه احساس الامان اللي واصلني دلوقتي والله وانا معاكم وكل واحد من حضراتكم شرفني برد وتكرم بنصيحه او مشوره لي .....ربنا يديم الود اللي بينا يا وحووش بجد ويقدرني واكون محل ثقه وتكونوا بتعزوني برضه كده :k8:.

احمد باشا عبد المقصود.كلامك كان صح يا باشا 100 %فعلاً قياس البطاريه الجافه مش بيشوف البطاريه نفسها ..اللي عمله الراجل كالآتي...جاب جهاز قياس الشحن وصله بطرفين البطاريه ولع العالي يا باشا .....رعش.....ولع التكييف...زود بنزييين....باااس يا باشا خلاص زي الفل مافيش مشكله وكله تمام ....انا كنت عارف النتيجهه مسبقاً مش عارف ليه بس ماشاء الله كل اللي غير منكم بطاريه غيرها والصنايعيه بره بيقولوا ليه كله تمام يا باشا العجيب بقى ان الفني اللي بيقيس البطاريه طلعلي عيب بعيييييييييد خالص عن اللي رايحله ...اكتشف ان العجله اليمين مهويه ولقى فيها مسمار وده سر من اسرار الميجان ان لو لقيت مشكله في الكهرباء او ما يقارب ذلك اكشف على طول على الكاوتش اليمين هتلاقيه مخرووم ولا تقلق.....إلحمه وروح على طووووووول .......انا باهزر مش اكتر يا جماعه .
عموماً اديني عرفت حاجه وهاشوف.....انتوا بصراحه مشجعني اني اغير البطاريه وانا مغمض بس بصراحه خايف اندم ويكون العيب مش بطاريه فا هحاول ازور التوكيل ساعه ولا حاجه واشوف هايقولوا ايه .....ربنا يكرم ان شاء الله.

عمرو عبد الخالق......يا عموووور انت راجل وحش من وحوشنا الكبار ....يعني اعتبرك صاحبي دي مش مقامك يا باشا انت مقامك فوق راسي والله .....وانا رايح جاي على صلاح سالم بس المشكله هي ان المشكله دي بتظهر بس الصبح فا الحل الوحيد هو اني اقطر العربيه واجيلك بيها الصبح قبل مانروح شغلنا ونجرب انا عارف ان الفكره دي هاتخليك تقول ادي اللي خدناه من الوحوش ومعرفتهم ......جزاكم الله خير يا عمووور وربنا يكرمك واديني عرفت انك من سكان صلاح سالم يعني لو العربيه فكرت تعمل حاجه كده ولا كده وتنام وانا على كبري من كباري العزيز صلاح سالم هتلاقيني باقولك الحقني على طووووول..


renault monster الوحش الجديد واللي مسيطنا في الرياض وما يجاورها في السعوديه وعند الزاهد.
انا كمان كنت في السعوديه بس مش الرياض ......

الله يسلمك يا باشا ويكرمك في ميجانتك العزيزه ان شاء الله


عموما تلخيصاً للي فوق انا هاروح التوكيل في اقرب فرصه واقولهم شوفوا البطاريه محتاجه تتغير ولا لأ ......مظبوط كده ولا بلاش اوجههم لحاجه بعينها واسيبهم وهم يشوفوا في ايه ! ؟