السلام عليكم
آخرة مرة ياجماعة كنت بعمل صيانة ( صيانة التلاتين ) إكتشفت حاجة وحشة أوي في التوكيل ( توكيل إللي في آخر جسر السويس )

إنه لما بيعمل تشيك على الماية بتاعة العربية لقيت العامل بيحط ماية عادية !!!!!

يعني أنا بدفع مئات الجنيهات في حاجات هابلة تحت مسمى الشيك على العربية وربنا يعلم أد إيه الكروته إللي بتحصل في الشغل وفي الآخر يحطيلي ماية عادية ؟

أحسن حاجة إن أنا عندي جركن ماية خضراء محترمة ... بس أنا قلت بقى أكيد التوكيل بيحط ماية ياباني مثلا على شان تحافظ على الريداتير ( مهو بياخدوا فلوس قد كدة وفي إزدياد كل شوية )

بجد أنا زعلت أوي أوي أوي من الحركة ديه !

مع العلم إن أنا معايا عربية لانسر خليجي 2007 بقالها معايا سنة ونص ... وكل الصيانة في التوكيل ... بجد أنا مش حاسس بفرق بين التوكيل وبين برة مادام التعامل بالشكل الزبالة ده والأسعار بالشكل ده