الموضوع: عيوب السيفيك 2009 vti.

على فكرة العربية فيها استبترونك ودا بيسمح لحضرتك تنقل من اوتوماتيك لمانيوال وحضرتك تقدر تتحكم في الغيار او النقلة الي حضرتك ماشي عليها من الدريكسيون يعني لو حضرتك ماشي على الرابع ممكن تجيب المانيوال وتنقل للتالت وتشد بالعربية اكنها مانيوال .
وبالنسبة ان العربية واطية شوية الكلام دا هيختلف في ال Vti علشان الجنوط الي نازلة فيها 16 ودا بيخليها اعلى ومتحكش في المطبات .
وبالنسبة لل LXI الموضوع دا اتعالج انهم كبروا حجم الجنط ف العربية عليت اكتر من 2007 و 2008 .
ولو في اي استفسار انا تحت امرك انا واحد صاحبي معاة 2007 وواحد معاة 2008 .

متشكر على كل الردود اللى جاتنى يا جماعه استاذ ميمو معلش انا عايز اعرف هيا 125 حصان ولا 140 حصان وبص انا بتكلم على الvti مليش دعوه بالlxi وهى العربيه انت متاكد انها مش واطيه وانا شايف ان الناس بتقول ان مفهاش عيوب خالص هل ده صحيح ولا الناس بتتكلم بعاطفيه شويه لان اكيد اللى صنعوها بشر وجل من لا يخطئ وشكرا تناى يا جماعه

صحيح انت متاكد ان فى منها استبترونك يا استاذ ميمو

العربيو 125 استبترونيك وواطية ولا زم تاخد بالك شوية من المطبات
(المعلومات دى اكيدة 200000000% )

انا اسف يا باشا على التأخير .
العربية 140 حصان ودا الي مكتوب في الكتالوج بتاعها الاصلي .
العربية موديل 2007 و 2008 كانت واطية فعلا لكن ال Vti عالية علشان الجنط الي نازل فيها خلاها اعلى من الموديل الي الناس بتقول ان هوا واطي يعني الي بيقول ان العربية دي واطية يبقى اكيد بيتكلم على 2007 او 2008 ال Lxi لكن ال Vti مفيش الكلام دا .
والعربية استبترونيك يعني مانيوال واتوماتيك وبتتحكم في الغيارات من الدركسيون .
وبالنسبة للعيوب بأمانة العربية زي الفل والعيب الوحيد كان انها واطية شوية والعيب دا اتعالج في موديل 2009 لانهم حاطولها جنط اكبر .
لكن العربية ماشاء الله عليها في السحب و الاداء لما تركبها عمرك ما تصدق ان الموتور الي فيها دا 1600 .

باشا العربية 140 حصان دي قدرة الموتور الاجمالية انما حقيقة العربية 125 حصاااااااااااااان وناقشنا الموضوع ده قبل كده

العربية هي هي نفس الارتفاع ماتغيرتش والعربيتين معانا معايا2008 و صاحبي 2009 بس لو بصيت لها من قدام هيتهيألك انها عليت لان اكصدامها له شفه من قدام مرفوعه على عكس 2008

العربه فعلا ستيب ترونيك واداء العربية ممتاز جدا وخاصة على السرعات العالية يعني فوق 100 هتحس بأداء افضل

سلام عليكم

انا كنت فى التوكيل من يومين

وشوفتها هناك

الارتفاع اعلى ب 1 سم بس

ويجعله عامر

الاتنين زى بعض بالظبط
2008 كاوتشها 15 انش على 65
2009 كواتشها 16 انش على 55