انا عايش في الامارات و المعروف هنا ان العربيات بتنتهي بسرعة يعني مسافات كتيير و تكييف علي طول المفاجئة اني بشوف عربيات دايو لانوس 1 و ماشية زي الفل
عرض للطباعة
انا عايش في الامارات و المعروف هنا ان العربيات بتنتهي بسرعة يعني مسافات كتيير و تكييف علي طول المفاجئة اني بشوف عربيات دايو لانوس 1 و ماشية زي الفل
اعقد انها معمرة .. بس حسب الاستخدام طبعا
والله لو انت سواقتك عاقله وبتحافظ عالعربية وبتهتم بصيانتها ... هتكون معمرة
اما لو انت من هواه الشد والتخميس والسفر في طرق طويله وصعبه .... منصحكش باي حاجه كوري خليك في الالماني او الياباني ^_^
الكوري خاماتة مش كويسة...والتابلوهات بتقشرررررر..وبتتكسر كمان! ...وثبات ضايع وعفشة ناشفة...وامان صفررر..وفعلا اللانوس موتورها يخدم معاك لحد 200الف عاااااادي جدا..اللي مش واخدين بالكم منة ان الموتور اصلااااا مش كوري دة موتور e tech بتاع اوبل اصلا...
والاكسيل والاكسنت..مواتيرها اصلا ميتسوبيشي بطة وعيون صفية..
وبعدين انا كان عندي عربية لادا سمارا كان عدادها عامل 270الف كيلو والموتور ماتحلشششش ولا عمل طقم شنبر وماكنتش بتدخن!..
وحاليا معايا اونو عاملة 130 الف من الزيرو .ومونورها 1400 وبينزل ماية من الشكمان الصبح..وبتجيب 180 كمان...
اختصارا يا جماعة اللي ماركبش اوروبي ماركبش عربيات...ماتجرب كدة بال30 الف بتوع الاكسيل دول..اركب لانشيا ديدرا...يانهاااااااااااااا ار...انت هاتنزل تدور الاكسيل وتسيبها تدخل في اي حيطة..الديدرا كانت بتنزل سنة 93 بتكييف تاتش!! وفتحات تكييف خلفية كمان!وحاجات كتيييييير تحوووووول..كانت منافس للبي ام دبليو 318 و316..وكان سعرها زيرو 130 الف والتمبرا كانت ب100الف..مش تقولي كوري!..والله ماركبها ولو ببلاش من الاكسيل للسبورتاج والموهافي لأي عربية كوري اصلا ماتدخلش مزاجي .. العربيات الكوري ولا طعم ولا ريحة..ولا بحس اني حاببها..واقف اتفرج عليها من البلكونة...!!..الكوري بالنسبالي
زي الراجل اللي متجوز واحدة تخدمة وبسسس..ومش بيحبها..
لكن الاوروبي طعم تااااني خاالص..
طبعا الكوري معمر و يعيش و يستحمل كمان و بيحافظ علي شكله و الدليل :
- هيونداي أكسيل
- هيونداي ألنترا (قبل 2000)
- هيونداي أكسنت
أما في كيا :
- كيا برايد
- كيا سيفيا
أما في دايو :
- لانوس (من قبل 2000)
- نوبيرا
- ليجانزا
الكوري كويس وماشي مع السوق المصري والانتشار خير دليل...الشعب المصري مش مرفه لدرجه انه يجيب عربيه ماتتحملوش وتصرف عليه وتخرب بيته...يبقي الكوري عربيات اقتصاديه ..
الكوري فرض نفسه علي الساحة والدليل وجود عربيات زي الاكسيل موديل 95 مثلا يعني وشغاله زي الفل فنقدر نقول 15 سنه كعمر كويس جدا
معايا لانوس 99
والعربيه ماشيه زى الفل..ما طبعا
قطع غيارها مرطرطه ورخيصه بجيبها من محل جنب البيت وبديها لميكانيكى تحت البيت وساعه زمن تكون صيانتها خلصت
وعشان كده اللانوس اللى كنت جايبها دى من 15 سنه ب 39 الف جنيه بتتباع النهارده بنفس تمنها جديده ان لم يكن اكتر ومع ذلك مستخسر ابيعها عشان مريحانى وبعتمد عليها اعتماد كامل بصوره يومية
والتابلوه مش بيقشر ولا حاجه
زعلتنى مره واحده بس انها سخنت وحساس الحرارة مكنش مظبوط فمس قايلى انها سخنه ومشيت عادى وبعدين اكتشفت انها جابت وش سلندر وده طبعا عيب فى العربيه المفترض لما تسخن كده تقفش ومتدورش وده محصلش..
غيرت طقم الشنبر والموتور باه احسن من الجديد وربنا يبارك فيما رزق
بايع عربيتي الالنترا موديل ٢٠٠٤ ماشية ١٣٥ الف كيلو..... حالتها زي الجديدة والله..... مغيرتش غير بلي عجل وجلب مقصات وبس...التكييف متشحنش ولا مرة....الموتور متضربش فيه مفك الحمد لله....كل حاجة شغالة....ارفعلها القبعة والله من حلاوتها
معمر طبعا
معمرة جداا حسب استخدامك...انا بعت عربيتى النترا 2004 من 4 شهور كانت عاملة اكتر من 240 الف كيلو ومتفكش فى موتورها مسمار حتى...ومكنتش تعبانى فى حاجة وتكييفها عمرى مااشتكيت منه وحاجاتها متوفرة وبعتها اغلى مااشتريتها
الفكرة كلها انك تحافظ على عربيتك ايا كانت....انما الاوروبى بصفة عامة والالمانى بصفة خاصة مبقاش مناسب لمصر مع كامل احترامى لكل الرفاهيات والامكانيات اللى فيه والسبب الاساسى لكدة حالة الجو عندنا اولا وثانيا حالة الطرق الضايعة....اللى عاوز يتأكد من كلامى يشوف الالمانى ناجح فى الخليج ولا لا ومناسب للجو هناك ولا لا هيعرف ليه الكورى ناجح فى مصر
الكورى القديم مكوناته المانى مثل شركه دايو اما الصينى اللى اول ماطلع اختفى نهائيا
شركه دايو منتشره فى العالم باسماء اخرى قبل ان تشتريها gm وايضا شركه hyundai كانت تستعين بشركه mitsubishi والشركتين قد غزو العالم
بص يا باشا الكوري عمره قصير ه للاوروبي الكوري مش بتاع شد وحرق زي مثلا الألماني وخش قسم الهيونداي في المنتدى هتلاقى مشاكل الفيرنا كتير وفيه واحد غير موتور نيو اكسنت 2009 بسبب الشد والجري أما الأروبي وهم في موضوع الشد والحرق ومواتيره معمره جدا ومع احترامي للأعضاء اللي يقول لانوس عامله 250الف كم ولسه مالعبش في موتورها والنترا عامله 280الف ولسه موتورها جديد انا واحد صاحبي جده كان معاه مرسيدس زلموكه موديل 86 كان جده جايبها زيرو وابنه خادها وهو خادها من أبوه دلوقتي والعربيه قلبت عداد ومشيت 600الف كيلو وبعدين الموتور طلع دخنه بيضاء وغيرلها شورت بلوك يعني عملت مليون و600الف كم بموتورها يعني أنسى أن كوري يعمل كده حتى لو بتحنتف على العربيه بس انا ذكرت المثل ده علشان الناس هتقول دي مرسيدس ياعم شوف تمنها كام والكوري تمنه كام فاروح رادد وقايل الكوري معمر بالنسبه لتمنه لاكن ماتقرنوش مع احترامي للكوري بالالماني العالي أو الأمريكي العربيات دي ماشيه من الأربعينات وزي الفل مثلا برضه البيتلز من أيام هتلر وماشيه ويارب يكون مروري خفيف على حضراتكم ومايكونش حد من أعضاء المنتدى الكرام زعل مني
و طبعا حسب الاستخدام
هنقارن ابو 50 با ابو 500 حرام طبعا
يا باشا الالماني مش ناجح في الخليج عشان غالي جدا بالنسبه للياباني والكوري يعني انت هناك تشتري بي ام 316i ب 120 الف ريال ولو عايز تشتري سوناتا ولا كامري شوف هتدفع كام 80 الف مثلا ومواتير اشد كمان وصيانه ارخص...وهو ده السبب الرئيسي عندهم لعدم انتشار الالماني...اقتباس:
المشاركة الأصلية كتبت بواسطة كابتن أهلاوى
لا يا باشا طبعا يفرق لما تركب عربيه سعرها اقل ب 30 ولا 40 الف ريال وابشنز اعلى وفئه اكبر و6 سلندر وبمواتير 250 حصان وطالع ايه رايك انت؟؟؟اقتباس:
المشاركة الأصلية كتبت بواسطة MOTOR HEAD
ولما تجيب حاجه مثلا زي الكابريس 8 سلندر و 320 حصان وعربيه ايه ماشاء الله وتحطها جنب ال 316 مثلا 4 سلندر ولا c-class ..
وعلى فكره تخيل مصر لغت الجمارك والله ماهتشوف المرسيدس ولا البي ام دول في الشارع بالمنظر ده.. هتلاقي الماكسيما والالتيما والكامري والاوريون والافالون والسوناتا والازيرا والاكورد عملو احتلال باسعار افضل وعشان تركب بي ام ولا مرسيدس زيهم بمواتيرهم وامكانيتهم هتخش في ال bmw 335 والمرسيدس c 350 وال 528 وال e300 ودول اغلى بكتير
ولو عندك فلوس البي ام ولا المرسيدس هتلاقي حجات تغريك اكتر كمان زي الليكزس مثلا وهكذا...
وانا عن نفسي افضل الالماني..
على فكرة عشرين سنة مش معمرة بالنسبة للمصريين تقدر تقول 40 سنة
متابع
الكيا ممتازة