كاوتش العربية

**the-hero** · 22-02-2009 02:08 AM

السلام عليكم ورحمه الله وبركاته
طبعا الكاوتش من اهم عوامل الامان بالنسبة للسيارة ولغفلة الناس عن الموضوع ده وخصوصا فى مصر
فأن 90% من الحوادث بتبقى نتيجه عن انفجارات الاطارات ونفاذ عمرها الافتراضى من غير مالناس تحس
ولذلك فيجب مراعاة المسالة ديه ضرورى جدا
وضبط مستوى الهوا فى الكاوتش كل اسبوع وعدم السير بكاوتش مش مضبوط وعدم التهاون بكحاية نقشة الكاوتش المتاكلة وعدم تركيب كاوتش داخلى فى حاله قطع الكاوتش التيوبلس أو لحام قطع كبير فى الكاوتش
كل ده بيخفض نسبة امان السيارة بشكل كبير جدا جدا جدا وبيعرض حياتك وحياة اللى ركبين معاك لخطر الموت طب انت هنقول مهمل. طب ايه زنب الناس اللى أستأمنتك على اروحهاز أتق الله وخلى بالك
ولهذا يجب الحرص الشديد
وهديلكم بعض المعلومات عن اى كاوتش

175 / 70 R 13 T
هو عرض مداس الإطار بالبوصة 175
.هو جانب الإطار هو معناه عن عرض جانب الإطار هو 70% من عرض مداس الاطار. 70
معناه أن هذا الإطار مصنع بنظام وتكنولوجيا الراديال حيث يوجد تصميم آخر وهو أل crossply ويرمز له بهذا الرمز (- ) مثل المقياس 650-14 R
هو جنط الاطار بالبوصة 13
هو رمز السرعة والرمزT يعنى أن هذا الإطار يتحمل حتي سرعة 190كم /الساعة T
ولكن يوجد عدة رموز أخرى للسرعة مثل
وتعنى أن هذا الإطار يتحمل بسرعة أقصى 210كم/الساعة H
وتعنى أن هذا الإطار يتحمل سرعة بحد أقصى 240كم /الساعة V
وتعنى أن هذا الإطار يتحمل سرعة بحد أقصى
270 كم/الساعة وتختلف سرعة الاطار باختلاف مقاس الاطار وقدرة السيارة المستخدمة لهذا الاطار
نيجى بقي لنقطة مهمة وهى عمر الكاوتش وبيكون مكتوب عليه تاريخ الصنع بس بطريقة غريبة
يعنى عندى مكتوب 2805
يعنى الاسبوع ال 28 من سنة 2005
يعنى شهر 7 /2005
وهكذا

والمفروض ان الكاوتش ميمشيش بحد أقصى خمس سنين
لضمان سلامته من الأنفجار لآ قدر الله
وكمان في حاجات تانيه مهمه
يعنى نبص برضه على النقشة بتاعت الكاوتش لو اتنحلت وأستهلكت ولا لسه برزة وكمان التشقيق أخباره ايه
عدم استعمال نظام اللحام بخوابير برم وأستعمال اللحام بالكوى
ضبط الهوا اول بأول
عدم ضغط الفرامل فجاه
ضبط الزوايا والترصيص
عدم التعريض والفرك والتخميس دول هما اللى بيجيبوا اجل الكاوتش
وأحسن الانواع الميشلان رقم واحد فى العالم فرنساوى طبعا
والبريدج ستون اليابانى
وأتمنى ان الموضوع يعجبكم والسلام ختام

**ssafwat** · 22-02-2009 08:05 AM

موضوع هايل يا هيرو .. برافو عليك.

فعلا الكاوتش والهوا وضبطه مهمين جدا مش بس للسلامة والاتزان كمان عشان التاثير على العفشة والمساعدين.

موضوع رائع :b4_388:

**mecho** · 22-02-2009 08:27 AM

الكاوتش كمان ميمشيش اكتر من 40000 و الافضل ان يملا نيتروجين لعدم التمدد و تقليل الرطوبة داخلة

**Nour_Peugeot** · 22-02-2009 12:51 PM

الله الله الله عليك يا احمد باشا

هو ده الشغل يا رجلتنا و اهتمو باكاوتش و احب اضيف حاجه بعد ازنكم طبعا

محدش يشتري كاوتش فات عليه 6 شهور لان التخزين في مصر سيء جدا جدا

و الطاوتش ميمشيش اكتر من سنتين و نص بس لان ماده السيلكون بعد كده بتبقي نشفت و الكاوتش غير مرن