مشكلة في الجنط

**noureymo** · 29-08-2007 09:50 AM

صباح الخير يا شباب
النهاردة الصبح وأنا رايح الشغل كنت ماشي في جسر السويس (6.30)صباحا تقريبا السرعة كانت بين 70 و 80 بلاعة في الشارع متغطية طبعا بس نازلة عن مستوى الشارع في حدود 10 : 15 سم عديت عليها بعدها لقيت الكاوتش الامامي نام ركنت ونزلت اغيره واركب الاستبن لقيت الجنط من عند الشفة معووج المهم ركبت الاستبن وكملت على سراي القبة وركنت العربية وانا نازل منها لقيت الجنط الوراني كمان معووج من عند الشفة بس العوجة اقل من العوجة في الجنط الادماني.
طبعا دلوفتي انا ركبت الاستبن ودي كانت اول مرة ينزل من مكانه في العربية.
لو سمحتم حد يدلنيب اعمل ايه وهل لازم اغير الجنطين دول ولا ايه.
يا ريت حد يرد عليا لو سمحتم علشان احل المشكلة دي بعد الشغل النهاردة علشان شكلها كده العجل الوراني كمان هيسرب الهوا من العوجة الي فيه .

**AlmAhAtmA** · 29-08-2007 10:36 AM

يا سيد الكل قدر الله و ما شاء فعل
ولا تزعل نفسك

لو عندك في الشغل سواق امين اديلوا العربيه يروح بيها اي محل كاوتش محترم و حيستعدلوا الجنوط و كل حاجه حترجع زي الفل

اهم حاجه ان الكاوتش لو تيوبلس ما يكونش اضرر

لو ما فيش سواق بعد الشغل روح ضبط الموضوع

كان لينا اخوه كاتبين عن الموضوع ده في المنتدي دور حتلاقي مواضيع كتير مفيده عن الموضوع ده

**Islam_galal** · 29-08-2007 10:42 AM

أي بنزينة محترمة فيها ضبط زوايا و اتزان حيظبطلك الجنط و ماعتقدش انه حيحتاج تغيير الا لو فيه شرخ

**noureymo** · 29-08-2007 10:44 AM

شكرا يا جماعة على ردودكم بس هو فعلا الكاوتش تيوبلس
يا ترى كده هاضطر اركب داخلي ولا ايه رأيكم

**محمد المصرى** · 29-08-2007 10:51 AM

بس يا باشا

من احسن الناس الى بتعدل جنوط واحد اسمه اشرفكو تقريبا امام محطة متر الانفاق بتاع المطرية
هو مشهور جدا هناك ومحترم جدا

وهو هيكشف على الكاوتش برده بس نصيحة بلاش تركب داخلى

**Nader** · 29-08-2007 11:25 AM

لا مش هتحتاج يركب داخلي ان شاء الله بس انت وادي الجنوط عند واحد كويس يستعدلهملك

**Nader** · 29-08-2007 03:25 PM

لو الكاوتش ضرب متركبش داخلى, حذارى من تركيب الداخلى لان الكاوتش التيوبليس مش مصمم لكى يتحمل فردة داخلية وبالتالى سهل انفجاره , كفانا الله واياكم شر الطريق.

هو في حل مؤقت للحكاية دي انهم بيلبسوا الكاوتش من جوة جلبية :D او بمعني اخر بيجيبوا تيوب قديم ويحطوة جوة وبعدين يحطوا التيوب السليم.

**AlmAhAtmA** · 30-08-2007 09:41 AM

المشاركة الأصلية كتبت بواسطة noureymo

صباح الخير جميعا
أولا انا عاوز اشكر كل الي رد عليا امبارح في الموضوع ده وعاوز اقول ان انا رحت امبارح عند بتاع الكاوتش ودق على الجنطين كل واحد تقريبا 3-4 دقات وبعدين نفخهم وركبهم .وكل الى اخده 4 جنيه بس
هل ده كافي ولا لازم اروح ارصص واظبط زوايا كمان .
شكرا يا جماعة

ملحوظة:-
الراجل بتاع الكاوتش قال امبارح ان الاستعدال مع الترصيص للفردة من 25-30 جنيه ؟ ده صح ولا سعر مبالغ فيه

في اي مركز بريدجستون
الترصيص 20 جنيه
ضبط الزوايا 20 جنيه
الاسعار دي للاربع فرد و الاربع اتجاهات
يعني كله كله مش فرده واحده

-

الموضوع: مشكلة في الجنط

LinkBack

أدوات الموضوع

عرض

-

-

-

-

المواضيع المتشابهه

فكرة لحل مشكلة الجنط 17

مناقشة..السول الجنط 16 أسرع من الجنط ال18..السيراتو معانا بردو

مشكلة في الجنط

مطلوب الجنط 17 الفراني او الكوب للبدل مع الجنط 17 الفضي (5جنوط)

مشكلة فى الجنط

الكلمات الدلالية لهذا الموضوع

المفضلات

المفضلات

ضوابط المشاركة