حاجة تزعل ( توكيل ميتسوبيشي )

**aratux** · 18-03-2009 03:47 PM

المشاركة الأصلية كتبت بواسطة horas3000

عادي.... انا الفرع دة مكونتش بستريحلة خالص و فعلا خوفي طلع في محلة و لبسوني في 20,000 جنية لكن هقول اية حسبي الله و نعم الوكيل

إزاى؟ حصل إيه؟

**horas3000** · 19-03-2009 05:53 PM

المشاركة الأصلية كتبت بواسطة aratux

إزاى؟ حصل إيه؟

الموضوع ده بقالو علي سنة دلوقتي بس كل ما افتكر دمي يتحرق.

احنا عندنا باجيرو موديل 2003 منزلنها من الكويت و في الفترة اللي جه فيها برد جامد السنة اللي فاتت كنت كل ما ادور العربية اسمع صوت فرقعة و العربية تطول علي متدور المهم مكدبتش خبر و رحت الفرع ده لانة اقرب واحد لي مدينة نصر و خدوا العربية و قعدت عندهم 3 ايام بعدين اتصل بيا المهندس و قالي اجي التوكيل طبعا انا قلبي وقع في رجليا المهم رحتلهم و قابلت المهندس و قالي الاتي:

ان ال ECU فيه مشكلة و لازم يتغير لانة بيدي امر اشتعال بدري و ده اثر علي air flow sensor اللي حسب كلامة كان متفحم و طلاما ال ECU هيتغير لازم معاه ال immoblizer عشان كل وحدة بتتعرف علي immobilizer واحد بس. طبعا انا جبت الوان و سالتة و دا هيتكلف كام دخل علي السيستم عنده و قالي 20,000 جنية و هتستني اسبوعين عشان هعملك اوردر من دبي عشان عربيتك خليجي مع الصدمة معرفتش ارد و مشيت و قولتلي هبقي ارد عليك بعدين.

المهم كلمت والدي في الكويت و قولتلوا و خد مني لستة الحاجات عشان يسال عليهم في الكويت و فعلا لقاهم بس كانو ب 10,000 جنية يعني النص كلمت المهندس و قولتلوا علي الموضوع و سالته عن فرق السعر قالي جمارك و كلام فارغ و اتفقنا اني هجيبلو الحاجة من الكويت و بعد 3 ايام و صلت الحاجه و رحتلهم بها و كان المهندس مذهول من السرعة اللي الحاجة جت بيها المهم خدو العربية و قعدت يومين و قالولي خلصت و كلو تمام و خدو 600 جنية تركيب.

روحت و بعدها بيوم حصل نفس الحاجة الصوت و التدوير طبعا روحتلهم و عملت هيصا و قالولي طب سيب العربية و هنشوف و قعدت عندهم 3 ايام برضو و بعدها كلموكني و رحت و لقيت المهندس بيقولي ده ال ECU اللي انتي جبته بايظ هوا كمان. قولتلوا يعني اية قعد يقولي ان الباجيرو 2002 و 2003 فيهم عيب في ال ECU و ان فيه ميل من الشركة قولتلو و الحل قالي هكتبلك ريبورت ان ECU بايظ علي ورق الشركة و هختمهولك و لو مرضيوش يرجعوه هكلملك اليابان و بتاع. انا لما لاقيتو واثق قولت دا فاهم.

بعدت ال ECU الكويت مع الريبورت و حسب كلام والدي انهم اول ما شافو الريبورت حطو ال ECU علي كمبيوتر و عملو عليه شك و طلعت كل حاجة ok و ان الريبورت ده ملوش اي قيمة و من الاخر نبلو و نشرب ميته و إن شاء الله بتوع مصر يكلمو امبراطور اليابان نفسة ال ECU زي الفل.

طبعا الكلام ده وصلتو للمهندس بتاع مصر و رجع فكل كلمة قالها و قالي اروح فرع قليوب عشان اشتكي للادارة طبعا عليت صوتي وزعقت بس لا حياة لمن تنادي

بعد كل ده الصيف هل و العيب ده اختفي لوحده و ال ECU لسه معايا لغاية دلوقتي و مش عارف اتصرف فيه و رجعت الكويت تاني و حرمت اروح الفرع ده تاني و ربنا يسترها و العربية ميحصلص فيها حاجة تحوجني للتوكيل تاني و ان شاء الله ابعت العربية كلها الكويت و لا ارحلهم و بقيت اتعامل مع الرواس اللي في شارع عبد الخالق ثروت في الصيانات العادية

**horas3000** · 22-03-2009 08:18 PM

المشاركة الأصلية كتبت بواسطة thebraveeagle

ربنا يعوض عليك فعلا

حاجة تحرق الدم !

هوا الواحد ماينفعش يشتكي فرع التوكيل ؟

لازم بجد يعرفوا إن العربيات ديه بفلوس ناس تعبانة فيها ... مش خدوها هدية مع كيس شيبسي

أكتر حاجة تضايق إنك لما تروح التوكيل ( إللي كل الناس بتعد تقول عليه غالي ) وتقول لاء ... أنا مش حسترخص حاجة في العربية والناس ديه متخصصة ... وتلاقي عك ما بعده عك !

بعد إذنك هو الرواس عامل إيه في الصيانة ؟

أنا عربيتي خليجي بالمناسبة ... وعايز أغير التوكيل **** بتاع سوق القنال وصراحة بستبعد أوي بتاع قليوب !

فلو كان جامد جدا وبيعمل إللي بيعمله التوكيل العادي فا أنا ممكن أروحوا بعد كدة

متشكر جدا علي تفاعلك معايا
و بالنسبة للرواس فهو كويس بس مش هايل يعني زي التوكيل كدة و بتقدر تشوف الشغل اللي بيتعمل قدامك و تقف علي ايد العمال بس احسن حاجة فيه انو بدون حجز مش زي التوكيل اللي لازم تتصل و تحجز قبلها بشهر و تكون قدامهم الساعة 7 الصبح عشان تخلص بدري و كده كده هو معتمد من المصرية و بتعاملوا معاها و هتلاقي العنوان و التليفونات في الموقع بتاع مصرية و اهو احسن من مافيش مع العلم اني جربتو في الصيانة العادية و معملتش عندهم حاجة كبيرة.

اتمني ان اكون افدتك و لو جربتهم قولنا رايك برضة