هل توافق ان تقرض صديق لك سيارتك الغالية

**robeir** · 25-02-2009 08:51 AM

واحد كان دايما يقول العربيه دى ذى مراتى !!!!!!!!

**Falcon.Crest** · 25-02-2009 09:16 AM

انا بعتبر العربيه حاجه خاصه جدا و مش ينفع اسلفها لاحد لان غالبا مفيش حد بيخاف علي الحاجه زي صاحبها و ده عن تجربه مريره

**Sameh** · 25-02-2009 09:39 AM

بالنسبة لى حسب الصديق وثقتى فى إحساسه بالمسئولية ، فيه أصدقاء ليا (قليلون) بديهم مفتاح عربيتى والرخصة عميانى فعلاً وبيسافروا بيها وأنا عارف إنهم رجالة بجد مش هيستغلوا الفرصة ولو حصل حاجة هم اللى هيشيلوها ، ومرة كارت الفيزا كمان عشان كنت مسافر وكان المفروض يجيب لأهلى حاجات ، وهم كمان بيأتمنونى بنفس الطريقة ، وفيه (كتير أوى) ماقدرش أعمل كدة معاهم ولا أديهم ربع جنيه مخروم حتى

والدى لما حد بيطلب منه كدة بيقوله عربيتك زى مراتك ماينفعش تسلفها لحد !!

**ZALABANY** · 25-02-2009 10:02 AM

طبعا مافيش مشكله اني أديها لحد ما اصحابي المقربين جدا واللي واثق انهم هايحافظوا على العربيه أكتر مني وواثق في سواقتهم

**tamertamer** · 25-02-2009 12:20 PM

محدش لغايت دلوقتى حكالى اى موقف على الحكاية دية فى اة ياجماعة
انا عندى قصة واحد صحبى معاة انبريزا سوبارو كانت لسة نزلة سبها لواحد صحبة هو مش صحبة هو جارة للاسف ونزل يشترى حجات وساب المفتيح للاسف واحد ضحك علية وخد العربية اتسرقت وبالصدفة البحتة ان الراجل قلى سرقها كان واقف قريب من البيت ودة حظ جامد جدا وقبل ميمسكوة دخل فى العربية فى شجرة وجرى فلو حصل حكاية دية معاك ان صحبك استلفها وتسرقت هتعمل اة

**mohamedbook** · 25-02-2009 12:32 PM

اتعرضت للموقف دة ولايتت انه صعب جدا
خصوصا انة حصل مع اقرب الناس ليية خالي
وكنت متديأ من اخدة للسيارة بتعتي
بس كان موقف محرج جدا جدا مكنتش عارف اعمل ايه
ادتلو العربييه علي مضض والبي بيتقطع
هو دة كان شعوري مع انة اقرب الناس لية
يمكن عشان دفعت فلوس كتيير في العربييه دية ومحدش سعدني في تمنها
احتمال؟

**karimone** · 25-02-2009 01:50 PM

المشاركة الأصلية كتبت بواسطة mohamedbook

اتعرضت للموقف دة ولايتت انه صعب جدا
خصوصا انة حصل مع اقرب الناس ليية خالي
وكنت متديأ من اخدة للسيارة بتعتي
بس كان موقف محرج جدا جدا مكنتش عارف اعمل ايه
ادتلو العربييه علي مضض والبي بيتقطع
هو دة كان شعوري مع انة اقرب الناس لية
يمكن عشان دفعت فلوس كتيير في العربييه دية ومحدش سعدني في تمنها
احتمال؟

ليك حق والله...

أكيد الموضوع مع الاقارب بيبقي محرج قوي...

**tamertamer** · 26-02-2009 12:16 AM

طيب لو اخوك مثلا او اختك توافق انا عن نفسى لا عشان مبيعرفوش يسوقو كويس وانا تعبان فى تظبيط العربية سهر الليالى جنب السمكرى والدوكو حاجة تبوظ الاعصاب

**mrghost** · 27-02-2009 01:23 PM

انا حرمت ادى عربيتى لحد خالص
اول ما اشترينا الريتمو وكنت مسافر بيها المنصورة واحد زميلى قعد يلح عليا انه يسوق هو وفعلا ساق من بنها لحد المنصوره ويادوب قبل المنصوره بشويه وكانت الاسطوانه اتمسحت خالص وطلعت ريحة شياط كمان لانه قرص جامد اوى على العربيه ومن ساعتها مبخليش اى حد يسوق عربيتى حتى لو هاكسفه