مميزات وعيوب اللادا بالتفصيل من جميع النواحى

**Bruce** · 26-02-2015 11:55 AM

لادا طبعاً يا باشا

**osama abdalla** · 27-02-2015 05:35 PM

طيب الادا المصرى ايه مشاكلها عشان انا حشترى واحده 2107 موديل 2007 مصرى وياترى مشاكلها صعبه ولا ممكن حلها واستعمال قطع غيار روسى

**أبو يحيى** · 28-02-2015 10:25 AM

المشاركة الأصلية كتبت بواسطة osama abdalla

طيب الادا المصرى ايه مشاكلها عشان انا حشترى واحده 2107 موديل 2007 مصرى وياترى مشاكلها صعبه ولا ممكن حلها واستعمال قطع غيار روسى

السلام عليكم
أخى الفاضل أنا معايا نفس السيارة ونفس الموديل ( لادا 2107 مو 2007 مصرى) وبسم الله ماشاء الله زى الفل
ومثلها كأى سيارة طبعا بتبقى عايزة متابعة و صيانة باستمرار وخصوصا للعفشة عشان البيض والجلب
أى قطع غيار لادا روسى أو مصرى بتركب عليها وقطع الغيار متوفرة فى أى مكان بس انتى طبعا تجيبها من واحد يكون موثوق فيه ( عشان قطع الغيار المضروبة بقت للأسف منشرة )
وربنا يوفقك للصالح وألف مبروك مقدما وأعطاك الله خيرها وكفاك شرها

**osama abdalla** · 01-03-2015 07:10 AM

شكرا اخونا الفاضل على الرد وجزاك الله خيرا

**osama abdalla** · 20-03-2015 12:18 PM

انا الحمد لله جبت العربية وشغاله معايا كويس بس عشان مهملش فيها روحت عملتلها صيانة للكربراتير وغيرت طقم الكهربا بس للاسف بعد معملت الكلام ده كله العربية بقت بتنتش منى غيرت ابلتين وكندنسر مرتين ولسة العيب قائم رغم انى بحط بنزين 92 ومش مخليها محتاجه حاجة ياتر ممكن يكون اية سبب النتشة وخصوصا على الاول والتانى وكمان مش مستمرة يعنى فى بداية الطلوع وبعد كده العربية بتمشى عادى الرجاء الافادة

**أبو يحيى** · 21-03-2015 01:25 AM

المشاركة الأصلية كتبت بواسطة osama abdalla

انا الحمد لله جبت العربية وشغاله معايا كويس بس عشان مهملش فيها روحت عملتلها صيانة للكربراتير وغيرت طقم الكهربا بس للاسف بعد معملت الكلام ده كله العربية بقت بتنتش منى غيرت ابلتين وكندنسر مرتين ولسة العيب قائم رغم انى بحط بنزين 92 ومش مخليها محتاجه حاجة ياتر ممكن يكون اية سبب النتشة وخصوصا على الاول والتانى وكمان مش مستمرة يعنى فى بداية الطلوع وبعد كده العربية بتمشى عادى الرجاء الافادة

السلام عليكم
أخى الفاضل أناكنت بفول دائما ببنزين 92 كنوع من ترويش ودلع للغربية وكان للأسف دائما عندى مشاكل فى التدوير والمشى بالسيارة وكان ساعات ألاقى دخنة سوداء فى الشكمان وساعات تطفى لوحدها فى السلانسيه ومشاكل من هذا القبيل رغم اننى كنت دائما حريص على تغيير زيت الموتور قبل الميعاد وكذلك طقم الكهرباء يعنى كنت مدلعها أخر حاجة
وسبحان الله لما غيرت البنزين 92 وبقيت أفول 80 كل حاجة اتظبطت وبقت زى الفل كل ما فى الموضوع رحت للميكانيكى وقللى الكهربا حاجة بسيطة وبقت 10/10
استشير ميكانيكى فى موضوع البنزين ده لأنى حاسس ان السيارات اللادا وخصوصا الموديلات القديمة ( حتى لو كانت صناعة حديثة ) مواتيرها بتشتغل مع البنزين 80 أحسن من ال 92 والله أعلم
لكم جزيل الشكر

**ahmed alex123** · 21-06-2017 02:49 PM

[QUOTE=mohmdy;691671]السلام عليكم
مجهود جيد وربنا يبارك لك .
وعلي فكرة انا عضو جديد ، ودا من ساعة ما غيرت سيارتي الصغيرة وجبت لادا 2106.
وبصراحة رغم بعض المضايقات بس انا حاسس ان دا في الاول بس .
ولكن هي حمالة اسية رغم وجود شوية حاجات كدة ومأجلها وهي ماشية وبتقلش بم
فهي فعلا عربية تستحمل شوارعنا .
واسف للأطالة
وشكرا[/QUO

السلام عليكم

عاوز اعرف سؤال ياجماعه الفرق بين موديلات 95 لحد 99 وموديل 2005 وطالع من حيث ايه الى اتحدث وهل الفروقات جوهريه تستاهل فرق السعر ولا لا