مستوى البنزين فى التانك

**m_aash** · 12-08-2007 10:05 AM

سؤالى هو عن أفضل مستوى للبنزين فى التانك اللى عنده تفول العربية.
لأنى سمعت ناس تقول يستحسن إنك تفول العربية لما المؤشر يبقى قريب من الصفر وناس تانية تقول لأ تفول لما المؤشر يبقى فى النص علشان طلمبة البنزين , لو حد يعرف الصح ياريت يجاوبنى و هل تفرق لما تكون العربية جديدة أو لما تكون قديمة .
وشكرا

**Islam_galal** · 12-08-2007 10:21 AM

يستحسن عدم الوصول للمنطقة الحمراء في العداد و ده لكل السيارات الجديدة و القديمة لأن مع الزمن او نتيجة لشحنة بنزين به شوائب توجد رواسب في قاع التاتك و الهبوط بالمستوي لتحت المنطقة الحمراء يعني احتمال سحب هذه الشوائب و عمل مشاكل بعملية الاحتراق
بالنسبة للسيارات الانجكشن يفضل عدم النزول لتحت مستوي نصف التانك لان الانجكشن حساس للشوائب اكثر و تنظيفه مكلف نسبيا

**Nader** · 12-08-2007 10:27 AM

هو يفضل فعلاً عدم الوصول للمنطقة الحمراء ولو في المكان ممكن تفول عند الوصول للشرطة قبل الاخيرة قبل العلامة الحمراء وذلك للحفاظ على الرشاشات او حتي الكربياتير من اي شوائب قد توجد بالبنزين

**Nader** · 12-08-2007 10:40 AM

مش جامد اوي بس لاحظ ان كل لما البنزين بيقل كل ما الضغط هيقل علي الطرمبة.

**CryptonX** · 12-08-2007 11:57 AM

المشاركة الأصلية كتبت بواسطة Nader

مش جامد اوي بس لاحظ ان كل لما البنزين بيقل كل ما الضغط هيقل علي الطرمبة.

اعتقد انت قصدك العكس !!

لما مستولى البنزين يقل , الطرمبة بتعمل مجهود اكتر لضخ البنزين من اسل التانك لحد فوق ! ولا انا مش فاهم حاجة ؟

**m_aash** · 13-08-2007 08:13 AM

شكرا للأخ جندى مجند على التوضيح

13-08-2007 02:17 PM

كلام جندى عشرة علي عشرة بس حبيت اضيف ان مستوى البنزين الضعيف قد يؤثر مع الوقت علي كفائة الطلمبة خاصة اذا كانت نوعية رديئه ( زي طلمبة الاكسنت الموديلات الاخيرة ) كمان كل ما كان فيه فراغ كبير في تانك البنزين كل ما ده بيخلي تبخير البنزين اسرع واسهل وطبعا الفاقد في استهلاك الوقود اكبر