هو ازاى ابرمج مروحه الكمبروسر بتاع المكيف

**zizo50001** · 24-02-2009 10:40 PM

ياباشا فعلا الكهربائى هو اللى قلى كدة وفعلا انا شوفتة وهو شغال وورهونى اول لما بطل

**ENG\AHMED** · 24-02-2009 10:42 PM

ممكن توضح شوفت اية

**zizo50001** · 24-02-2009 10:54 PM

لما تشغل الكومبريسور صوت الماتور بيعلا ولما بطل الصوت خف

**Ahmad Allawy** · 24-02-2009 10:56 PM

المشاركة الأصلية كتبت بواسطة zizo50001

لما تشغل الكومبريسور صوت الماتور بيعلا ولما بطل الصوت خف

خلي بالك ان كل ده ممكن يكون صوت المراوح..
عشان المراوح بتكون شغالة علي السرعة العالية تقريبا.. و المروحتن شغالين..

**tamertamer** · 25-02-2009 02:52 AM

انا جربتها بنفسى فصلت البطرية ورجعتها تانى مفيش الكلام دة وسالت قلولى تخريف مفيش الكلام دة الكمبيوتر بيظبط نفسة وسعات مبيحتجش منبنيش الا انى اعت اظبط الساعة والتاريخ والكاست مين قلى طلع الاشعات دية

**فادى محمد** · 25-02-2009 11:22 AM

اول ما شريت عربيتي كنت ادورها الكمبروسر يشتغل وما يفصلش الا ازا بطلت العربيه . رحت لكهربائي قال ده الكمبروسر مفرغ فريون ومهنج فعلا وخطر كده ممكن يتكسر من جوه لانه فارغ .مؤقتا شال فيوز المكيف من العلبه السوده الطويله ( تقريبا ترتيبه 2 او 3 من اليمين ) اللي جنب البطاريه . لحد ما رحت صلحت المكيف والراجل حطلي بنات او مقاومات مش عارف المصطلح بالظبط علشان ما ترجعش كهرباء للكمبروسر والاقيه شغال لوحده ومن يومها وهو شغال فل والحمد لله . علي فكره انا صلحته عند واحد عبقري مكيفات في المنصوره اسمه الحاج محمد في شارع 10 جنب السجن ( ربا يحفظنا ) الناس بتجيله من كل المحافظات طوابير وبالحجز(طبيعي لانه جنب السجن ) واي سؤال تحت امرك .

**helmy537** · 25-02-2009 05:44 PM

الف شكر يامان انا برده من المنصوره هسأل عليه واروحله ونشوفايه النظام

**lancerevolution** · 25-02-2009 05:57 PM

المشاركة الأصلية كتبت بواسطة ENG\AHMED

لو الكهربائى اللى قالك كدة يبقى حمار مفيش كومبريسور بيشتغل
اية معنى الكومبريسور يشتغل وازاى ولية ؟؟!!! ولما بيشتغل اوتو من غير لما تدوس الزرار بتاعة بتفصلة ازاى !!! واية اللى هيخلى الكومبيوتر يهنج!!
كل اللى فيها المراوح بتشتغل وتفصل مع نفسها لغاية لما الكمبيوتر يتبرمج وخلاص هتظبط تانى لوحدها
لا الكمبيوتر مهنج ولا كومبريسور بيشتغل ولا حاجة

فعلا الكمبروسيور بيشتغل و بيفصل بس فى حالة إنه سليم و فيه شحن حتسألنى إزاى عرفت حقولك إزاى
أنا الكمبروسيور عندى فى أخر أيامه بيطلع صوت عالى جدا البطارية عندى فصلت ركبتها تانى المهم كنت أشغل الكونتاك المراوح تشتغل أدور العربية أسمع صوت تزيق روحت التوكيل الى فى دفرة معرفوش السبب و قالولى دا الدينامو المهم سيبتهم و مشيت روحت لدكتور جنبنا قالى دا الكمبروسيور و شوف كهربائى يفصله و فعلا روحت لكهربائى و فصلهو العربية بقيت زى الفل بس جت مشكله فى المراوح إضرينا نعمل كوبرى و حاجات غريبة كدا عشان ما تشتغلش

**ENG\AHMED** · 25-02-2009 09:41 PM

ياجماعة مش اى خرف يتقال من اى صنايعى نصدقة مفيش حاجة اسمها كمبيوتر بيهنج ولا كهربا بترجع ولا كومبريسور بيهنج و بيشتغل لوحدة ولا العك دة
الكومبريسور شغال بكلتش كهربا على طنبورة بتلف مع سير الدينامو وبيشتغل عن طريق سويتش كهربا .. وصلت السويتش فى كهربا فصلت الدايرة خلاص مفيش كهربا دا مش حساسات علشان يهيس ويهنج ويشتغل لوحدة !!
اللى بيفصل البطارية ويوصلها وبيقول الكومبريسور بيشتغل لوحدة يحط ايدة على فتحات التكييف ويشوف اذا كان فى هوا ساقع ولا لأ !!!
مش معنى ان المراوح شغالة ولا حتى المروحة اللى ورا الاكصدام االى بيسموها مروحة التكييف شغالة يبقى الكومبريسور شغال

-

الموضوع: هو ازاى ابرمج مروحه الكمبروسر بتاع المكيف

LinkBack

أدوات الموضوع

عرض

-

-

-

المواضيع المتشابهه

صوت مروحه المكيف عالي !!!

سرعه مروحه المكيف

ماهى طريقة تنضيف فلتر الهواء بتاع المكيف

ريحة المكيف المنزلى ازاى اتخلص منها؟؟؟

بخصوص هو ازاى ابرمج مروحه الكمبروسر بتاع المكيف

الكلمات الدلالية لهذا الموضوع

المفضلات

المفضلات

ضوابط المشاركة