بالمناسبة اثناء الشراء متنساش تجيب قطع غيار لل مراوح البلاستيك لانها اول شىء بيتكسر لما الطيارة بتخبط فى حاجة واى شرخ بسيط فى المراوح بيخليها تطير بشكل هيستيرى و اعتقد ان المراوح بتباع فى طقم لوحدة بشكل منفصل على حسب نوع كل طيارة ، و حيوفر عليك مشاكل فى المستقبل طالما كدة كدة حتشترى من الانترنت ،
النقطة المهمة هل انت جربت تشترى الطيارات ديه من الانترنت و دخلت من الجمارك عادى ؟ - انا عارف طبعا انها موجودة فى الاسواق المصرية ، بس ساعات بيحصل فى الامور امور و يقولك الريموت ده جهاز ارسال و لازم يتعرض على جهاز القومى للاتصالات زى ما بيحصل فى التليفونات اللاسلكى فى بعض الاحيان .. يعنى مجرد هاجس
انا بقى لى هواية اخرى وهى هواية اجهزة و محطات التراسل اللاسلكى Radio Amateur و هى هواية منتشرة على مستوى العالم العربى و الدولى لكن طبعا مصر مستثناه
و طبعا شراء الاجهزة ديه مكلف بشكل غير عادى و طبعا يجب ترخيص كل شىء تقوم بشراءه ،
ربنا معاكم ممارسة اى نوع من الهوايات هى الطريق الصحيح لحياة سليمة متوازنة
المفضلات