الموضوع: لماذا لا يحكم المسلمون العالم بدلا من اليهود؟ سؤال و جواب

المشاركة الأصلية كتبت بواسطة ecybrarian

يا جماعة رفقا بأنفسكم..مش كده..طب انا مستعد اجيب لكم قائمة زي دي فيها اسماء عرب ومسلمين..هما اليهود بيعملوا دعاية لأنفسهم واحنا بننشرها لهم ببلاش. وبعدين احنا حتى في المنتدى لن نتفق على اسم واحد يوحد ربنا..يعني لو قلت مثلا نجيب محفوظ الدنيا هاتنقلب علي ولو قلت محمد علي كلاي او مالكوم إكس (زعيمي الحقوق المدنية للسود والمسلمين في أمريكا) ها يحصل هجوم محصلش..ولو قلت علي مصطفى مشرفة الذي قال عنه اينشتاين إنه الاستاذ هاتقولو لي طب هو ماخدش جوايز ليه؟؟ ولو قلت بطرس غالي يبقى مش مسلم ومراته يهودية..ونخش في جدل مالوش لازمة زي الجدل الدائم والمتكرر حول عمرو خالد أوالاحتفال بأعياد الميلاد

وبعدين ازاي ما فيش دولة إسلامية لحد دلوقتي مش عارفة تصنع عربية محترمة..امال الـGen 2 دي ايه...مش ماليزيا برضه دوله مسلمة..وإيران وتركيا؟؟؟؟ كلهم دول إسلامية وأعضاء في منظمة المؤتمر الإسلامي..انا عارف هاتقولوا لي تركيا مانعة الحجاب وماليزيا مش عارف ايه وايران شيعة واندونسيا ابصر ايه!!!!!!!

النقطة الجوهرية هنا و التى لا تغير منها وجود فلتات فردية عندنا، هى ان دفة قيادة الحضارة البشرية قد تحولت الى الغرب من زمان، وما زالت بأيديهم، وهذه هى النقطة الاساسية فى الموضوع....... يزيد من تعقيد الموضوع هو امتلاكهم لقاطرة التقدم فى العصر الحالى..... وهى العلم..... واهمال العلم و تطبيقاته هو السبب الحقيقى الذى جعلنا نتخلف، وسيجعلنا دائما تابعين، لان العلم الان يتقدم بسرعة غير عادية، من الصعب على اى مجتمع ان يواكبها، خاصة فى ظل ميراث هذا المجتمع من الجهل و الخرافات و غيره من اسباب التخلف.
المجتمع عندهم مؤسس على عصارة تفكير صفوة مفكرى البشرية..... هيجل و نيتشة و اشبنجلر واسبينوزا و هنرى جيمس وديوى...... وغيرهم الكثيرين و الكثيرين، برغم اتفاقنا او اختلافنا او حتى رفضنا لافكار هؤلاء و غيرهم.