السلام عليكم
انا ان شاء الله اول سنه للعربيه تخلص الشهر الجاي و كنت عايز اعمل التامين بس مش عارف فيييين
الجمعيه ليسه بتامن ولا لأ و النسبه بقت اد ايه
ياريت لو حد يعرف معلومات مايبخلش عليا بيها
و لكم جزيل الشكر
معلش اذا مان الموضوع مكانه غلط
عرض للطباعة
السلام عليكم
انا ان شاء الله اول سنه للعربيه تخلص الشهر الجاي و كنت عايز اعمل التامين بس مش عارف فيييين
الجمعيه ليسه بتامن ولا لأ و النسبه بقت اد ايه
ياريت لو حد يعرف معلومات مايبخلش عليا بيها
و لكم جزيل الشكر
معلش اذا مان الموضوع مكانه غلط
ايه ياشبان نيل موتورز محدش جدد ترخيص العربيه الايام دي و عمل التامين مع شركة تامين يقولي النسبة بقت كام
:K_crying[1]:
السلام عليكم
اخى الفاضل انا ترخيصى انتهى فى 30/1/2009 والعربيه تقسيط بنك فطبعا مامن وكنت مامن مع الجمعيه وكلمتهم وجددت التامين معاهم وده لانه كان اقل سعر وهو 2.5% فى الوقت ده
بس انا عايز اقولك على حاجه
كل مراكز الخدمه الى كانت بتتعامل مع الجمعيه وكانت بتصلحلك بدون ما تدفع لهم وهما الى كانو بيحاسبو الجمعيه بطلو الموضوع ده وبقوا يحاسبوك ويدوك فاتورة وانت الى تروح تاخد فلوسك من الجمعيه
وده شئ بالنسبه ليا مزعج جدا انى ادفع وبعدين امشى فى اجراءت طويله وممله لحد ما اخد فلوسى
فنصيحتى لي أمن مع حد محترم
1- كونتاكت
2- اليانز
3- الشرق
4- Aig ودول سمعت عنهم سمع خير
طيب و دول ياباشا النسبه بتاعتهم كام في الميه يعني مقارنة بالجمعيه
مبدئيا يا باشا مدورش على الفرق لانه اقصى حاجه هيكون تقريبا حوالى 500 مثلا او 800 مش فرق كبير فى الفلوس مقارنه بالفرق فى الخدمة
نصيحتى ليك خليك مع حد محترم يشيلك لو وقعت
ياباشا شكرا لردك جدا
:verygood:
انا امنت( بعد مشاكل الجمعية اللى كنت مأمن معاهم ) مع شركة جديدة اسمها ( وثاق للتامين التكافلى ) نسبتهم 3 % , طبعا لسة مجربتهمش بس التأمين يتاعهم تكافلى واعتقد انه كده بيكون بعيد عن الربا
السلام عليكم يا اخ وليد
بخصوص تامين السيارت انا شايف ان شركه (( اليانز)) شركه محترمه وليه واحد صاحبي شغال هناك في تامين العربيات لو تحب تعرف اي حاجه انا تحت امرك http://C:\Documents and Settings\esl...746613dmy8.jpg
ايه دول ؟ دول في الكويت ؟
www.wethaq.com
بالنسبة لشركة وثاق انا امنت معاهم فى فرع الاسكندرية شارع فوزى معاذ بسموحة
حاشوف الوثيقة واجيب لكم تليفوناتهم و عنوانهم بالقاهرة
دول بيدعوا انهم تكافلي , بس ساعة الجد حتلاقيه تجاري عادي
تسأله أنتوا مش قلتوا تكافلي يا عم وأخدين فتوى شريعية على كده ؟
يقولك أه بس إحنا لسه مبتدائين وحنشتغل تجاري شوية لغاية لما نغطي مصاريف التأسيس و بعدين حنشتغل تكافلي !
مــــــوت يا حمـــــــــــــــــــــــ ـار
يعني ده اعتراف أنهم شغالين في الحرام لغاية لما يلموا شوية فلوس من الحرام وبعدين حيشتغلوا في الحلال !!!
شركة اليانز مفيش احسن منها
انا آسف ماعنديش سكانر :_Alshmokh08[1]:
ولا اعرف تليفوناتهم بالاسكندرية لان الفرع لسة جديد وانا امنت عن طريق صديق بالجمعية و انتقل لشركة وثاق وهو امن لى من فرع القاهرة قبل افتتاح فرع الاسكندرية
نمر تليفونات فرع القاهرة فى البيت لما ارجع هحطهم:36_1_37[1]::36_1_37[1]:
السلام عليكم و رحمة الله
فرع اسكندرية يا جماعه في 56 شارع فوزي معاذ في العمارة اللي فيها بنك باركليز..
مدير الفرع هناك اسمه الاستاذ / احمد عبد اللطيف
اما بالنسبه يا جماعه لموضوع ان هو فعلا تكافلي و لا لأ فالموضوع ده انا هشرحه بالتفصيل في المداخله القادمه ان شاء الله....
و اي استفسار يا جماعه تاني انا تحت امرك........
و بالنسبه للمركز الرئيسي فهو في 52 شارع جامعه الدول - المهندسين و تليفوناته 37627369-37627379
السلام عليكم و رحمه الله....
انا يا جماعه كنت اتكلمت قبل كده في موضوع ان للأسف مفيش شركه تأمين تكافل حقيقيه في مصر لأن كان ساعتها مفيش غير شركه بيت التأمين المصري السعودي وللأسف عدت كذا سنه و مكنش فيه توزيع ارباح علي المشتركين من فائض النشاط التأميني و ده كان بيرجع للأداره ان مكنش في اصلا فائض ارباح للتوزيع....
نيجي للموضوع بنظره اوسع شويه ايه هو التأمين التكافلي؟
هو ان يعتبر المشترك ( المؤمن له )و باقي المشتركين علي اساس تكافلي بمعني ان يكون تجميع الاشتراكات من المؤمنين لسد اي خطر يقع لأي حد من باقي المشتركين...
الشق التاني و هو راس مال الشركه نفسه و ده طبعا بيكون واضح اوي في السنوات الاولي من عمر الشركه لأن طبعا الاشتراكات المجمعه من المشتركين كلهم مؤكد انها لاتكفي لحجم الخسائر التي قد تقع لباقي المشتركين...و هذا الموضوع يعالج بأن يتم جدوله مصاريف التأسيس و الانشاء بنسبه الاشتراكات المجمعه من السنوات الاولي في عمر الشركه.
اخر حاجه و هي قد ايه ممكن تكفي الاشتراكات المجمعه و رأس المال ليكفي الخسائر الموجوده في الممتلكات الخاصه بالمشتركين و تكفي لتوزيع فائض ارباح و تكفي المصاريف الاداريه و تكفي ان يكون في ارباح اصلا ؟
السؤال ده ليه اجابه واحده فقط و هي الاستثمار .
بس اي استثمار يكون يتوافق مع نشاط الشركه فمن غير المعقول اني اكون عامل كيان ضخم جدا للتأمين التكافلي و يكون استثماراتي فيها مثلا ودائع بنكيه عليها فائده ...
اكيد اكيد يا جماعه ان نشاط الاستثمارات يكون خالي تماما من اي فوائد ربوية و تكون قنوات الاستثمارات الاخري كلها متاحه مثل الاستثمار في البنيه الاساسيه و التحتيه و اقامه المشروعات.....
معلش يا جماعه ده التكافل في التأمين بصفه عامه ...
اما بالنسبه لموضوعنا و هي شركة ( وثاق للتأمين التكافلي - مصر ) فحمدا لله ان الاسم بيكبر بسرعه مهولة في السوق المصري و لا يوجد وحده مرور في الجمهوريه كلها مش متغطيه بمكتب للتأمين الاجباري من وثاق....
اما بالنسبه لاصل الشركه نفسه فهي اصلا شركه ذات راسمال كويتي و هي موجوده اصلا في الكويت من حوالي 15 سنه
و بالنسبه لنظام التكافل فيها فبيحكمه اليد العليا في الشركه وهي هيئة الرقابة و الفتوي الشرعيه و هي مكونه من نخبة من العلماء الاجلاء في العالم الاسلامي. ( ممكن الاطلاع علي كل هذه المعلومات من علي الموقع الاتي www.wethaq.com)
يارب اكون رديت علي كل الاسئله اللي بتدور في ذهنكوا عن التأمين التكافلي و مكنش نسيت اي حاجه ................
لا قدر الله لو وقعت حادثة
هل هما اللي بيحاسبوا التوكيل ؟ وألا حضرتك تدفع من جيبك وبعدين ترجع على الشركة تسترد المبلغ ؟
انا لسه جايب الوثيقة علشان اكتب لكم العنوان والتليفونات بالقاهرة , لقيت الاستاذ ممدوح مشكورا سبقنى
بس اضيف لهم رقم موبيل 0165549383 , 0165549390
فاكس 37627389
EMail wethaq@wethaq-egypt.com
السلام عليكم و رحمة الله
بالنسبه لا قدر الله عند وقوع حادث يتم التصليح في اي مكان يختاره العميل و اي عميل له احقية التصليح في التوكيل طالما لم يمر اكثر من خمس سنوات من موديل السيارة....
و بالنسبه للتعامل مع التوكيلات مباشرة فتم التعاقد مع الكثير من التوكيلات و مراكز الخدمه المعتمده التي تغطي معظم ماركات السيارات و مش في القاهره بس و لكن في اكتر من محافظه تانيه...
اما اذا كان العميل يرغب في تصليح في اي من الاماكن الغير متعاقد معها فبيكون صرف الشيك الخاص بالتعويض في مده اقصاها 15 يوم من تاريخ تقديم الفواتير الخاصه بالاصلاح و هما فعلا 15 يوم مش كلام و خلاص.....
يارب اكون رديت علي كل الاسئله اللي بتدور في دماغك....
و تحت امرك في اي سؤال تاني ......
ا / جمال
لا شكر علي واجب يا فندم الواحد بيفرح لما يلاقي ان هو قادر يفيد حد في حاجه بيفهم فيها و خصوصا لو كان مجال شغلي كمان......
و انا اسف جدا اني مرديتش علي الرساله الخاصه بتاعت سيادتك بس انا لسه شايفها حالا و يارب يكون الموضوع ده خلص و لو لا قدر الله لسه انا تحت امرك و ان شاء الله اقدر اخدم حضرتك بس ياريت حضرتك تتطمنني.....
ماهو حضرتك طالما المراكز احنا متعاقدين معاها يبقي احنا بنحاسبها مباشرة....اما لو المركز مش متعاقد معانا فالعميل هو اللي بيحاسب و بتتردله الفلوس بشيك...
السلام عليكم و رحمة الله
ايوه يا افندم انا اسمي / ممدوح العربي (ادارة خدمة العملاء )
اتمني فعلا اي حد يقدر يشرفني في المكتب و اكون سعيد جدا لو قدرت اخدم او افيد في اي حاجة...
و لو في اي استفسار تاني انا تحت امرك و ممكن ابعت لحضرتك رقم موبايلي الخاص لو حضرتك عندك اي استفسارات تانية....
الواحد فعلا بيكون سعيد اوي لما بيكون قادر ان هو يفيد اي حد و خصوصا اذا كانت ناس متعاونه و بتحب بعض كده زي الناس اللي في نايل موتورز....الواحد فعلا بيحس انه بيخدم بقلب....
السلام عليكم و رحمة الله
يا أستاذ ممدوح , انت لسه فاكر , ده انا نسيت
انا كنت بعت لك رسالة بالبيانات و رديت على و طلبت تفاصيل , بعت لك التفاصيل وهب اختفيت ( وده كان فى حوالى اول يناير 2009 )
الحمد لله الموضوع اتحل عن طريق واحد محترم فى فرع الاسكندرية من الجمعية وجابلى الشيك لغاية عندى مع انى مكنتش اعرفه خالص بس هو الراجل تطوع وعمل اللازم , وهو نفسه اللى عمللى التأمين فى وثاق واعتقد انه يعمل الان فى وثاق
بالمناسبة حضرتك حاليا فى اى شركة
والمعلومات اللى حضرتك حاططها بخصوص صرف التعويضات والتصليح فى التوكيل تخص اى شركة؟
وشكرا على خدماتك للمنتدى
استاذ ممدوح
احنا سألناك سؤالين
انا سألتك عن الشركة اللى حضرتك تعمل بها حاليا
والمعلومات اللى حضرتك حاططها بخصوص صرف التعويضات والتصليح فى التوكيل تخص اى شركة؟
والاستاذ ابو رقى( بعد اذنه ) سألك هل حضرتك في فرع القاهرة والا فرع اسكندرية ؟
طيب ممكن نطمع في حضرتك اكتر واكتر ونطلب صورة من العقد ؟؟
واضيف عليهم سؤال عن اسماء و عناوين المراكز التى تتعامل معها شركتك
ياريت حضرتك لاتبخل علينا بالاجابة لأنها تهم كثيرا من المتعاملين مع التأمين على ما أعتقد
شكرا جزيلا لك
أستاذ ممدوح ممكن أعرف ان كنتم متعاقدين مع توكيل رينو ولو عاوز أمن علي عربيتي ميجان موديل 2008 هدفع كام وأيه الخدمات الي بتقدمها شركتكم
السلام عليكم و رحمة الله و بركاته
يا جماعه معلش انا اسف جدا جدا اني مخدتش بالي من الموضوع غير دلوقتي بس...
اعذروني و ادعولي الشغل مبيرحمش و لا الماجستير بيرحم.....
ا / جمال
انا اسف جدا اني نسيت بس و الله العظيم غصب عني بس انا بعتب علي حضرتك انك مشرفتنيش و كلمتني علي الموبايل للتذكرة بس و انا كنت بعته لحضرتك علي الخاص كنت هبقي معاك علي طول و الموضوع كان اتسرع علي قد ما نقدر...
عالعموم قدر الله و ماشاء فعل و الحمد لله ان الموضوع تم علي خير و عامة انا تحت امرك في اي حاجة تانية و ان شاء الله متكنش حاجة وحشة....
و بالنسبة للمعلومات اللي انا كاتبها ديه هيا بخصوص شركة / وثاق للتأمين التكافلي ....
الأستاذ / ابو رقي
انا يا افندم في المركز الرئيسي في القاهرة بس اي حاجة حضرتك تحتاجها و انت في اسكندرية اعتبر ان هي مجابة حضرتك لو تحب روح روح الفرع هناك و اكني انا موجود بالظبط و لو تحب ابعت لحضرتك موبايلي علي الخاص انا معنديش اي مانع...
اما بالنسبة لنسخة من للعقد فللأسف معنديش منه نسخة في البيت خالص سوفت وير بس اول ما اروح الشركة الصبح هبعته لحضرتك ان شاء الله...
و لو في اي استفسار تاني انا تحت امرك و لما تقرا العقد ان شاء الله و لو في حاجة معينة متفهمتش ياريت تقولي علي طول وانا اشرحهالك....
اما بالنسبة للمراكز التابعه لينا ف ان شاء الله هجهز القائمة بتاعتها و احطها هنا ان شاء الله بس احنا للأسف لسه بنكملها عشان نغطي كافة المناطق ان شاء الله...
بس في حاجه عايز اقولها ان لو في مركز معين اي حد يرغب في الاصلاح فيه فالموضوع ده مش بيشكل اي عائق لأن زي ما قلت قبل كده معدل دوران صرف الشيكات سريع جدا جدا ......
أستاذ ممدوح انت نسيتني
ا/ megane_man
للأسف يا باشا احنا لسه بنعد في قائمة المراكز التابعه لينا و للأسف لسه متعقدناش مع حاجة تابعه لنصير حتي الأن بس ان شاء الله كله في الطريق....
بس زي ما قلت قبل كده يا جماعه معدل صرف الشيكات سريع جدا جدا.....
اما بالنسبة للاسعار فبيختلف حسب حالة العربية و عدد الكيلو ميترات المقطوعه و ديه حاجه بتبين لنا مستوي اهلاك العربية عامل ازاي ....
بس عامة اذا كانت العربية حالتها سليمه و عدد الكيلو ميترات معقول فبيكون السعر حوالي 2.8 % من مبلغ العربية السوقي....
بس السعر ده بينقسم جزءين اول جزء هو سعر التأمين بدون الدمغات و مصاريف الاصدار و دمغات الحكومه و بيكون 2.6 % و الباقي ده بيمثل الدمغات و المصاريف و هو الجزء المتبقي من ال 2.8 %...
بس طبعا عشان مينفعش اعضاء نايل موتورز يدفعوا زي اي حد عادي فالسعر هيكون 2.6 %ٌ فقط لا غير و بكده يعتبر اعضاء نايل موتورز معفيين من جميع انواع الدمغات و المصاريف....
بس اخر حاجة عيز اقولها ان في ماركات معينه التحاليل التاريخية اثبتت انها بتحقق خطر عالي جدا و منها للأسف جدا ( السيتروين بأنواعها . الرينو بأنواعها . البيجو بأنواعها ) بس للأمانه في 3 انواع تاني انا مش فاكرها دلوقتي خالص بس هزودها هنا ان شاء الله...
دول بس ليها حاله خاصة ان بيزيد القسط بتاعهم بنسبة 20 % عن الطبيعي او بمعني تبقي النسبه بتاعتهم 2.6 * 20 % =3.15 %
يارب بس تكونوا فهمتوا قصدي و اني عرفت اوضحه....
كل انواع العربيات 2.6 %
الأنواع اللي انا ذكرتها 3.15 %
بكده فعلا يا جماعة ديه اقل اسعار في السوق المصري كله.....