بالمناسبة
العربية اللي ما تسواش ثمنها .... هي العربية اللي مُبالغ في سعرها زي عربيات كتيرة بتتباع في السوق بسعر عالي و الشعب مُقبل عليها و ده بيشجع التجار و الوكلاء على المبالغة في السعر .
إنما العربية المحترمة بكماليتها العالية ووسائل الأمان اللي فيها .... و نقول عليها ما تسواش ثمنها علشان خاطر سعر اعادة بيعها واقع أو قليل أو أقل من عربيات منافسة ( يبقى ده ظروف سوق )
و على كدا بقى نبعت ايميلات لبروتون و سوباورا و هوندا و فورد و رينو و سيتروين و العربيات اللي سعر اعادة بيعها واقع و نقولهم :
و النبي يا جماعة نزلوا السعر شوية أحسن سعر اعادة بيع عربياتكم واقع في السوق المصري .... علشان أحنا بنشتريها و بنخسر في سعر اعادة بيعها .. و عربياتكم ما تسواش ثمنها !!!!
ياريت يا جماعة عند النقد .... نقول كلام يخش العقل
إنما موضوع اعادة البيع .... ده بيعتبر ميزة أو عيب في أي عربية للناس هواة التغيير الكتير
و بالنسبة للبيرسونا
هو مين قال أنها بتتباع مستعمل ب 60 ألف جنيه ؟؟؟؟
الجين 2 بتتباع مستعمل من 60 إلى 75 ألف موديلات 2006 و 2007 و 2008
يعني كل لما العربية موديلها يقدم و عدد كيلومتراتها يكتر ..... مش بتنزل عن 55 ألف جنيه و دي لحاجة موديل 2006 عاملة فوق 80 ألف كم .
و هذا للتوضيح لإظهار اللبس اللي حصل بسبب الحديث عن موضوع سعر اعادة البيع .
المفضلات