ارجو من الخبراء حل مشكلتى

**w_t_a_e** · 21-03-2009 05:50 PM

السلام عليكم
اولا احب اعبر عن تقديرى للمنتدى الرائع والاعضاء الاكثر روعه
انا لسه مشترى لانسر 2001 (المكوه ) ولما اشتريتها صاحبها قاللى ان الكربراتير عاوز يتظبط المهم روحت عند واحد بتاع كربراتيرات وعمل فيها اللى عمله ولسع منى 130 جنيه وطلعت اجرب لقيت العربيه وحشه قوى بل انها اسوأ من الاول بكتير ومخنوقه وبتجيب ال70 بالعافيه وبتقطع كأنى راكب جمل رجعتله لعب فيها تانى وقاللى ان الكربراتير لازم يتغير ومشيت لقيت الخنقه خفت شويه وروحت لقيت العربيه بتعمل معايا 100 كيلو فى الصفيحه المهم روحت لواحد تانى برده بتاع كربراتيرات ظبط العربيه وخلاها على الشعره
بس لما روحت غيرت سير الكاتينه وظبط التاكيهات العربيه بقت تدور بالعافيه وساعات ماترضاش تدور خالص ومش زى الاول وفيها خنقه بس بسيطه واستهلاك البنزين بقى عالى تانى
مع العلم انى غيرت فلتر بنزين وبوجيهات
ارجوكم افيدونى لانى تعبت وزهقتوياريت حد يقوللى على مكان ميكانيكى يكون كويس اتعامل معاه
واسف انى طولت عليكم
ارجوه سرعه الرد
ولكم منى جزيل الشكر

**mhmdsfwt** · 21-03-2009 06:53 PM

اشترتها بكام
وحضرتك ساكن فين

**lovelorn** · 21-03-2009 07:34 PM

الحاجات اللى زى دى أحسنلك تروح التوكيل بدل ما كل ميكانيكى يفتيلك شوية .. وهى غلطتك انك مسألتش على ميكانيكى بيفهم من الأول .. عموما لو انتا من اسكندرية انا ممكن أوديك لواحد كويس .

**w_t_a_e** · 22-03-2009 07:50 AM

اشكركم لسرعه استجابتك بس انا من القاهره

**ibnmoaz** · 22-03-2009 10:26 AM

والله لو عاوز تريح دماغك من كل اكلام ده انا عندي ميكانيكي محترف ياباني وجنبه كل بتوع قطع الغيار الاستيراد و الجديد هو في الهرم ومعلش لو انت ساكن بعيد تعالالو ومش هتندم هو اسمه محمد 0102237072 شاب في منتهي الشطاره و الامانه.و رأيي بلاش موضوع التوكيل ده هيبقي غالي بالكدب

**w_t_a_e** · 22-03-2009 01:01 PM

الغالى ibnmoaz اشكرك لاهتمامك انا ساكن فى مدينه العبور بس لو هو شاطر وامين زى مابتقول الواحد يروحله بس هو اسمه محمد ايه وفين بالظبط فى الهرم

**ashraffathy75** · 22-03-2009 04:09 PM

المشاركة الأصلية كتبت بواسطة w_t_a_e

السلام عليكم
اولا احب اعبر عن تقديرى للمنتدى الرائع والاعضاء الاكثر روعه
انا لسه مشترى لانسر 2001 (المكوه ) ولما اشتريتها صاحبها قاللى ان الكربراتير عاوز يتظبط المهم روحت عند واحد بتاع كربراتيرات وعمل فيها اللى عمله ولسع منى 130 جنيه وطلعت اجرب لقيت العربيه وحشه قوى بل انها اسوأ من الاول بكتير ومخنوقه وبتجيب ال70 بالعافيه وبتقطع كأنى راكب جمل رجعتله لعب فيها تانى وقاللى ان الكربراتير لازم يتغير ومشيت لقيت الخنقه خفت شويه وروحت لقيت العربيه بتعمل معايا 100 كيلو فى الصفيحه المهم روحت لواحد تانى برده بتاع كربراتيرات ظبط العربيه وخلاها على الشعره
بس لما روحت غيرت سير الكاتينه وظبط التاكيهات العربيه بقت تدور بالعافيه وساعات ماترضاش تدور خالص ومش زى الاول وفيها خنقه بس بسيطه واستهلاك البنزين بقى عالى تانى
مع العلم انى غيرت فلتر بنزين وبوجيهات
ارجوكم افيدونى لانى تعبت وزهقتوياريت حد يقوللى على مكان ميكانيكى يكون كويس اتعامل معاه
واسف انى طولت عليكم
ارجوه سرعه الرد
ولكم منى جزيل الشكر

عندي نفس المشكلة بس عربيتي موديل 98 كريستالة أوتوماتيك بتعمل في الصفيحة 150 كم ياريت لو عرفت اي حل تنصحني به ولك جزيل الشكر

**ibnmoaz** · 23-03-2009 10:06 AM

هو شهرته محمد السعودي. و هو قبل المريوطيه علي طول من ناحيه شارع فيصل في شارع اسمه المستقبل الشارع ده مشهور ب مدارس المستقبل بتاعت المندوه الحسيني بتاع الزمالك