يا باشا انا مقدرش انساك بس انا كنت بكتب موضوع التعبير اللي انت شايفه ده ههههههههههههههههههههههههه هههههههههه
يارب بس اكون قدرت افيدك
عرض للطباعة
يا باشا انا مقدرش انساك بس انا كنت بكتب موضوع التعبير اللي انت شايفه ده ههههههههههههههههههههههههه هههههههههه
يارب بس اكون قدرت افيدك
هوة إيه الفرق بين تكافلى و تجارى معلش !!!
بص يا عم بيشوي
التأمين التجاري عبارة عن إن المؤمِن بيدفع لشركة التأمين مبلغ بسيط نظير إنه لو عمل حادثة الشركة تتكفل بتصليح العربية ولو العربية اتسرقت أو انتهت بالكامل , تديله تمنها أو زي بره تجبلوا وحدة تانية بدلها
تعالى ندرس العلاقة دي
لو العربية تمنها 100 الف , المؤمن بيدفع 3 ألاف في السنة
خلينا في أقصى الأحتمالات عندنا احتمالين
1- الراجل ما يعملش حادثة طول السنة و تبقى الـ 3 ألاف جنيه راحت عليه
2- الراجل يعمل حادثة total lost والشركة تدفعله 97 ألف من جيبها
العلاقة دي ظالمة تماما لإن علشان طرف يكسب لازم التاني يخسر
زيها زي التلات ورقات والروليته و القمار
يعني ميسر يعني حرام , لإن لازم طرف من الإتنين يكون خسران و الخسارة ماترضيش ربنا
خد بقه التأمين بتعنا
التأمين التكافلي هو صورة من صور التكافل زيه بالظبط زي صندوق الزمالة اللي بنعمله في الشغل
إزاي بقه ؟
أنا وأنت ومحمد وأبانوب ومصطفى وبشاي عندنا عربيات
كل واحد فينا حيدفع مبلغ مساهمة في صندوق كوارث , لو -لا قدر الله- واحد فينا عمل حادثه ناخد من الصندوق ونصلحله عربيته
شركة التأمين التكافلي بتعمل كده , بنساهم فيها (زي المثال) بـ 3 ألاف في الصندوق في السنة , الشركة حتصرف على الحوادث اللي عملناها (من فلوسنا) واللي حيتفضل من الفلوس حتاخد الشركه منه جزء كمصاريف أتعابها في إدارة العملية
والباقي حيرجع للمساهمين تاني لإنه حقنا و فلوسنا
في أغلب الأحيان الشركة بتستثمر بعض المال علشان تكبر الصندوق علشان ميجيش يوم يكون مجموع الحوادث أكثر من الفلوس اللي في الصندوق
بشرط ألا تستثمر المال في شيئ حرام
يعني لا تحطه في بنك وتاخد فائدة ربوية
ولا تشتغل في الحرام زي الإتجار في الخمور
وده بيبقى عقد بين المؤمِن وبين الشركة ولو خالفته سراً يبقى وزرها على الله ,ولا يضير المتعاقدين شيئاً لأن الأعمال بالنيات
يا رب أكون قدرت أوصلهالك ببساطة
ولو في نقطه غامضة لا تتردد في الاستفسار أحنا بتوعك
شكرا على ردك استاذ ممدوح
رقم موبايل حضرتك لم يصل الى ( يمكن ماشفتهوش فى الرسالة على الخاص- او حضرتك نسيت تكتبه )
ارجو ارساله لى مرة اخرى لو سمحت
و نحن فى انتظار قائمة باسماء وعناوين مراكز الخدمة اللى الشركة تتعامل معها بالاسكندرية
وياترى بتتعاملو مع توكيل و مركز خدمة الطارق النيل بالاسكندرية ( وهو المختص بالضمان و الصيانة لسيارتى ماركة هايما فاميلى )
شكرا مرة اخرى
abo_ruqi
اوجزت فانجزت يا باشا الله ينور عليك
ا / جمال
ان شاء كل حاجه مطلوبة هحطها هنا ان شاء الله...
موبايلي عند سيادتك حالا عالخاص......
دول الخليج كلها شغاله تكافلي , إنما في مصر للأسف ما مكنش في غير شركة اسمها بيت التأمين المصري السعودي , بس اتضح لما اتفقنا معها إن النظام التكافلي لسه مشتغلش بالكامل وهم حاليا شغالين تجاري و بيقولوا حيشتغلوا تكافل قريب جدا
لحد ما ظهر الموضوع ده وعرفنا موضوع شركة "وثاق" وأهي الحمد لله بارقة أمل وإن شاءالله يكون في كتير منها
وإقرأ الموضوع كله من أوله , حتعرف إن في واحد من الشركة دي معانا هنا لو عاوز تأمن على عربيتك
وادي موقع الشركة بس الكويتي , اظاهر مفيش موقع مصري
http://www.wethaq.com/http://www.nilemotors.net
السلام عليكم و رحمة الله و بركاته ....
انا اسف يا جماعة جدا جدا اني اتأخرت في الرد بخصوص نسخة من شروط الوثيقة بس و الله يا جماعةالشغل مش بيرحم و ارجو المعذرة ....
بس المشكلة بقي اني مش عارف ارفع الملفات ازاي و عالعموم هما pdf
ياريت يا جماعه حد يساعدني في الموضوع ده
فى انتظار الملفات
فيه منتج فى وثاق ادانى سعر 2.75 شامل الدمغة وكان ممكن يقل كمان
وفيه واحدج فى رويال قاللى انهم ساعات بينزلوا لغاية 2.25
بس انا محبتش اامن مع شركة جديدة فى السوق خصوصا انى لقيت ان الشركة الام بتخسر
شكرا على الموضوع المفيد للجميع ، انا فعلا كنت بدور على حد يعرف شركة وثاق والحمد لله انتوا ساعدتونى .
بشكر abou_ruqi على توضيح الفرق بين التامين التجارى والتكافلى .
أستاذ ممدوح
ممكن أعرف هل وثاق متعاقدة مع توكيل دايهاتسو ولا لأ؟
يعني لا قدر الله لو عملت حادث بعد ما أمنت وحبيت أصلح في التوكيل هل هاضطر أدفع وأبقى انتظر شيك ولا مش هاحاسب التوكيل؟
ثانياً
كام هاتكون تكلفة التأمين على سيريون 2008 Glx 1300 سي سي؟
فى انتظار رد حضرتك أ/ ممدوح عن شركة وثاق متعاقدة مع توكيل مودرن موتورز فى اسكندرية
عذراً لسة شايف الموضوع بعد البحث في ردودك
هنا تقييم أبو رقية لشركة وثاق
معلش يا ابو حمزة نسيت احط الرابط
طب ممكن تبعتلي رقم تليفونه عشان اساله علي شويه حاجات
ألف شكر للأستاذ ممدوح والأخوة الأفاضل على المعلومات المفيدة جداً
ممكن سؤال هى وثاق متعاقدة مع توكيل هيونداى؟ و قسط التأمين كام؟
بالرجاء الرد لأنى عايز أأمن ومستعجل
سؤال للأخوة الأفاضل هى وثاق متعاقدة مع توكيل هيونداى؟
وقسط التأمين كام بالدمغات؟
ولو أثناء التأمين ما طالبتش بأى شىء (ما استخدمتش أى مطالبة) هيرجعلى كام فى المية؟
وبتحتاج محضر ولا مش بتحتاجه؟
برجاء الرد لأنى عايز أأمن علشان العربية تقسيط ومستعجل
وشكرا
أيوة ياريت نعرف أخبار وثاق يا جماعة
لسه محدش عرف وثاق مشتركة مع هيونداي ولا لآ