عيوب السيفيك 2009 vti.

**memoo_1st** · 26-02-2009 10:15 AM

السيفيك في الخليج مفيش منها 1600 ودا كلام اكييييييييييييييييييييييي ييييييييييييييييد ومش بتنزل غير 1800 .
ومفيش 1600 غير في مصر وتركيا بس والي في السوق دا تركي ومن غير ضمان .
وبعدين العربية بتدي ال140 حصان عند rbm 5400 وقبل كدا بيبقى القوة اقل من 140 ودا كلام التوكيل .
وهل فعلا حضرتك سألت حد في التوكيل وقالك انها 125 حصان .
وبعدين احنا مختلفناش حتى لو فرضنا انها 125 فأعتقد انها هتكون احسن من عربيا كتييييييييييييييييييييييي ييييييييير 1600 بردو .
وشكراً .

**blazer** · 26-02-2009 10:46 AM

المشاركة الأصلية كتبت بواسطة memoo_1st

السيفيك في الخليج مفيش منها 1600 ودا كلام اكييييييييييييييييييييييي ييييييييييييييييد ومش بتنزل غير 1800 .
ومفيش 1600 غير في مصر وتركيا بس والي في السوق دا تركي ومن غير ضمان .
وبعدين العربية بتدي ال140 حصان عند rbm 5400 وقبل كدا بيبقى القوة اقل من 140 ودا كلام التوكيل .
وهل فعلا حضرتك سألت حد في التوكيل وقالك انها 125 حصان .
وبعدين احنا مختلفناش حتى لو فرضنا انها 125 فأعتقد انها هتكون احسن من عربيا كتييييييييييييييييييييييي ييييييييير 1600 بردو .
وشكراً .

حضرتك مفيش عربيه فى الكون بتجيب الهورس باور بتاعها فى كل ال rbm
ليه مكوك فضائى !!!
اى ماتور بتاع عربيه او حتى طياره
بيتدرج فى الهورس باور بتاعه طرديا مع عدد لفات الماتور rbm و عند نقطه بتبقى دى اقصى هورس باور ممكن الماتور يطلعه بعد كدا لو زودنا فى عدد لفات الماتور الهورس باور بيقل وبيحصل فقد للقدره

**memoo_1st** · 26-02-2009 12:52 PM

المشاركة الأصلية كتبت بواسطة blazer

حضرتك مفيش عربيه فى الكون بتجيب الهورس باور بتاعها فى كل ال rbm
ليه مكوك فضائى !!!
اى ماتور بتاع عربيه او حتى طياره
بيتدرج فى الهورس باور بتاعه طرديا مع عدد لفات الماتور rbm و عند نقطه بتبقى دى اقصى هورس باور ممكن الماتور يطلعه بعد كدا لو زودنا فى عدد لفات الماتور الهورس باور بيقل وبيحصل فقد للقدره

طيب مهو انا مختلفتش مع حضرتك وقلت ان العربية على ال ار بي ام القليل بتبقى اقل من 140 حصان لكن عند 5400 لفة بتكون 140 حصان وانا مقلتش ان هيا طيارة ولا مكوك فضائي وشكراً لرد حضرتك .

**sa7aby** · 26-02-2009 01:37 PM

المشاركة الأصلية كتبت بواسطة memoo_1st

على فكرة العربية فيها استبترونك ودا بيسمح لحضرتك تنقل من اوتوماتيك لمانيوال وحضرتك تقدر تتحكم في الغيار او النقلة الي حضرتك ماشي عليها من الدريكسيون يعني لو حضرتك ماشي على الرابع ممكن تجيب المانيوال وتنقل للتالت وتشد بالعربية اكنها مانيوال .
وبالنسبة ان العربية واطية شوية الكلام دا هيختلف في ال Vti علشان الجنوط الي نازلة فيها 16 ودا بيخليها اعلى ومتحكش في المطبات .
وبالنسبة لل LXI الموضوع دا اتعالج انهم كبروا حجم الجنط ف العربية عليت اكتر من 2007 و 2008 .
ولو في اي استفسار انا تحت امرك انا واحد صاحبي معاة 2007 وواحد معاة 2008 .

يا باشا الجنط لما بيكبر
سمك الكاوتش بيقل عشان تحتفظ بنفس القطر الخارجى للعجلة
يعنى مثلا لو الجنط 15 بوصة تالقى الكاوتش80 أما لو الجنط 16 تلاقى الكاوتش50 و هكذا

**boodimania** · 26-02-2009 08:00 PM

المشاركة الأصلية كتبت بواسطة memoo_1st

طيب مهو انا مختلفتش مع حضرتك وقلت ان العربية على ال ار بي ام القليل بتبقى اقل من 140 حصان لكن عند 5400 لفة بتكون 140 حصان وانا مقلتش ان هيا طيارة ولا مكوك فضائي وشكراً لرد حضرتك .

احنا لية يا جماعة قاعدين لسة نتكلم على الهورس باور بتاع السيفيك...مش معقول بعد سنتين لسة بنتكلم فى الموضوع دة...بدل ما نتكلم على حاجات تانية منها اعتمادية الموتور..و ثبات الأداء فى كل الظروف...من الأخر العربية 125 حصان... و طبعا مش ثابتة مع ال RPM وي ده رسم توضيحي يوضح الموضوع..

**wnozahi** · 26-02-2009 10:23 PM

الخامات في الصالون والتابلوة سيئة و العفشة رديئة

**CosmicOne** · 26-02-2009 11:17 PM

المشاركة الأصلية كتبت بواسطة wnozahi

الخامات في الصالون والتابلوة سيئة و العفشة رديئة

LOL

**theking2690** · 26-02-2009 11:26 PM

المشاركة الأصلية كتبت بواسطة wnozahi

الخامات في الصالون والتابلوة سيئة و العفشة رديئة

ده على اساس ايه حضرتك بتقول الكلام اول مره اسمع الشكوى ديه من حد يا ريت حضرتك تصور الخامات الرديئه اللى حضرتك شوفتها وتصميم العفشه السىء برضه علشان توضح للأعضاء كلامك مبنى على ايه