الموضوع: مميزات وعيوب اللادا بالتفصيل من جميع النواحى

انا معايا لادا 2104 بقالها 6 سنين و الحمدلله شايف انها كويسه جدا
المميزات:
-العربيه عاليه عن الأرض
-بتستحمل الهبد و الرزع
-قطع الغيار موجوده و بكثره
-صيانتها مش مكلفه
-لو ظبطها صح مش حتبقى دايما عند الميكانيكى
-بنزينها لو عايز توفر مش بتقول لأ لو حطتلها 80 بس انا دايما بحط 90 عشان احافظ على الموتور
-عفشتها مريحه و ده انا مستغرب منه
-اداء الموتور جيد جدا
العيوب:
-الدريكسيون تقيل و خصوصا لما تيجى تركن بس مجرد ما العربيه تتحرك بيبدأ يتحسن
-صوت الموتور عالى شويتين
-موضوع بيض المقصات بس انا بغيره كل سنه و محصلش معايا اى مشاكل منه الحمدلله
---
بس نصيحه محدش يبخل عليها لأن قطع الغيار اصلا اسعارها كويسه جدا و متوفره
و ححاول اشوف الفواتير القديمه لو لسه مترمتش اجيب منها بعض اسعار قطع الغيار

المشاركة الأصلية كتبت بواسطة mouradn

ما شاء الله
أنا لسة مشترى لادا 2107 موديل 2000 من يومين وبصراحة دى أول عربية معاى وأنا مش بفهم فى الميكانيكا
أنما حاسس فعلا بالثبات وكل اللى عملته أنى غيرت طقم كهرباء وفلاتر زى مانصحونى
بس مش عارف أعمل ايه تانى خصوصا فى موضوع بيض العجل اللى أنا مش فاهم ايه هو
انما هى عجلة القيادة خفيفة مش تقيلة بس أنا بحس بدبدبة فى العربية فى المطبات
أعمل أيه بقى؟

روح لعفشجى يكشف عليه و لو لقيته مش تمام غيره

المشاركة الأصلية كتبت بواسطة velkouf

اخى الكريم
السيارة لادا من اقوى السيارات فى العالم
بس محتاجة حد يفهمها ويعرف يتحكم فيها وازاى يعدلهاويخليها على مزاجة
انا ركبت جميع انواع لادا
2105 قعدت معيا 3سنوات
niva قعدت معايا سنة و نصف و حاليا معيا 2106
وإن شاء الله ناوى على 2107 الروسى طبعااااااا
ويلا بينا نبدأ:
مميزات
1- بودى سيارة قوى وحديد
2-موتور شديد وأعطالة بسيطة
3-عفشة قوية تستحمل شوارع بلدنا الجميلة و مطبات بلدنا


اللذيذة
4-امان على الطريق على السرعات العالية مع بعض التعديلات لكن الاساس عجلات امامية ذات قاعدة منخفضة اى فرص الانقلاب ضعيفة
5-شكل حجر فى اساسة لكنة قابل للتعديل و الترويش واقل مصروف بيظهر على السيارة
الخلاصة لادا يعنى قوة واداء للانسان العملى
مشاكل:
1- مراجعة العفشة باستمرار علشان الامان على الطريق
2-الكشف الدورى على زيت الكرونة
3- تغيير بيض المقصات كل سنة حتى لو كان سليم
وفى النهاية أعتقد انها ليست مشاكل وانما هى صيانة دورية واعتناء دائم بالسيارة
تعديل السيارة على مزاجك هو العامل المغير لنظرتك للسيارة وهل السيارة سوف تتقبل هذا التعديل ويبان عليها ولا لا هو دة السؤال ؟؟؟؟؟؟؟؟؟؟


دى صورة لادا 1500 متعدلة غير شكلها خالص والسيارة قبلت التعديل وبقت احلى بكتير ولكن فى الاساس تسلم ايدين اللى عملها فنــــــــــــــــــان
والفكرة حلوة
ممكن تخلى عربيتك احلى من اى نوع تانى بس المهم الفكرة السليمة اللى تنفععلى عربيتك

والبقية تأتى فاصل ونواصل

الله ينور يا باشا و تسلم أيد اللي عمل الفكره الرائعه دي و ربنا يباركلك فيها و يكفيك شر الحسد

لو سمحتم هو بيض المقصات دة سعرة كام؟

Mma بلغاري: 220
روسي: 165

انا اسف ارجو معرفة اسعار صاج الادا واشهر الصناعيه