مرايات فكترا B

**ENG\AHMED** · 28-02-2009 06:54 PM

العربية عندى مجهزة يركبلها مرايات كهربا وعايز اركب مرايات كهربا
نزلت سألت على المرايات لقيت المرايات الضم كهربا هتعمل حوالى 750~800 جنية بكل حاجتها فياريت لو حد يعرف بالظبط التعديل اللى بيتعمل فيها علشان تقفل بالريموت مع السنتر لأن مقلق من الموضوع دة وعايز اعرف بيتعمل اية بالظبط قبل اى حاجة ... انا سمعت ضفيرة المرايا بتتغير وسلوك بتعدى من الباب وكلام غريب !!
لأن شكلى هجيب المرايات الكهربا اللى بتقفل باليد منعا للعك واللعب فى العربية

والمشكلة التانية ان كل المرايات الكهربا اللى لاقيتها نازلة من اليابان والعربيات هناك دريكسيون يمين يعنى الجزء المحدب على طرف المرايا (الحز اللى بيبقى على طرف المرايا) هيبقى موجود ناحية اللى قاعد جنب السواق مش ناحية السواق وانا عايزها ناحية السواق زى فابريكة العربية بالظبط

**tamertamer** · 28-02-2009 10:57 PM

لو عيزهم انا ممكن اجبهملك على 700 وممكن اقل واستيراد ايطاليا دركسيون شمال سهلة جدا حكايت الضفيرة دية اسالك فيها سهلة ومبروك مقدما

**M.Mokhtar** · 28-02-2009 11:46 PM

انا اللى اعرفه ان بيمد سلك بدل الزرار بيوصله للسنتر
بس التوصيله بالظبط مش عارف
هسألك وارد عليك

**فادى محمد** · 28-02-2009 11:58 PM

سالت عليهم في المنصوره قالولي انهم بياخدوا القديم وادفع عليهم 500 ج عند محلات عمر المختار ونجمه اوبل وسمعت اني لازم افك التابلوه علشان سلوك المرايا اليمين حتعدي منه والموضوع كبيررر . علشان كده صرفت نظر وقلت اجيب غابه واحطها تحت الكرسي علشان اظبت بيها المرايا اليمين وخلاص .